ياريت حد يقولي الصح فين (بخصوص السفر للسعوديه)

09-09-2012, 02:57 AM

مشارك مبتدئ

تاريخ التسجيل: Apr 2012

المشاركات: 4

ياريت حد يقولي الصح فين (بخصوص السفر للسعوديه)

السلام عليك ورحمه الله وبركاته

انا عايز اخد رأيكو في حاجه بالذات اللي سافر السعوديه او اللي عنده خبره في السفر وياريت الاقي افاده

انا خريج تجاره 2009 وخلصت جيش وبقالي سنه ونص شغال في المبيعات من شهرين بس لاقيت شغل هنا في مصر كمحاسب بس بمرتب ضعيف شويه بس قولت ماشي عشان حتى اخد خبره وبعدين اشتغل في مكان احسن

من كام يوم كدا حد قريبي كان في السعوديه وشافلي عقد عمل كمحاسب ومميزات العقد كدا

1- الراتب 2000 ريال
2- شركه مقاولات في ابها - المنطقه الجنوبيه
3- كل حاجه على الشركه تأمين واقامه ومواصلات فيما عدا (الاكل عليا انا )
4- ودي اهم حاجه ان انا مش هدفع اي فلوس في العقد كل اللي هدفعه تمن التذكره بسسس ودا لان الشغل جايلي من واحد مصري صاحب ابن خالي اللي في السعوديه وهو له علاقه كويسه بصاحب الشركه يعني وهيبقى هو رئيسي في الشغل ( ودي حاجه مطمناني )
5- المصري اللي هيشغلني دا قالي انه هيكلم صاحب الشركه كمان 6 شهور عشان يزود راتبك يبقى 2500 ريال بس لما تقدم شويه (وطبعا دا كلام رسمي غير مكتوب بالعقد )

انا بقى دلوقت محتار جدا مش عارف العقد دا كدا مجزي ولا لا مع العلم اني واثق في العقد جدااا وواثق في اللي هيبعتلي العقد دا جداااااااا

بس مش عارف هل الراتب دا هيكون كويس وهعرف احوش منه ولو انا لوحدي هصرف اكل قد ايه في ابها

انا قولت ان في كلا الاحوال انا مش هخسر حاجه ولا هدفع تمن فيزا ولا حاجه تمن التذكره بس اللي هدفعه وقولت كمان حتى لو 2000 ريال مش كتير بس هيبقى اكتر بكتير من مرتب المحاسب في مصر لاني مش بعرف احوش حاجه هنا وكمان انا معنديش لسه رصيد خبره يعني انا محاسب بقالي شهرين بس فبقول الراتب دا ممكن يكون مناسب لخبرتي واني مش هلاقي اكتر من كدا فاانا عايز رأيكو بأمانه وهل التفكير والمقارنه بالطريقه دي صح ؟

واهم حاجه عايز اسالكو فيها ان التأشيره لازم يتكتب فيها سائق خاص ودا موضوع قالقني
لاني سمعت ان سائق خاص بتكون صعب تغير المهنه وصعب لو اتزوجت اعمل استقدام للزوجه طب ينفع لو سبت الشركه بعد مده العقد انفع ارجع تاني بعقد تاني لشركه تانيه بتأشيره محاسب ؟
ولا خلاص اتثبتت عليا باول مهنه ادخل بيها السعوديه ان اناا سائق خاااص ؟
وايه فايده تغيير المهنه لو انا مش متزوج يعني ؟ لو مغيرتهاش هيجرى ايه
وعايز اعرف عشان اغير المهنه وتبقى سائق خاص دي محتاج رخصه قياده نوعها ايه لاني اصلا لسه مطلعتش رخصه

عل فكره العقد لمده سنتين

ياريت حد بقى يفيدني او ينقلي خبرته في الموضوع دا
جزاكم الله الف خيررررر

09-16-2012, 01:28 AM

malty

مشارك

تاريخ التسجيل: Sep 2012

المشاركات: 38

مشاركة: ياريت حد يقولي الصح فين (بخصوص السفر للسعوديه)

هو ليه محدش رد عليك اانا عندى سؤال شبيه لسؤالك مع اختلاف بعض الامور وكانت حابب اسمع ارد ولو انت سافرت ياريت تقول لانى انا قصتى مشابه ليك بالظبط مع اختلاف كام حاجه وكنت عاوز اعرف الرد لو فى حد عنده رد وافى ياريت يقول

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى