سوؤال عاجل جدا الي اخوتي المحاسبين وارجو الرد

03-28-2011, 02:31 PM

مشارك مبتدئ

تاريخ التسجيل: Mar 2011

المشاركات: 23

سوؤال عاجل جدا الي اخوتي المحاسبين وارجو الرد

سلام عليكم جميعا أرجو تفيدوني يااخوتي انا اعمل في مؤسسة تعمل في مجال المقاولات بالسعودية ولسة مستلم الشغل من قريب لكن لما استلمت الشغل لقيت ان الدفاتر بايظة والدنيا بايظة خالص فمثلا انا اعلم ان اي مشروع تقوم بتنفيذه المؤسسة يجب تحميله بكافة المصروفات التي استفاد منها ذلك المشروع سواء كان محروقات او اكل للعمال او مواد الخ طالما ان هذا المشروع قد استفاد من هذه المصروفات ولكنني عندما استلمت العمل لقيت ان المحروقات من بنزين او ديزل بيحملوها علي حساب المؤسسة في ملف اسمه مصروفات عمومية قسم محروقات وكذلك مصاريف اكل العمال في كل المشاريع مع العلم ان بعض الفواتير او المصاريف بتكون اجمالية وبتكون عبارة عن تكاليف مختلطة ومن الصعب تفنيدها وتحميل كل مشروع بمصاريفه وفي كمان مشكلة في الاخشاب اللي بتشتريها المؤسسة عشان الخرسانة والحاجات دي الراجل صاحب المؤسسة عايزني احمل تكاليفها علي حساب المشروع اللي راحت له لكن لما سئلته قولتله هل بعد ما يخلص المشروع اللي راحت له الاخشاب دي ممكن استخدم الاخشاب دي في مشروع تاني ولا لاء فجاوب وقالي اه ممكن قولتله يبقا ما ينفعش احمله علي تكلفة المشاريع ده يعتبر اصل من اصول المؤسسة ويتعمله اهلاك .................................. فياريت حد ياجماعه يفيدني بالله عليكم لان الدنيا هنا بايظة والله وكلها مخلوطة علي بعضها

03-28-2011, 08:15 PM

alsharq123

مشارك نشط

تاريخ التسجيل: Dec 2010

المشاركات: 63

مشاركة: سوؤال عاجل جدا الي اخوتي المحاسبين وارجو الرد

ازيك يا ميدو و ربنا يعينك على اخوتنا دول
انا اشتغلت 4 سنوات في الرياض في مؤسسة مقاولات و احب اوضحلك نقطة انت اعمل شغلك صح كمحاسب و بس و محدش يقدر يغلطك لما انت تقنعه طبعا بالحسابات
انت اول حاجة تعملها تفتح لكل مشروع صفحة و تبدا تنزل المصاريف اول بأول
و ثق ان اول سنه مهما حاولت فيها هتطلعه بايظة معاك بس بعد كدة كل حاجة هتكون تمام
ابعتلي اي حاجة واقفة معاك و نحاول نوصل لحل فيها

03-28-2011, 08:47 PM

محمد عادل 112

مشارك مبتدئ

تاريخ التسجيل: Mar 2011

المشاركات: 23

مشاركة: سوؤال عاجل جدا الي اخوتي المحاسبين وارجو الرد

شكرا جدا يااستاذنا علي ردك بس كنت عايزك تفيدني اكتر في مجال المقاولات ده لاني اول مرة بشتغل فيه والكلام اللي انا قولته ده من واقع معلوماتي المحاسبية بس مش اكتر

03-30-2011, 04:54 PM

waelhasaan

تاريخ التسجيل: Aug 2008

العمر: 44

المشاركات: 1,303

مشاركة: سوؤال عاجل جدا الي اخوتي المحاسبين وارجو الرد

السلام عليكم

اهلا بك اولا كعضو معنا فى المنتدى وزميل جديد

وزى ماحضرتك قلت والزميل alsharq123 حضرتك لازم تفتح لكل مشروع حساب لوحده وتحمله بكل التكاليف اللى استفاد منها والباقى ( واقصد به كل مايصرف فى اداره الشركه ) حمله على حساب المصاريف الاداريه و العموميه

وبالنسبه لموضوع الخشب حضرتك صح دخله اصول واعمله اهلاك وانصحك بعمل دليل محاسبى يفيدك فى شغلك كبدايه

واحنا فى المنتدى كلنا يد واحده لو فى حاجه اعرضها واحنا نساعد بعض

وربنا يوفقك ان شاء الله

__________________

[marq="3;right;3;scroll"]ليس من الانجاز ان تعمل 1000 صديق فى سنه واحده بل الانجاز ان تعمل صديق ل 1000 سنه[/marq]

04-09-2011, 06:12 PM

ابو العلاء

مشارك مبتدئ

تاريخ التسجيل: Jan 2009

المشاركات: 29

مشاركة: سوؤال عاجل جدا الي اخوتي المحاسبين وارجو الرد

السلام عليكم
المشكلة دى بنعانى منها ديما فى اى مجال داخل المملكة
وده لتدخل اصحاب (الحلال) المال فيما لايعلمون

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى