ابحث عن - منتدى المحاسبين المصريين

10-23-2010, 10:11 AM

nouran2005

مشارك مبتدئ

تاريخ التسجيل: Oct 2010

المشاركات: 19

ابحث عن

ارجو معرفة معنى كلمة ( باحث اقتصادى)
وكل ما يتعلق بهذه الكلمة

10-29-2010, 11:57 PM

بـــــوجى

مشارك

تاريخ التسجيل: Oct 2010

المشاركات: 46

مشاركة: ابحث عن

اولا السلام عليكم
ان شاء الله اقدر افيدك
. عندك اول حاجة انت ممكن تكونى محلل مالى فى البورصة لان المحلل المالى بيحتاج لتحليل السوق والاسهم والاقتصاد عامة فدى هتبقة كويسة اوى لاى خريج اقتصاد

اوعدنا يارب

2. تفكرى تكونى باحث اقتصادى..يعنى ايه الكلام ده
الباحث الاقتصادى ده شغلته انه بيعمل تقارير سواء عن الاسواق الدول النامية او المتقدمة..او على الاقتصاد الكلى عامة
وحكاية باحث اقتصادى دى محتاجة شغل شوية
يعنى مبدئيا تعملى ماجستير فى الاقتصاد فى الجامعة الامريكية مثلا او فى مكان يكون محترم وكويس عشان تستفيدى اكبر استفادة

ومن مقومات الباحث الاقتصادى انه بيقرا كتير وعارف كل الاخبار والاحداث اللى بتحصيل على الصعيد الداخلى وعلى الصعيد الدولى

طيب الباحث الاقتصادى ده ممكن يشتغل فين مثلا ::

1. عندك كل مراكز البحوث اللى جوة واللى بره زى :
مركز المعلومات ودعم اتخاذ القرار التابع لمجلس الوزراء
مركز الاهرام للدراسات الاستراتيجية
المنتدى البحوث الاقتصادية

والمراكز دى ممكن تكون مش عايزة ناس دولقتى..بس انت اعملى CV وروحلهم وادهولهم بالعافية أيوة واعملى ورقة تانية مثلا مع الCV وقولهم انا عايزه اتدرب ولو حتى من غير فلوس واستفيد منهم

2. عندك مثلا البنك الدولى
صندوق النقد الدولى
منظمة التجارة العالمية

اوعدنا يارب

دولت مش هقولك سهل انك ترحيلهم بس مش مستحيل يابطلة

3. فى شركات السمسرة المختلفة وكمان البورصة عامة
يعنى محلل مالى ..وممكن تفكر بردوه فى التحليل الفنى

4. وعندك طبعا البنوك المختلفة (وحبذا تكون اسلامية)

5. اكيد درست ( Econometrics ) صح؟
انا بصراحة مااعرفش هو بيتكلم عن ايه لكن انا بشوف شركات
عايزة Econometrician
طب ماتشوفى بيعملوا ايه وشغلتوهم ايه وايه حواراتهم
ممكن تروح لدكاترة الكلية عندك فى الاقتصاد وهايساعدوك اكيد
ممكن تبدأى تفتح الكتب الخاصة بالمجال ده واكيد هاتستكشفى حاجات جديدة

__________________

انصحك يااختنا العزيزة انك تتابعى باستمرار الاحداث اللى جوة مصر وبره مصر
يعنى مسسالة العذاء العالمية مثلا..الرهن العقارى الامريكى..المنتدى الاقتصادى العالمى ومدى تاثره
يعنى انا قصدى المواضيع الدولية

وتفكرى فى لغة تانية

خلاص كفاية كده كلام عشان عايز انام

بوجى هو ضجة فى عالم المنتديات يرحب بكل استفساراتكم

10-30-2010, 12:08 AM

بـــــوجى

مشارك

تاريخ التسجيل: Oct 2010

المشاركات: 46

مشاركة: ابحث عن

طب بردة حاسس انك مش فاهمة طب أدى شوية اسئلة واجابات تقربلك المفاهيم

ايه المسمي الوظيفي لخريجي قسم اقتصاد ؟

خريج إقتصاد بيكون خريج حر إلى حد ما ..ممكن يشتغل فى الحسابات ويبقي إسمه محاسب ( الحسابات مش مقتصرة على قسم المحاسبة ).. وممكن يشتغل فى بنك أو فى البورصة فى التحليل المالى ويكون إسمه محلل مالى .. إلخ ..

يعنى إنت إختار ى تخصص وإشتغلى فيه ..

وهل ممكن اشتغل بالتحللي المالي ده لو عندي الكفائه ؟

بالظبط لازم تدربى عليه الأول وفى مكاتب خاصة بكده سواء مكاتب البورصة أو مكاتب المحاسبة الكبيرة اللى بيبقي فيها محللين ماليين أو فى مراكز التدريب ..

وهل عشان يبقي عندي الكفائه دي لازم اكون اشتغلت فعليا في البورصه وللا يكفي المراقبه وكده ؟

هو من الأفضل إنك تلتحقى بمكتب من مكاتب المضاربة فى البورصة عشان تاخد خبرة وده هيحتاج انك تتحملى شوية فى الأول .. وكمان قدامك برده الاختيارات اللى انا قلتهالك فى السؤال اللى قبله ..

وهل برنامج زي الspss هيساعدني في الموضوع ده اني اكون باحث اقتصادي احصائي بما ان البرنامج ده داخل فيه جزء كبير من الاقتصاد القياسي
؟

البرنامج ده هيفيدك جداً بس لو حددتى إنك هتتخصص فى مجال الإقتصاد الإحصائي .. فلازم تحددى الأول انت عاوزه إيه وبعد كده تاخدى الكورسات بتاعة التخصص اللى انت عاوزاه وع العموم انا جبتلك برده شرح للبرنامج ده ممكن يفيدك ..

وهل لو خدت اوراكل هتنفعني في حاجه ؟.
وايه مدي صعوبتها

اوراكل دى لغة برمجية ومعاها قاعدة بيانات .. فى مجال منها بيستخدم فى إنشاء البرامج المحاسبية وعمل ما يمسي arp system .. الأوراكل تفيدك لو انت عاوزة تبقي مبرمج .. لكن مش هتفيدك لو انت عاوزة تتخصص فى مجال من مجالات المحاسبة او التحليل المالى سوي إنها هتكون حاجة تميزك عن غيرك , بس إنت لو أخدت كورسات اوراكل مش هتحتاج حاجة معاها لأنها مجال واسع ..

وبخصوص صعوبتها فدى حاجة تتوقف عليكى والأفضل إنك تسأل عن تكلفتها فى مركز اوراكل القاهرة ولو عاوز معلومات عنه انا ممكن اجيبلك ..

زى مابقولك حدد إنت عاوزة تبقي إيه وقوي نفسك فيه وبعد كده إبدأ ..

بوجى هو ضجة فى عالم المنتديات يرحب بكل استفساراتكم

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى