NEW ACCOUNTANT2010

السلام عليكم
انا فى 3 كلية تجارة جامعة القاهرة عربى انتساب


بس بقالى فتره عايز اروح اتدرب فى مكتب محاسبه
سالت كذا حد اعرفهم بس ملاقيتش مكان معاهم
فانا عايز منكم تنصحونى ابتدى ازاى ومنين

واتعلم اكسل منين هل فيه كورسات مجانيه على النت ؟؟

وسوال اخير هل اقدر احصل على كورس cma مجانا واذاكره بنفسى؟ يعنى انا عايز الكتب بس مش اكتر وياريت لو تدولى معلومات عنها اكتر
اسف جدا انى طولت علكيم

halawa

يجب تحديد الهدف اولا او وضع خطة مستقبلية لها اهداف
ثم الطريقة المثالية للوصول لها
خريج تجارة
1- موظف
يتفرع الى
بشركة ام ببنك او تجري وراء الحكومة
2- محاسب قانونى
يبقى مكتب محاسبة تتدرب فيه3 سنوات
3 - السفر بالخارج
واعلم ان كل اتجاه يتطلب منك رفع مهاراتك ولكن يختلف من اتجاه لاخر
والله الموفق

__________________
[bor=#ff0000]
[glint]
[/glint][glint]
[/glint][glint]
[/glint][/bor]

realman

زى ماقالك الاستاذ سيد

بالنسبة للكورسات ممكن تدرسها فى كلييتك بتبقى معتمدة وكمان ارخص من المراكز بردة

عندك icdl و محاسبة على الاكسل و peachtree

دول هيفدوك

أما بخصوص cma

مصروفات الـ CMA النظام الجديد :

1- 200 دولار تسجيل
2- 190 اشتراك سنوي
3- 350 دولار رسوم امتحان لكل بارت

المجمل =1090دولار = 5995جنيه


( يعنى تذاكرها مع نفسك ) أما لو هتدرسها فى مركز

فهتبقى التكلفة 8000 للمركز و 5995للامتحانات يعنى 13955جنية

ونسبة النجاح فى ال cma

54 فى المائة

بالتوفيق يامان

__________________

bombony23

نسبة النجاح قليلة جدا طيب المصاريف دي بتكون اتصرفت علي الفاضي

NEW ACCOUNTANT2010

الحقيقة انا تايه مش عارف اعمل ايه فى الوقت الحالى ؟
الدراسه بس ؟؟

الجبيلى

اعتقد ان التدريب مش هيفيدك كثير ركز على التقدير لانه هيفتحلك مجالات وكذلك اللغه مهمه خصوصا انك ناوى على cma وبالتوفيق

a7medelsharif

السلام عليكم ورحمة الله وبركاته
أخي العزيز :
عليك اولا ان تجتهد في كليتك وتنبتهك لدراستك والا تفكر في اي شئ اثناء الدراسة وخاصة انك في ثالثة كلية تجارة انتساب يعني تقديرك لم يتعدي المقبول وانصحك بان الفرصة ما زالت بيدك لكي تحسن وضعك في الكلية وفي التقدير
التقدير مهم جدا وخاصة للخريج الجديد
ثانيا بالنسبة للقرصات والدورات تقدر تاخدها في اجازات منتصف العام ونهاية العام الدراسي نصيحة لا تدخل نفسك في اكثر من شئ في آن واحد كما نقول في الفلاحين ( صاحب بالين كذاب)
انهي كليتك وبعدين وخود قرصاتك في اوقات فراغك وبعدين فكر في الخطوة التالية
ثالثا انت عاوز تكون ايه
يا تري عاوز تكون محاسب عام ولا محاسب قانوني ولا عاوز تكون مدير مالي في اقرب فرصة
لكل اختيار شروطه
يعني لو عاوز تكون محاسب عام وخلاص يبقي عليك انك تذاكر مبادئ المحاسبة بتاعت اولي وثانية جيد جدا والي جانب كده طبعا لازم يكون معاك لغة وكمبيوتر
عاوز تبقي محاسب قانوني ده موضوع تاني خالص مقدرش افيدك انا فيه
لكن لو عاوز توصل لمدير مالي في اصغر سن يبقي عليك انك تاخد شهادة زي cma او مايعادلها من الشهادات اللي تعمل لك اسم وتكسبك خبره وتثقل سيرتك الذاتيه وتجعلك مرشح لشغل الوظائف
وأولا واخيرا غليك بالاجتهاد حتي تصلي الي ما تريد اتمني ان اكون اضفت لمعلومات ولو شئ بسيط