مشاركة: كيف تتعامل مع مأمور الفحص ؟؟
اولا السلام عليكم ورحمه الله وبركاته
ثانيا اشكرك على هذا الموضوع المميز
ثالثا لى رايى خاص فى هذا الموضوع وهوه رؤيه المامور الفاحص لك يعنى بالبلدى كده
لو المامور لقى المحاسب اللى بيتعامل معاه كويس ودمه مش تقيل على قلبه نص الشغل اللى بينك وبينه انتهى
ده طبعا باعتبار ان كلا من الطرفين خبره وعارف شغله كويس لكن سؤاء كان المامور ملم بالقوانين من عدمه فهذا امر
قد يختلف من مامور الى اخر ولكن الاساس هوه الحكم الشخصى للمامور عليك
رابعا هوه طبيعه الملف اللى مع المامور هل هوه حسابات منتظمه ولا منشات صغيره وانا بشوف ان الملفات المؤيده بحسابات منتظمه بتبقى اسهل فالفحص بعكس المنشات الصغيره بيبقى الموضوع تقديرى وديما بيبقى الاقرار اللى متقدم بيختلف مع التقدير بتاع المامور وده طبعا لنزول كتب دوريه وتعليمات تنفيذيه جديده بصفه مستمره ده بيخلى الموضوع ديما فيه فروقات ضريبيه وغرامات تاخير
خامسا: بالنسبه للكتاب الدورى رقم 12 لسنه 2012 والتعليمات طبعا ... الموضوع بقى دلوقتى نسب صافى ربح مش مجمل ربح زى التعليمات القديمه يعنى اسس التقدير بقت اصعب من الاول
وشكرا
__________________
محاسب قانـونى
مـحمد سـالمين
09-16-2012, 07:04 AM
تعليمات المشاركة
العرض الشجري