الطموح والآمال .. والواقع ..!!
السلام عليكم ورحمه الله وبركاته
انا سنى 24 سنه خلصت امتحانات رابعه وياعالم هنجح ولالاء
طبعا جامعه عين شمس
من يومين كده قلت اخد فكره عن الوظائف المتعلقه بالمحاسبين واللى بدرسه
وبصراحه انصدمت من كل حاجه
ودى امثله من الى شوفته فى الوظائف
1- محاسب مالى وتكاليف ماجيستير على الاقل
2- محاسبين خبره لاتقل عن 5 سنوات
3- محاسبين اجاده تامه كمبيوتر ولغه انجليزيه قراءه وكتابه
بصراحه لاتعليق على الوظائف دى
نجى للأهم بقى
المتخرجين جديد ومعهمش حاجه من دول او اللغه والكمبيوتر بتاعهم زى اى مبتدىء
مجرد حاجات تمشيهم فى الحياه يعملوا ايه
يتخرجوا ويعلقوا الشهادات على الحيطان ويروحوا يشتغلوا فى مصنع بأجر 250
ولا يقعدوا يذاكروا من تانى لحد ماعمرهم يبقى 30 و35 سنه وجايز ينفعوا وجايز لاء فى الوظائف
ولا نتجوز ونقعد نربى العيال وننسى ان نص عمرنا ضاع فى الدراسه الى مالهاش لزمه دلوقت
ولا ايه الحل يعنى
الشكوى لغير الله مذله بس انا مش بشتكى انا بطلب المشوره من اصحاب الخبره
ارجو الرد من الجميع وبحلول منطقيه مقنعه لواحده زهقت من كتر التفكير فى مستقبلها
واسفه على الاطاله .
06-15-2009, 03:35 PM
تعليمات المشاركة
العرض الشجري