a_mansour2008

اليوم استلمت العمل فى شركه

الوظيف : محاسب بيعمل كل حاجه من اول القيود لحد الميزانيه

المفروض انى استلم الشغل من المحاسب السابق

هو لسه معملش قيود خالص فى 2008

ايه اللى المفروض اطلبه منه عشان ابقى فى السليم

حد غيرى بقى يرد عشان انا موش عارف

محاسب دوت كوم

انا بقترح على حضرتك .؟. انك تجيب الدفاتر بتاعت السنه اللى فاتت وتشوف هى العمليه الحسابيه ماشيه ازاى .. وتمشى على نفس الخطوات بتاعتها .. وتبدا تعمل حساباتك زيها

احمد ابوسنة

اخي الكريم

لأستلام العمل من محاسب اخر يجب ان تستلم منه ارصدة الحسابات التى سوف تبدأ منها

العام المالى الجديد


وارصدة الحسابات تجدها فى ميزان المراجعة او الاستاذ العام


اذن مطلوب منك تقول للمحاسب اللى هتستلم منه سلمني ميزان مراجعة او استاذ عام

به اخر الارصدة لكافة الحسابات


وطبعا اهم حاجة فى الارصدة دى هى ارصدة الذمم المدينة والدائنة والموردين والعملاء
وسلف العاملين

بتعمل بميزان المراجعة ده قيد افتتاحي للسنة الجديدة
وتبدأ شغلك انت بقى


طبعا كل حساب سوف تستلمه يجب ان تتأكد من رصيدة الدفتري بموجب كل قيود اليومية المدخلة به سابقا
وفى النهاية يجب ان يوقع صاحب العمل على ارصدة الحسابات المسلمة وانت ابضا والمحاسب الراحل ايضا . حتى تحنب نفسك اى مسئولية لخطأ المحاسب الذي قبلك فيما بعد


اتمني ان اكون قد اوضحت واجبت عن سؤالك


احمد ابوسنة

__________________
زكاة العلم نشره وان اطيب الصدقات هى صدقة المعرفة

sultanaccount

السلام عليكم
طبعا الاخوه الاعزاء قد افادوك افاده كامله ولكن احب الاضافه الي كلامهم
انت محاسب للشركه وبالتالي ستحتاج :
1 - الميزانيه العموميه وتحليلاتها عن عام 2007
2 - المستندات والاوراق عن عام 2008
3 - مع المحاسب القانوني للشركه تعرف ماهي آخر سنه تم فحصها ... ثم يتم استلام جميع الدفاتر والمستندات لما بعده فمثلا اذا كان آخر سنه تم فحصها والربط عليها ضريبيا 2004 يتم استلام الاوراق والمستندات والدفاتر من 2005 حتي 2007 والميزانيات العموميه من 2004 حتي 2007
محمد سلطان

a_mansour2008

والله يا جماعه انتو مشكورين اوى على مشاركتكم معايا

بس فى حاجه


انا دلوقتى اخدت الميزانيه بتاعه 2007


ولكن للاسف الارصده اللى موجوده فيها والمفروض ابدا بيها السنه 2008

موش منطقيه فى كتير من الحسابات

يعنى مثلا فى واحد سوى العهده اللى هو واخدها من 2007 فى شهر 1 2008

مع ان رصيد عهدته فى الميزانيه صفر

دى بقى الواحد يعمل فيها ايه


دا غير مشاكل كتير هبقى احطها كلها فى مشاركه ونتناقش فيها

احمد ابوسنة

عشان كده انا قولتك استلم استاذ عام او ميزان مراجعة
وسيبك من الميزانية لأنك غير مسئول عنها


انت تستلم الارصدة اللى هتكمل بيها شغلك ولا علاقة لك بنتائج النشاط عن الاعوام السابقة اللى انت ماكنتش موجود فيها ومن ضمنهم عام 2007 م لأنها ماكنتش شغلك وانت غير مسئول عنها

ولذلك انت لو استلمت استاذ عام او ميزان مراجعة هتقدر تقارن بين كل رصيد وبين الواقع بتاعه
وتصحح مع المحاسب القديم لحد مايكون كل الارصدة مطابقة للواقع وعلي ذلك يتم الاستلام

