ahmedfathi

السلام عليكم بخصوص سؤال حساب التكلفه الاستيرادايه فيتم حسابها كالتالي:
قيمه المشتريات (من واقع فاتوره المنشأ)
+الضريبه الجمركيه(ض . وارد)
+مصروفات الشحن والتخليص
+مصروفات النقل والمناوله
الناتج هو قيمه المشتريات الواجب الاقرار عنها في اقرار ض.المبيعات كقيمه مشتريات
ونلاحظ هنا ان ض.المبيعات لم نتضمنها في التكلفه لانه تخصم في اقرار المبيعات ويتم حسابها بجمع قيمه المشتريات (من واقع فاتوره المنشأ) +الضريبه الجمركيه(ض . وارد) فمثلا اذا كانت قيمه مشترياتنا 250000 وضريبه الوارد 25000 فيتم حساب الضريبه كالتالي:250000 +25000=275000 *10%=27500 وهي القيمه الواجب خصمها في اقرار المبيعات.
اما عن قيود اليوميه فهي
من ح/المشتريات الخارجيه(قيمه فاتوره المشتريات)
من ح/مصروفات الشحن والتخليص(نقل+اتعاب شركه الشحن+ ض .وارد)
من ح/ ض.المبيعات
الي ح/المورد او البنك ايا كان طريقه الدفع.

ايمن عبد الرحمن

جزاك الله كل الخير اخى
لكن عندى مشكله مع رئيسى فى العمل تتلخص فى التالى ياريت الاقى الحل عندك

السلام عليكم ورحمة الله وبركاته
الاخوه الافاضل التحقت مؤخرا باتحدى شركات التجاريه للاستيراد من الخارج وعند عمل اقرار ضريبة المبيعات طلبت رقم تكلفة المشتريات المستورده والضريبه السدده عليها من خلال الرسائل الخاصه بالفتره ففوجئت بالمدير يخرج الرساله الجمركيه وياخذ منها رقم الضريبه المسدده ويضربه فى 100 / 10 وطبعا قولتله الكلام ده غلط ومش بينفع عشان انا لازم اكلف المشتريات يعنى احسبها على الاساس التالى
قيمة فاتورة المورد الاجنبى مضروبه فى سعر التحويل
ثم يضاف عليها
1 - الرسوم الجمركيه
2 - مصاريف النقل والشحن والتفريغ
3 - اتعاب المستخلص الجمركى
4 - عمولات ومصاريف بنكيه
5 - نثريات وامصاريف اخرى.
لكن طبعا قاللى انا شغال كده بقالى اكتر من 15 سنه يعنى المفروض اشتغل وانا ساكت لكنى مصر على رايى .
ياريت يا جماعه حد يقولى اعمل ايه عشان اقنعه بالصح .
وليا طلب تانى
يتم نقل المبيعات الى العملاء على حساب شركتنا وهو ما اعتبره من ضمن مصروفات التشغيل والتى يتم تحميلها على تكلفة المبيعات وكذلك نتعامل مع بعض شركات الشحن والنقل ( ارامكس - تى ان تى) واحتسبها ايضا مصروفات تشغيل .
انا صح ولاايه ياريت الافاده جزاكم الله خيرا

__________________

ayman.192

السلام عليكم يا جماعة اللي انا اعرفة ان ضريبة المبيعات تؤخذ علي قيمة البضاعة وليس تكلفة المشتريات
اما بانسبة لمصريف نقل المبيعات فتدخل ضمن مصاريف المبيعات وليس مصاريف التشغيل لأنها ترتبط ارتباطا وثيقا بالمبيعات ولولا اتمام عملية البيع ما كانت هناك مصاريف نقل

__________________
§سبحان الله وبحمده سبحان الله العظيم§

مصطفى شوقى

السلام عليكم
المدير بتاعك صح لان هو عايز يحسب هو دفع ضريبة مبيعات عل المشتريات الخارجية دى اد ايه ودى بتبقى مكتوبة فى الرسالة الجمركية بيبقى مكتوب ضريبة المبيعات المخصومة بيضربها فى مقلوب النسبة علشان يعرف المشتريات بكام لكن اللى انت بتقولهدى مصاريف بتضاف على تكلفةالرسالة علشان اقدر اكلفها صح واحط عليها هامش ربح وابيعها لكن الضربية على المشتريات زى مهو عملها صح

aziz30

ضريبة المبيعات علي ثمن البضاعة المشتراة فقط و ليس علي المصروفات المنصرفة علي المشتريات ، رئيسك صح

islam_m_aziz

بص يا باشا

في فرق بين تلكلفة المشتريات الخارجية ضريبيا و بين تكلفتها الاجمالية بالنسبة لمصنعك او شركتك

في حالة ضريبة المبيعات هايكون مديرك صح

لسبب بسيط.. رقم ضريبة المبيعات اللي في الشهادة.. لازم هاتلاقيه = (قيمة الفاتورة (بالجنيه) + ضريبة البند الجمركي) * 10%

و خد بالك ان الخصم او التخفيض او عينات بدون قيمة.... لا يعترف بيه في الجمرك
بمعنى انك هاتتحاسب على قيمة الفاتورة او تقدير الجمرك


في حالة انك بتحسب تكلفة المشتريات عليك..
انت بتضييف جميع المصاريف اللي صرفتها من اول امر الشراء الى دخول البضائع الي مخزنك مع استبعاد ضريبة المبيعات!
و لو في خصم بتاخده في اعتبارك
ملاحظتين: - لو بتحسب تكاليفك في اخر السنة .. يبقي بتحول العملة بسعر الصرف اللي انت مثبته
- لو بتحسب تكاليفك الفعلية .. يبقي بتحول العملة بسعر الصرف الجاري


تكاليف المبيعات بتتعامل تكاليف تشغيل في حالات معينه... خلاصتها ببساطة ان الراجل دة مش عايز يقلل رقم المبيعات :)

وليد طه عبد الجليل

هل يؤخذ عند عمل القيود المحاسبية و ضريبة المبيعات من ورقة الرسالة الجمركية القيمة المقر عنها ام القيمة النهائية ؟
وشكرا

Apocalyptica

القيمه النهائيه

عمرو البصرى

تؤخذ القيمة من فاتورة المورد الخارجى او حساب الاعتماد لدى البنك و ليس شرطاً أخذ القيمة النهائية من ورقة الرسالة الجمركية و لكن فى الاغلب تكون القيمة مطابقة لفاتورة المورد أما ضريبة المبيعات من ورقة الرسالة الجمركية


و الله اعلم