مشاركة: بليز حد يكون بيشتغل في بنك يفيدني
السلام عليكم يا bombony23
بالصدفه البحته شفت استفسارك و انا ع المنتدى فحبيت ارد عليكى فى الجزء الخاص بأستفسارك
عن كورس المعهد المصرفى المصرى
انا الحمد لله اخدته و لسه مخلصاه الأسبوع ده و امتحانى يوم السبت الجاى ان شاء الله " ادعيلى بالتوفيق"
بصى انا اخدت الجزء الخاص بتاع ال banking operation لأن فى جزء تانى خاص بال customer service
و انتى بتختارى بينهم
الكورس بصراحة اكتر اكتر من رائع بجد و المحاضرين كمان ناس محترفين و محترمين و مراكز كبيره ما شاء الله فى البنوك آخر حد حاضر لنا كان مستشار البنك المركزى
بجد انا لما خلصته فرق كتير اوى عن قبل ما ادخله بيعرفوكى كل حاجه ف ادارات البنوك و بالتفصيل الممل كمان
نصيحة منى لوجه الله خديه و صدقينى مش هتندمى
انا ان شاء الله هقدم معاهم تانى فى الجزء بتاع ال
customer service
بالنسبه لشهادته ف المعهد المصرفى المصرى فى الفتره الأخيره اعتمد دوليا فأكيد شهادته مهمه بالأضافه ان كان معايا زملاء اصلا شغالين فى بنوك و بنوكهم مرشحاهم للمنحه دى
انتى قولتى انك جايبه 64% بس هما بيدوه منحه للحاصلين على جيد فيما فوق ب 350ج
اما اللى مش منطبق عليهم الشرط ده بيدفعوا 950 ج
بس صدقينى متضيعهوش منك حتى لو هتدفعى المبلغ ده لأنك هتخرجى اتعلمتى كتير اوى و عرفتى معلومات عن المجال اللى انتى حابه تشتغلى فيه
والمعلومات دى اكيد هتفرق معاكى ف اى انترفيو او تيست ف اى بنك
ربنا يكرمك و يوفقك و يحقق لك أمنيتك
و ادعيلى و بس :)
05-25-2010, 11:52 PM
تعليمات المشاركة
العرض الشجري