عندما تكون متأكد من صحة كل رصيد لكل حساب تستلمه والعهد بالذات لازم مراجعة صاحب العهدة
ممكن يكون معاه فواتير لسه لم تسجل بعد وممكن يكون واخد فلوس لم تسجل بعد
عند ذلك تقدر تستلم العمل .. ولا تشتت نفسك فى ميزانيات وقوائم مالية انت لا دخل لك بها

واتمنى لك التوفيق

__________________
زكاة العلم نشره وان اطيب الصدقات هى صدقة المعرفة

يوسف أبو محمد

شوف يا أخي الكريم أن تعرضت لنفس الموقف تقريبا أول مجيت إستلمت العمل في أحد المؤسسات بالسعوديةولكن كما أفادوك الأخوان إنك لست مسئول عن الحسابات القديمة التي سبقت تاريخ إستلامك للعمل وليس من المفروض أن تنتهج نفس النهج المتبع من قبلك كما كان المحاسب القديم لازم تكون لك تطوير على النظام المحاسبي الخاص بك يجب أن تتضيف للمكان إلى إنت راح تشتغل فيه يعني مثلا إذا لقيت إن الدورة المستندية غير مكتمله لازم تقدم تقرير بالخلل فين بالضبط وهكذا حتى تتمكن من التطوير في عملك ، طبعا أن مش عارف حجم المؤسسة إلي إنت إشتغلت فيها وكيف كانت الأمور المحاسبية بتم ولكن كما ذكر الأخوان من قبل يجب أن تتم الإستلام عن طريق ميزان المراجعة ومطابقة جميع الحسابات ومطابقة وإرسال مطابقات خاصة لكل من العملاء والموردين وبالتوفيق إنشاء الله

MIRO

انا مش هضيف لك كتير بس فعلا لازم تاخد منة الارصدة الافتتاحية للسنة الجديدة وتاخذ منة معلومات شاملة عن طبيعة العمل التى تقوم بة المنشاءة و ما هية الدورة المحاسبية التى تعتمد عليها وكيفية تطبيقها
وماهى المستندات التى تمسكها الشركة ، ويجب عليك الاطلاع على دفاتر العام الماضى لمعرفة كيفية تسجيل القيود وكيفية الترحيلات
واخيرا اتمنى لك التوفيق
وركز شويا فى بداية العمل وهتلقية سهلا ومتكرر وربنا معاك

ibrasarhager

استاذى العزيز
لابد من جرد الأرصده المتعلقه بالنقديه مثل
1- العهد النقديه
2- ارصدة البنوك
3- الشيكات بالخزينه والبنوك
4- ارصدة الزمم - العملاء- السلف- المخزون- الموردين- الدائنين- المدينين
وكذلك كل الحسابات التى يترتب عليها استحقاق او دفع لجهه خارجيه او داخليه
مع عمل ميزان تحليلى لكل رصيد ومطابق لأخر ميزانيه
ويتم التوقيع عليه من المحاسب ومدير عام الشركه وخاصه الأرصده الجرديه للخزن والبنوك والعهد الماليه والشيكات وما فى حكمها
5- يتم عمل بيان على الأكسيل بحركة الخزينه ومطابقتها بالمستندات المثبته لها حتى تستلم رصيد صحيح
حتى لااطيل عليك
عليك باتباع اصول جرد كل بند من بنود الميزانيه والتحقق من صحتها ومنطقيتها بالمستندات الخارجيه وان لم يستطيع فعليك بالمستند الداخلى على ان يوقع عليه المحاسب القانونى ومدير الشركه
واتبع سياسه الحيطه والحذر والتاكد بالمستند الخارجى مع وجود تحليلات معتمده
وشكرا

a_mansour2008

كلامك جميل يا احمد باشا بس عندى استفسار

دلوقتى لو انا هبدأ بارصده اول المده اللى تخلي كل الحسابات تقفل معايا تمام فى 2008

هيكون فى ارصده كتير اوى منها مالهاش علاقه بالميزانيه خالص

هل ده موش هيسبب مشاكل فى وقت مراجعه الحسابات اخر العام

لان اللى انا اعرفه ان المراجع بيبقى معاه ميزانيه السنه اللى فاتت وهو بيراجع الحسابات

عشان يتاكد من ارصده اول المده

وبعيدا عن الشغل القديم مسئوليتى او لا

الفكره ان الشغل يكمل مظبوط فهل ده هيكون مظبوط ولا ايه؟

مستنى ردك يا باشا