shirefkm

ما نوع المساعدة التي تريدها تحديدا حتى اتمكن من الرد

سميرة سعيد

المسألة بسيطة للغاية
انت عندك عهدة يبقى لازم تعرفى الاتى:
1-العهدة تكون محددة فعلا بالعدد وتاريخ استلامها
2-كل ما يتم صرفه من العهدة يخصم وفى نفس الوقت تحددى تاريخ صرفه و الجهة التى حصل عليه الشئ
3-رصيدك تتعرفى عليه أول بأول
علشان يبقى شغل مضبوط
لازم تفتحى لكل صنف كشف حساب أو بطاقة صنف وترصدى فيه كل شئ عن هذا الصنف
يعنى عملية تحليل بيانات عبارة عن جدول يحدد كل تفاصيل ما تم شرائه ومين اللى استلمه
والكلام بسيط تحصلى عليك من البيانات المطبوعة اللى فى السندات عندك
يبقى نعمل مسلسل لكل صنف أو نوع
نتعرف على رصيده
ونضيف عليه اللى تم شرائه
ونخصم منه اللى تم صرفه للغير
وبكده نعرف رصيده الحالى
وهكذا.. ولو عايزة أساعدك ممكن ترفقى صورة على السكانر للمنتدى من بعض السندات وأبقى أرسلك طريقة عمل الداتا اللى تخص بتفريغها ... والله المستعان

معشوقة الورد

مشكورين على رودودكم وساعدتوني كثير انا مسؤلياتي العهد - امينة صندوق -الفوتير -سند الصرف والقبض

mohamed_gaballah

طيب خلينا نرد ونقول برضه رئينا اا (والله اعلم)

الاستاذة الفاضلة

احنا مشكلتنا ديما من وجهة نظرى اننا بنفتكر الى احنا خدنا فى الكلية كفاية او هوا ده المحاسبة وده طبعا غلط لان ببساطة احنا كنا بناخد قشور (ولو طبعا الدكتور خدته الجلالة وذود شوية الدفعة كلها تعيطله عشان يلغى حجات وطبعا الى بيتلغى بيتقطع من الكتاب كانة عشان اتلغى من الامتحان يبقى اتلغى من المحاسبة ) المهم فا لازم يا أستاذة ترجعى تانى تقرى محاسبة ياعنى بمعنى اصح ترجعى تتعلمى الموضع من الاول لان اذن القبض واذن الصرف مهواش محاسبة اصلا ده عبارة عن مستندات ياعنى شىء مكمل للنظام المحاسبى
الى اقصده انك تتعلمى محاسبة تتعلمى توجيه القيود مرورا باليومية الامريكية واليومية العامة وتفهمى برضه المجموعة المستندية كلها وطبعا فى الاخر ميزان المراجعة ثم اخير القوائم المالية وده كله على فكره بسيط جدا وموجود فى كتاب مبادىء المحاسبة بتاع سنه اولى كلية تجارة ده طبعا لو عاوزه تعرفى (ازاى ) لاكن لو عاوزه تعرفى بقى ليه يبقى كتاب معايير المحاسبة مصرية او دولية مش فارقة على حسب البلد الى انتى شغالة فيها وبرضة دى فى كتاب كويس ليها لو انتى فى مصر هوا معايير المحاسبة المصرية واثارها الضريبى للدكتور طارق حماد (كتاب خاص مش من كتب الجامعة )

وارجو انى اكون افدتك
وهذا ما اعلم والله اعلى واعلم

توفيق السيد

بسم الله الرحمن الرحيم
انطلاقا من ايماننا بصدق حيث نبينا محمد صلى الله عليه وسلم
بان الله فى عون العبد مادام العبد فى عون اخيه
اقول مستعينا بالله
الاخت العزيزه ان ول نصيحه لكى واول خطوه لحل هذه المشكله واى مشكله
هى اللجوء الى الله والاستعانه به ودعاءه سبحانه وتعالى
ثم بعد ذلك التسلح بالاصرار والعزيمه والصبر والمثابره
وكذلك حب التعلم
وتكثيف مطالعه المعلومات المتعلقه بموضوع المشكله
وانا انصحكى بشده بقراءه ومطالعه هذا الكتاب البسيط والمبسط
لانه معد لمرحله عمريه قبل الجامعيه ولذلك فطريقه شرحه بسيطه جدا
وهذا لان استاذه الجامعات يتعبرون ولاسف ان تبسيط العلم يحط من قدر هذا العلم
الكتاب موجود فى الرابط التالى

http://www.aliahmedali.com/forum/showthread.php?t=16204

__________________

loveing_2010

السلام عليكم ورحمه الله وبركاته
حضرتك لو عاوزه تبقى محترفه وتتعملى كل حاجه فى المحاسبه صح يبقى مفيش ادامك غير مكتب محاسبه محترم وهتشتغلى فى كل مجالات المحاسبه وبعد كده تقدرى تتخصصى فى مجال ولو عاوز تحترفى فيه تحضرى فيها كورسات او زمالات ....والله المستعان وربنا يوفقك

doddaso2010

على فكره مش كل مكاتب المحاسبه بتعمل فيه مكاتب محاسبة بتستغلك وبعدين انت محتاجه كورسات محاسبة ومع الكورسات لازم تقرئي في المحاسبة كتير وفي كتب المحاسبة وتعملي حوارات على المواقع المتخصصه لو مفهمتيش حاجه وتسالي ناس خبره عشان يدلوكي بصي انا ممكن اديلك نمرة موبيل صاحب المركز اللي باخد فيه الكورسات هوا راجل محترم جدا ومحاسب شاطر اوي ممكن تساليه وهوا هيفيدك جدا 0195003611 ورقم المركز بتاعه 33831976 واسالي عن استاذ صبحي مصطفى