tetomemo

عزيزي المحاسب : جمعية المحاسبين و المراجعين تحتمي وراء نظام شروط العضوية فيها حيث انها لو فتحت الباب امام جموع المحاسبين فسوف يتغلبون عليهم
و بذلك لن يكون لها ميزة تنافسية امام السوق المهنية سواء على المستوى الاقليمي او العربي و هم يخافون اي المكاتب الكبيرة ان يدخل عليهم محاسبين من خارج مكاتبهم يكون لهم الرأي و الكلمة في مجلس ادارة الجمعية فهم يضمنون الولاء التام للاعضاء
و على هذا لو فتح نظام الامتحان العام لجموع المحاسبين و بدون شرط التسجيل لدى عضو جمعية كما الحالي و يكون العبرة فيه للمجتهد و المطلع على كل مجريات المهنة اعتقد انني لن أجد صوت مسموع لذاك او هذا من الاسماء الاعلانية
و معلومة اخيرة لك اعتقد ان طبيعة المحاسب هي البرود التام نعم هذه ليست مزحة و لكن طبيعة المحاسب الجيد فهو بارد اي هادئ الطباع في عمله و هذا من سمات المحاسب و المراجع ان يتسم بالهدوء و السكينة في مزاولة عمله لما يتطلب تركيز و عدم الملل من الاعادة و التكرار للارقام
لذا نجد ان المحاسب لا يتسم بالانفاعلية في اتخاذ قراره
و ادعوا كل محاسب ان يحصن نفسه بالعلم و التعلم الدائم و المستمر
صدقني انا اعرف اعضاء بل زملاء بجمعية المحظوظين تلك لا يفقهون شئ و يعتمدون على مرجعيتهم الاعلانية و الدعائية

mohd

الاخوه الكرام

لو سمحتم بلاش الالفاظ الغير سليمة علي الجمعية لانها تضم ناس محترمين جدا ونفسنا
كلنا بدون استثناء الانضمام ليها بس مش قاديرين ده صح ام لا ....
عموما شروطها والالتحاق بعضويتها شي صعب ومشوار طويل اللي يقدر يكملة يشد حيله
وربنا معاه ويدخل موقعها ويشرف شروطها وامتحاناتها وكل شي عنها مكتوب عالموقع
عموما لم اسمع حتي الان عن عضو دخل بالمحسوبية للجمعية او دفع فلوس او حتي لم
يستوفي الشروط ولو اتحدنا كل محاسبين مصر ومراجعين نطلب تخفيف الشروط الشبه
تعجيزية ممكن نغير من شروطها وحسب كلام الاخ السابق عن اتحاد المحاسبين كلامه صحيح
100% بس فين
اكبر دليل نقاية التجارين كل من هب ودب مشترك فيها المحاسب والغير محاسب وبالنهاية
ماذا تقدم واية مدي فاعليتها وقوتها بمصر وسط النقابات الاخري
فيه حد سمع عن نقابة التجارينن بتعمل شي في كل الي بيدور حولنا سابقا وحاليا ومستقبلا

الله يسترها واهه ماشية 100 فل وعشرة وخليها كدة بلاش وجع راس ودوشة مش كدة

مين يعرف نقيب التجارين - نائب النقيب - امين الصندوق -------- محدش يعرف

والسلام عليكم محمد

tetomemo

هو في حد اتكلم على شخص بعينه و لا الي على راسه
بعدين انا بتكلم على مؤسسة مش اشخاص على تنظيم مهني معين له دستوره الخاص و اعتقد لا يوجد احد اشار الى شخص بعينه و انا اعيد كلامك فعلا هناك اساتذه كبار و هم رواد المهنة اعضاء بالجمعية و لهم تاريخ مهني لا يستهان به بعدين موضوع الجمعية و عضويتها المحاسبين كلهم بيتكلموا عليه مش جديد و لا فريد ؛ بعدين احنا نفسنا ننضم اليها بالشروط التي تحقق تكافؤ الفرص لجميع المحاسبين و يكون الفيصل فيه لورقة الامتحان مثل اي امتحانات خارجية و ليكن الس ب ايه و انا لم اسمع ان حد دخل الجمعية دي بفلوس او محسوبية ده فكرة جديدة منك

bondok

وانت فاكر ان الجمعيه دى امرها صعب
كلاللى عليك تعمله انك تشوف مكتب ابن .... حلال وتديله اللى فيه النصيب كل شهر وهو يدفعلك التامين وانت قاعد فى بيتك
ولا شغله ولا مشلغه ولا جرى ورا مصالح الضرايب وشغل جاد علم وحاجات من دى

acc_bahaa

السلام عليكم
دي أول مشاركة لي في المنتدي والموضوع لذيذ جداً لأنه جه علي الوجيعة
أنا نفسي أخد الزمالة بس أنا من خارج القاهرة والمحاسبين عندنا ميعرفوش حتى أن في جمعية للمحاسبين بسبب سيطرة الكبار وعدم الإهتمام بالمحاسبين الصغار
ولا أقصد بالصغار شىء سوى صغار الإمكانيات المادية
فمن أين أجد محاسب عضو بهذه الجمعية !!!!!!!!!!!!!!!!!!!!!!!!!!!!!!!!!!!!!!!!!!

