royalnubian

طيب انا ممكن ابسط الموضوع

ايه الدفاتر والفواتير المطلوبة عشان الضرائب؟

انا كنت فاكر المنتدى هيفيدنى فى حاجة بس بصراحة لغاية دلوقتى مش شايف أى مساعدة !!
طبعا واحد هيقول لى طيب ما تشوف مكتب محاسبة قانونى قريب وهوة هيساعدك... ارد عليه واقول له انا لسة فى البداية ولو عرفت ابتدى بحاجة منتظمة ده هيسهل على مكتب المحاسبة انه يتابع الشغل بتاعى بطريقة اسهل.. مش كده ولا ايه !!!!
والأهم من كده ان فى ناس كتيرة بتيقى عايزة تعمل مشاريع وعندها افكار حلوة وكويسة بس بتقلق من الموضوع ده..
لو الموضوع مكرر ياريت حد يبعتنى على الردود السابقة..

ahmedfathi

السلام عليكم اخي اود ان اتعرف علي بعد النقاط الهامة
1/ هل انتا مسجل بمصلحة الضرائب علي المبيعات
2/ لو مسجل بالفعل هيبقي لازم يكون عندك شكل للفاتورة الضريبة
3/ بعد كتابة محتويات الفاتورة من ايرادات لابد ان تضع الضريبةبفئة 10 % بشكل منفصل في الفاتورة
4/ عمل بيان بالايرادات والضريبة والمشتريات والضريبة المخصومة واخيرا الضريبة المستحقة
5/ عمل كارت صنف للمخزون اللي عند حضرتك
6/ كتابة الاقرار شهريا وعدم التأخر مع العلم ان المصلحة تعطي مهلة شهرين يعني اقرار شهر يناير موعد تسليمة
ممتد الي 31 مارس
وفي النهاية لابد ان تكون قيمة الايرادات بالميزانية مطابقة لاجمالي قيمة الايرادات باقرارات ضريبة المبيعات
وبكدة تكون ماشي صح
ارجو ان اكون قد افادتك واللة المستعان