المسلم الوحيد في الكون كله - منتدى المحاسبين المصريين

11-07-2009, 09:49 AM

waelsayed

تاريخ التسجيل: Oct 2006

الدولة: Saudi Arabia

المشاركات: 523

المسلم الوحيد في الكون كله

أبو صالح و أبو راشد قاعدين يطالعون الأخبار في بلدتهم( بريدة) في القصيم بالسعودية

أبو راشد - وش قاعد تفكر فيه يا بو صالح؟

أبو صالح - أفكر بهالدين العظيم اللي انتشر من أقصى الأرض اللى أقصاها. ناظر هالمسلمين الصينيين.

- و الله أنك صادق يا أبو صالح.

- بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدق هم العرب اللي يفهمون القرآن و الأحاديث.

و الله أنك صادق يا أبو صالح.

- و بعد ترى موب كل العرب مسلمين صحيحين. عندك هالشوام و المصاروه و المغاربه و الله حتى ما يصلون صلاة ربي. ان بغيت المسلمين الصدق تراهم أهل الجزيرة و الخليج.

- و الله أنك صادق يا أبو صالح.

- و موب بعد كل الخليج. ترى كل هالدول تسمح بالخمر و بالكنايس، الدين الصدق هو ديننا حنا يا أهل السعودية.

- و الله أنك صادق يا أبو صالح.

- بس عندك بعد أهل الشرقية حريمهم ما يغطون وجيهم، و أهل الغربية حريمهم بعد ما يتغطون و يشيشون، و أهل الشمال حريمهم ما يتغطون عن رجالهم و يجلسون معهم و يضيفوهم. و أهل الجنوب مثلك خابر عندهم بدع واجد. الدين الصدق موجود هنيه عندنا في الوسطى و القصيم.

- و الله أنك صادق يا أبو صالح.

- بس ترى عندك هنا في الوسطى الناس يتتنون (يدخنون) و يسمعون موسيقى و العياذ بالله. الدين الصدق هنيه ببريدة.

- و الله أنك صادق يا أبو صالح.

- بس بعد بريدة موب كل حارة زي الثانية، ترى أكثر أهل بريدة مركبين دشوش و يشوفون القنوات الماجنة. ما فيه مثل حارتنا مافيه و لا دش واحد.

- و الله أنك صادق يا أبو صالح.

- بس الله يهديهم جيراننا موب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا و انت.

- و الله أنك صادق يا أبو صالح.

بس أشوفك يا بو راشد هالأيام ما تخشع زين في صلاة الفجر!!!

__________________

11-07-2009, 11:18 AM

عاطف صلاح

مشارك ماسى

تاريخ التسجيل: Feb 2009

الدولة: مصر المنيا

العمر: 40

المشاركات: 343

مشاركة: المسلم الوحيد في الكون كله

كل ينشغل بالناس وينسي نفسه
يامعلمل غيره اكان لنفسك ذا التعليم
اقم دولة الاسلام في صدرك تقم في بيتك

__________________
عاطف صلاح احمد
NO PAIN NO GAIN
01116211511

« الموضوع السابق | الموضوع التالي »

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML متاحة قوانين المنتدى

الانتقال السريع

الساعة الآن 06:46 PM