السيد خضر

السلام عليكم
في البداية ...
أنا حاصل علي دبلوم دراسات عليا في المحاسبة المالية
وابحث عن أي وسيلة للوصول لهذه الجمعية ....
ووجدت الطريق صعب جدا ولازم تدفع للمكتب مبالغ كبيرة علشان يوافق أنه يسجلك عنده تحت التمرين خلال المدة القانونية اللازمة للتسجيل في الجمعية ....
ولكن رغم الصعوبات دي ....
الحل مش في الهجوم علي أعضاء الجمعية ولا حتي الجمعية نفسها و التجريح أو التقليل من شأنها .
بل الحل هو أننا نرفع أصوتنا بشكل يعطي انطباع للمسؤلين عن المستوي المتحضر للراغبين في الاشتراك .
وكمان .. لازم نطرق كل الأبواب من أجل إيجاد حل لهذا الأمر

ونحاول نفكر مع بعض ونجمع أصوتنا
مش 10 أو 20 بل 10 ألاف و 100 ألف نطالب بحقنا في فتح الباب و لو حتى شوية صغيرين

AHMEDRM

السلام عليكم جميعا
على فكرة دى او ل مشاركة ليا
وحبيت بس اوضح حاجة مهمة جدااااااااا
اولا انا محاسب قانونى من 3 سنين
وشغال فى شركة اجنبية فى السعودية
وحسيت منكم انكم ناقمين على الجمعية بشكل متسرع جداا
يعنى مثلا انا عشان ابقي محاسب قانونى اشتغلت 5 سنين فى مكتب محاسبة ( وما أدراك )
المهم
اى شهادة او عضوية سهلة بيبقى مش ليها اى لازمة
يعنى بالعربي لازم تكون صعبة ومكلفة عشان يكون اللى بيحصل عليها محاسب مميز
اى حد لسة متخرج او مشتغلش محاسب اساسا عايز ياخد زمالة لازم يضحى ويتعب ويصرف
وبعدين احنا لسة بتكلم عن الجمعية
انتوا يا جماعة لازم تتطوروا شوية واعذرونى فى اللفظ
فيه حاجات كتير دلوقتى اهم من زمالة او عضويات الجمعيات المصرية
Cma, Cfm, Cia, Cpa
وهى دى الشهادات اللى كلنا لازم ندور عليها وناخدها عشان نلاقى مكان نشتغل فيه اساسا
واقصد مكان يعنى شركة محترمة
مش محل ولا مطعم
اعذرونى لو كنت طولت
بس لو شوفتوا الغربة
هاتعرفوا اد ايه مصر وناسها اجمل حاجة فى الدنيا
سلام

berrythumb1

في البداية يجب أن أوضح للسادة الأعضاء في المنتدي أن جمعية المحاسبين والمراجعين تأسست منذ عام 1946 ويشارك في عضويتها ومجلس إدارتها العديد من الأساتذة التي أثرت في مهنة المحاسبة والمراجعة والتي كانوا لهم السبق في تطوير مهنة المحاسبة والمراجعة " معايير المحاسبة وزالمراجعة المصرية " .
لذلك لا يجب علينا نحن المحاسبين أن نتلفظ بمثل هذه الألفاظ علي أساتذتنا وعلماؤنا وأن نتهم الجمعية بالباطل وبغير حق .
فالجمعية تعمل علي الحفاظ علي ما تبقي من المحاسبين من ذوي الكفاءات والمهارات العالية من خلال الأمتحانات التي تعقدها الجمعية ولا تحصل علي عضوية هذه الجمعية إلا من أجتاز هذه الأمتحانات فلكي تحصل علي عضويتها يجب اجتياز الأمتحان المتوسط والنهائي ويشترط لكي تشترك في هذه الجمعية ولكي تدخل الأمتحانات يجب أن تعمل في مكتب أحد الأعضاء بالجمعية .
ولكن قد قامت الجمعية بتوسيع قاعدة العضوية بإعتماد مكاتب غير الأعضاء لتمرين المحاسبين وذلك وفقاً للقرار الإداري الصادر في 14/11/2007
ولمعرفة القرار الإداري ارجع للجمعية بدلاً من أن نتكلم بدون علم .

hodhod1974

ماذا نفعل اذا كان الاعضاء (مكاتب المحاسبة)لم تسجل احد الا بصعوبة بل شبة استحالة وياريت المحاسبين القانونيين تكون نفسهم حلوة زي المحامين فخريخ الحقوق يذهب الى اي مكتب محامي ويسجل فوري