كيف تتسلم العمل من محاسب اخر فى شركه معينه
 

اليوم استلمت العمل فى شركه

الوظيف : محاسب بيعمل كل حاجه من اول القيود لحد الميزانيه

المفروض انى استلم الشغل من المحاسب السابق

هو لسه معملش قيود خالص فى 2008

ايه اللى المفروض اطلبه منه عشان ابقى فى السليم

حد غيرى بقى يرد عشان انا موش عارف

مشاركة: كيف تتسلم العمل من محاسب اخر فى شركه معينه
 

انا بقترح على حضرتك .؟. انك تجيب الدفاتر بتاعت السنه اللى فاتت وتشوف هى العمليه الحسابيه ماشيه ازاى .. وتمشى على نفس الخطوات بتاعتها .. وتبدا تعمل حساباتك زيها

مشاركة: كيف تتسلم العمل من محاسب اخر فى شركه معينه
 

اخي الكريم

لأستلام العمل من محاسب اخر يجب ان تستلم منه ارصدة الحسابات التى سوف تبدأ منها

العام المالى الجديد


وارصدة الحسابات تجدها فى ميزان المراجعة او الاستاذ العام


اذن مطلوب منك تقول للمحاسب اللى هتستلم منه سلمني ميزان مراجعة او استاذ عام

به اخر الارصدة لكافة الحسابات


وطبعا اهم حاجة فى الارصدة دى هى ارصدة الذمم المدينة والدائنة والموردين والعملاء
وسلف العاملين

بتعمل بميزان المراجعة ده قيد افتتاحي للسنة الجديدة
وتبدأ شغلك انت بقى


طبعا كل حساب سوف تستلمه يجب ان تتأكد من رصيدة الدفتري بموجب كل قيود اليومية المدخلة به سابقا
وفى النهاية يجب ان يوقع صاحب العمل على ارصدة الحسابات المسلمة وانت ابضا والمحاسب الراحل ايضا . حتى تحنب نفسك اى مسئولية لخطأ المحاسب الذي قبلك فيما بعد


اتمني ان اكون قد اوضحت واجبت عن سؤالك


احمد ابوسنة

مشاركة: كيف تتسلم العمل من محاسب اخر فى شركه معينه
 

السلام عليكم
طبعا الاخوه الاعزاء قد افادوك افاده كامله ولكن احب الاضافه الي كلامهم
انت محاسب للشركه وبالتالي ستحتاج :
1 - الميزانيه العموميه وتحليلاتها عن عام 2007
2 - المستندات والاوراق عن عام 2008
3 - مع المحاسب القانوني للشركه تعرف ماهي آخر سنه تم فحصها ... ثم يتم استلام جميع الدفاتر والمستندات لما بعده فمثلا اذا كان آخر سنه تم فحصها والربط عليها ضريبيا 2004 يتم استلام الاوراق والمستندات والدفاتر من 2005 حتي 2007 والميزانيات العموميه من 2004 حتي 2007
محمد سلطان

مشاركة: كيف تتسلم العمل من محاسب اخر فى شركه معينه
 

والله يا جماعه انتو مشكورين اوى على مشاركتكم معايا

بس فى حاجه


انا دلوقتى اخدت الميزانيه بتاعه 2007


ولكن للاسف الارصده اللى موجوده فيها والمفروض ابدا بيها السنه 2008

موش منطقيه فى كتير من الحسابات

يعنى مثلا فى واحد سوى العهده اللى هو واخدها من 2007 فى شهر 1 2008

مع ان رصيد عهدته فى الميزانيه صفر

دى بقى الواحد يعمل فيها ايه


دا غير مشاكل كتير هبقى احطها كلها فى مشاركه ونتناقش فيها

مشاركة: كيف تتسلم العمل من محاسب اخر فى شركه معينه
 

عشان كده انا قولتك استلم استاذ عام او ميزان مراجعة
وسيبك من الميزانية لأنك غير مسئول عنها


انت تستلم الارصدة اللى هتكمل بيها شغلك ولا علاقة لك بنتائج النشاط عن الاعوام السابقة اللى انت ماكنتش موجود فيها ومن ضمنهم عام 2007 م لأنها ماكنتش شغلك وانت غير مسئول عنها

ولذلك انت لو استلمت استاذ عام او ميزان مراجعة هتقدر تقارن بين كل رصيد وبين الواقع بتاعه
وتصحح مع المحاسب القديم لحد مايكون كل الارصدة مطابقة للواقع وعلي ذلك يتم الاستلام

عندما تكون متأكد من صحة كل رصيد لكل حساب تستلمه والعهد بالذات لازم مراجعة صاحب العهدة
ممكن يكون معاه فواتير لسه لم تسجل بعد وممكن يكون واخد فلوس لم تسجل بعد
عند ذلك تقدر تستلم العمل .. ولا تشتت نفسك فى ميزانيات وقوائم مالية انت لا دخل لك بها

واتمنى لك التوفيق

مشاركة: كيف تتسلم العمل من محاسب اخر فى شركه معينه
 

شوف يا أخي الكريم أن تعرضت لنفس الموقف تقريبا أول مجيت إستلمت العمل في أحد المؤسسات بالسعوديةولكن كما أفادوك الأخوان إنك لست مسئول عن الحسابات القديمة التي سبقت تاريخ إستلامك للعمل وليس من المفروض أن تنتهج نفس النهج المتبع من قبلك كما كان المحاسب القديم لازم تكون لك تطوير على النظام المحاسبي الخاص بك يجب أن تتضيف للمكان إلى إنت راح تشتغل فيه يعني مثلا إذا لقيت إن الدورة المستندية غير مكتمله لازم تقدم تقرير بالخلل فين بالضبط وهكذا حتى تتمكن من التطوير في عملك ، طبعا أن مش عارف حجم المؤسسة إلي إنت إشتغلت فيها وكيف كانت الأمور المحاسبية بتم ولكن كما ذكر الأخوان من قبل يجب أن تتم الإستلام عن طريق ميزان المراجعة ومطابقة جميع الحسابات ومطابقة وإرسال مطابقات خاصة لكل من العملاء والموردين وبالتوفيق إنشاء الله

مشاركة: كيف تتسلم العمل من محاسب اخر فى شركه معينه
 

انا مش هضيف لك كتير بس فعلا لازم تاخد منة الارصدة الافتتاحية للسنة الجديدة وتاخذ منة معلومات شاملة عن طبيعة العمل التى تقوم بة المنشاءة و ما هية الدورة المحاسبية التى تعتمد عليها وكيفية تطبيقها
وماهى المستندات التى تمسكها الشركة ، ويجب عليك الاطلاع على دفاتر العام الماضى لمعرفة كيفية تسجيل القيود وكيفية الترحيلات
واخيرا اتمنى لك التوفيق
وركز شويا فى بداية العمل وهتلقية سهلا ومتكرر وربنا معاك

مشاركة: كيف تتسلم العمل من محاسب اخر فى شركه معينه
 

استاذى العزيز
لابد من جرد الأرصده المتعلقه بالنقديه مثل
1- العهد النقديه
2- ارصدة البنوك
3- الشيكات بالخزينه والبنوك
4- ارصدة الزمم - العملاء- السلف- المخزون- الموردين- الدائنين- المدينين
وكذلك كل الحسابات التى يترتب عليها استحقاق او دفع لجهه خارجيه او داخليه
مع عمل ميزان تحليلى لكل رصيد ومطابق لأخر ميزانيه
ويتم التوقيع عليه من المحاسب ومدير عام الشركه وخاصه الأرصده الجرديه للخزن والبنوك والعهد الماليه والشيكات وما فى حكمها
5- يتم عمل بيان على الأكسيل بحركة الخزينه ومطابقتها بالمستندات المثبته لها حتى تستلم رصيد صحيح
حتى لااطيل عليك
عليك باتباع اصول جرد كل بند من بنود الميزانيه والتحقق من صحتها ومنطقيتها بالمستندات الخارجيه وان لم يستطيع فعليك بالمستند الداخلى على ان يوقع عليه المحاسب القانونى ومدير الشركه
واتبع سياسه الحيطه والحذر والتاكد بالمستند الخارجى مع وجود تحليلات معتمده
وشكرا

مشاركة: كيف تتسلم العمل من محاسب اخر فى شركه معينه
 

شكرا للشباب الجميل اللى نوروا الموضوع وافادونى بمشاركاتهم الهامه