رايك يهمنى - هل ما قمت به للنظام المحاسبى لشغلى صحيح ؟

03-31-2011, 06:10 PM

مشارك مبتدئ

تاريخ التسجيل: Jul 2010

المشاركات: 19

رايك يهمنى - هل ما قمت به للنظام المحاسبى لشغلى صحيح ؟

السلام عليكم
دى تقريبا اول عمل لى كمحاسب
انا مسكت حسابات مصنع صغير
المهم ان شغل الحسابات عندهم ماكنشى منظم
يكتبو المصروفات فى كراسة كاملة
بمعنى اصح حركة النقدية كل قرش يطلع بيتسجل فيها حتى الاصول اللى بيشتروها
فى واحدة تانية لتسجيل حساب صاحب المصنع النقدية اللى بيحطها فى المصنع
او اللى بياخدها وهكذا
واحدة تانية لحساب العملاء والموردين
انا ممكن امشى على النظام ده وماحدش هيقولى حاجة
لكن انا مش راضى عن الوضع وحبيت احسنه

المصنع بينتج منتج واحد وله نوع واحد من المواد الخام(حديد)
يعنى يعتبر من الصناعات التحويلية

مافيش مستندات ولا فواتير وده هيستمر لفترة
انا هقولكم اللى عملته وانتم تقولولى رايكم
ماحدش يبخل على بمعلومة
ياريت توجهونى للصح من خبرتكم ومعرفتكم

انا عملت دليل محاسبى بسيط للحسابات
الاصول:
النقدية(عرفت اجردها)
الالات (للاسف كلها اتسجلت مصروفات السنة اللى فاتت وماسجلتش الا الة واحدة بس)
الاثاث (نفس نظام الالات بس لحقت مكتب وكرسيين)
العملاء (تمام)
بضاعة اول المدة (جردت فيه البضاعة اللى عندنا مواد خام على منتج كله فى حساب واحد)

الخصوم
حساب جارى الشريك (حساب صاحب المصنع)
موردين

المصروفات
مشتريات
الايجار (بندفع ايجار للمكان على اربع دفعات سنوى كل 3 شهور
اجور ومهايا
مصروفات نقل بضاعة
مصروفات تشغيلية
مصروفات عمومية وادارية
خصم مسموح

الايرادات
المبيعات
خصم مكتسب

عملت دفتر يومية
ودفتر استاذ للحسابات اللى فى الدليل
وصممت نظام محاسبى على الاكسل للحسابات

وحطيت قيد افتتاحى للشهر الجديد بعد الجرد
من ح/نقدية
من ح/اثاث
من ح/ الالات
من ح/ مخزون اول
من ح/مصروفات تشغيلية (عملتها لانى لقيت فى فرق فى حساب جارى الشريك زيادة فحطيته عشان يتساوى الطرفين)
الى ح/ جارى الشريك
الى ح/عملاء (عميل رصيده دائن)

ياريت يا جماعة تقولو رأيكم
ونصايحكم
منتظر

04-01-2011, 01:38 PM

فارس الاندلس

مشارك مبتدئ

تاريخ التسجيل: Jul 2010

المشاركات: 19

مشاركة: رايك يهمنى - هل ما قمت به للنظام المحاسبى لشغلى صحيح ؟

17 مشاهدة حتى الان بدون رد واحد
يمكن مافيش حد من الخبراء شافه ..؟!!

يا مسهل.............

04-07-2011, 06:18 PM

ahmedfathi

مشارك فعال

تاريخ التسجيل: Mar 2009

المشاركات: 155

مشاركة: رايك يهمنى - هل ما قمت به للنظام المحاسبى لشغلى صحيح ؟

ممكن أسأل سؤال هو المصنع دة تقديري ولا دفاتر منتظمة ورأس مالة كام ورقم الاعمال

02-21-2012, 03:51 AM

ahmed.k1982

Banned

تاريخ التسجيل: Jan 2011

الدولة: Usa

المشاركات: 128

مشاركة: رايك يهمنى - هل ما قمت به للنظام المحاسبى لشغلى صحيح ؟

على الى انت كاتبه هرد الشغل بسيط بس وانت عاجته شبه كويس بس تعكس قيد الاصول الى اتحملت غلط على المصروف وتحملها على الاصول الثابته وتعمل اهلاك

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى