ضريبة المرتبات وما فى حكمها
ضريبه كسب العمل بالتفصيل
Hesham ASSAL
انقر هنا لعرض ملف Hesham ASSAL الشخصي
Hesham ASSAL
Chief Accountant at Confidential
تاريخ النشر 12 نوفمبر، 2021
+ متابعة
ضريبه كسب العمل
= الوعاء الخاضع للضريبة × سعر الضريبة
والوعاء الخاضع للضريبة = اجمالى الدخل – الاعفاءات الضريبية
هى ضريبه تسرى على المرتبات وما فى حكمها
والمقصود باجمالى الدخل
الاجر الاساسى والمتغير وبدل طبيعة العمل و بدل التمثيل و بدل الضيافة و بدل الانتقال و بدل السكن و البدلات النقدية الأخرى
والمكافات والحوافز والعمولات ( يعنى البدلات النقديه)
والمقصود بالاعفاءات وهى ( وهى يتم خصمها من اجمالى المرتب)
الاعفاء الشحصى 9000 سنويا بمعدل 750 شهريا
اشتراكات التامينات الاجتماعيه حصه العامل
اشتراكات العاملين فى صناديق التامينات الخاصه
اقساط التامين على الحياه والتامين الصحى بشرط الاتزيد عن 10000 او 15% من اجمالى الدخل
العلاوات المعفاه ضريبا قبل عام 2013
الاعفاءات من ضريبة كسب العمل
المزايا العينيه الجماعيه - وجبه غذائيه لجميع العمال + النقل الجماعى لجميع العاملين
حصه العاملين فى الارباح معفيه من ضريبه كسب العمل
المعاشات ومكافاه نهايه الخدمه لاتخضع لضريبه كسب العمل
سداد ضريبة كسب العمل
يتم توريد شيك ضريبه كسب العمل خلال 15 يوم من الشهر السابق
ويتم تقديم اقرار ربع سنوى الى ماموريات الضرائب المختصه فى يناير وابريل ويوليه واكتوبر من كل عام
على نموذج 4 مرتبات
وبيكون موضح فيه
ماموريه الضرائب التابعه ليها والعنوان واسم الشركه ورقم الملف الضريبى والفتره المقدم عنها الاقرار
عدد العاملين واجمالى المرتبات ومافى حكمها المنصرفه خلال ال3شهور
والمبالغ المستقطعه تحت حساب الضريبه والمبالغ المسدده عن تلك المده والايصالات الرسميه بالسداد
ويتم عمل تسويه للمرتبات عن العام السابق فى شهر يناير
نماذج ضرائب كسب العمل
نموذج 4 مرتبات
هو النموذج الذى يتم تقديمه كل 3شهور الى مصلحه ضرائب كسب العمل وهذا النموذج يحتوى على مجموعه من البيانات مثل
ماموريه الضرائب التابعة لها الشركة وعنوانها
واسم الشركه ورثم الملف البضريبى لها
والفتره التى يتم عنها تقديم الاقرار وعدد الشهور فى الفترة
وعدد العاملين فى كل شهر على حده واجمالى المرتبات فى كل شهر على حده والضريبة المستقطعه على المرتبات فى كل شهر على حده
والمبالغ المسدده فى كل شهر وتوقيع المسئول
نموذج 2 مرتبات
هذه النموذج خاص بجهات العمل التى تدفع مبالغ لغير المقيم او المقيم ولاتعتبر الشركة جهه العمل الاصليه الخاص بهم وتلتزم الشركه ببيان المبالغ التى تم صرفها والمده التى تم الصرف عنها والضريبة المستحقه بواقع 10% دون خصم اى تكاليف ويتم توريد هذه المبالغ خلال 15 يوم من الشهر التالى للشهر الذى تم فيه الخصم ويتم تقديم هذا النموذج شهريا
نموذج 3 مرتبات
يلتزم باعداد هذا النموذج الجهه التى تعد فى حكم جهه العمل الاصليه والتى يحصل منها العامل على اكثر من 50% من دخله خلال الفتره الضريبيه ويتم تقديم هذا النموذج سنويا
نموذج 5 مرتبات
يلتزم باعداد هذا النموذج العامل نفسه فى حاله انه صاحب العمل غير مقيم وبالنسبه للعامل المقيم فانه يقوم بتقديم هذا النموذج الى الماموريه التى يقع فيها دائرتها محل اقامته اول يناير من كل عام
شرائح النصف الثانى من عام 2020
الفئه الاولى وهى الفئة الاكثر استخداما فى القطاع الخاص فى مصر وهى للموظفين التى تتراوح مرتباتهم السنوية من
صفر الى 600000 جنيه سنويا وتنقسم الى مجموعة من الشرائح
اول 15000 من المرتب السنوى الضريبة عليها تساوى صفر
15000 الى 30000 الضريبة 2.5% بحد اقصى 375.5 جنيه
30000الى 45000 الضريبة 10% بحد اقصى 1500 جنيه
450000الى 60000 الضريبة 15% بحد اقصى 2250 جنيه
60000الى 200000 الضريبة 20% بحد اقصى 28000جنيه
200000الى 400000 الضريبة 22.5% بحد اقصى 45000
400000الى 600000 الضريبة 25%
اذا تجاوز صافى الدخل السنوى للموظف 600 الف جنيه فانه لايحق له الاستفاده بالشريحه المعفاه وهى ال 15000
واذا تجاوز صافى الدخل السنوى للموظف
بمعنى الفكره بتقسم مرتب الموظف الى هذه الشرائح وكل شريحه يقع فيها المرتب يتم حساب الضريبة عليها حتى اخر جزء من مرتب الموظف وفى اى شريحه يقع فيها ثم يتم جمع اجمالى الضرائب المستحقه عن كل شريحه ثم يتم تقسيمها على 12 وحساب الضريبة الشهرية المستحقه
وهناك حد اقصى للضريبة فى كل شريحه يندرج تحتها مرتب الموظف
مثال للتوضيح
شخص مرتبه 3500 جنيه وحصته فى التامينات 500 جنيه واعفاءه الشخصى من الضريبة 750 وهناك علاوه معفاه 250 جنيه وبهذا يكون اجمالى الاعفاءات يساوى 1500 جنيه والوعاء الخاضع للضريبة هو 3500-1500 = 2000 جنيه
ولكى يتم حساب الضريبة المستحقه يتم تحويل الوعاء الخاضع للضريبة الى وعاء سنوى وهو 2000×12= 24000
اول 15000 من المرتب الضريبة عليها صفر
باقى الوعاء الضريبى 9000(24000_150000) وتكون الضريبة 2.5%×9000 = 225
وتكون الضريبة الشهرية هى 225 /12 = 18.75
مثال
الوعاء الخاضع للضريبة للموظف هو 3500 لكى يتم حساب ضريبة كسب العمل المستحقة
ال 3500 يتم تحويلهم الى وعاء ضريبى سنوى وهو (3500×12) =42000
ويتم تقسيمهم الى شرائح
الشريحه الاولى 15000 ضريبة صفر%
الشريحه الثانية 15000 ضريبة 2.5%
الشريحه الثالثه 15000 ضريبة 10%
ا
اول 15000 من المرتب الضريبة عليهم صفر
ثانيا الشريحه الثانية الضريبة عليها 2.5% بمعنى 2.5% × 15000 = 375
ثالثا الشريحة الثالثه الضريبة عليها 10% بمعنى 10% ×12000 = 1200
يبقى اجمالى الضريبة = 375+ 1200 = 1575
والضريبة الشهرية تساوى 1575÷ 12 = 131.5%
مثال الوعاء الخاضع لضريبة كسب العمل للموظف بعد خصم جميع الاعفاءات وهو 5000 جنيه لكى يتم حساب ضريبة كسب العمل للموظف
ال 5000 يتم تحويلها الى وعاء سنوى بقيمه 5000×12 = 60000
ويتم تقسيم هذا الوعاء الى شرائح كسب العمل
اول 15000 من المرتب السنوى الضريبة عليها تساوى صفر
15000 الى 30000 الضريبة 2.5% بحد اقصى 375.5 جنيه
30000الى 45000 الضريبة 10% بحد اقصى 1500 جنيه
450000الى 60000 الضريبة 15% بحد اقصى 2250 جنيه
وبهذا يكون تم الوعاء 60000 الى شرائح ضرائب كسب العمل
اجمالى الضريبة المستحقة = صفر+375.5+1500+2250 =4125.5
والضريبة الشهرية المستحقة تساوى 4125.5 ÷ 12 = 343.97
مثال اخر للتوضيخ
موظف صافى الوعاء الضريبى له بعد خصم جميع الاعفاءات هو 5200 جنيه
يتم تحويل هذا الوعاء الى وعاء سنوى بقيمة 5200× 12 = 62400
ويتم تقسيمه الى شرائح
الشريحه الاولى اول 15000 الضريبة عليها صفر
الشريحه الثانية 15000 ( 15000: 30000) الضريبة عليها 2.5% الضريبة تساوى 375.5
الشريحه الثالثه 15000 (30000: 45000) الضريبة 10% الضريبة تساوى 1500
الشريحة الرابعة 15000( 45000: 60000) الضريبة 15% الضريبة تساوى 2250
الشريحة الخامسة 2400 ( 60000: 200000) الضريبة 20% الضريبة تساوى 480
اجمالى الضريبة المستحقة = 375.5+1500+2250+480 = 4605
الضريبة الشهرية المستحقة = 4605÷12 = 383.75
مثال
مدير عام بشركه صافى الوعاء الضريبى الخاضع له هو 38500
لكى يتم حساب الضريبة المستحقه عليه يتم تحويل صافى الوعاء الضريبى الى سنوى = 38500×12 =462000
يتم تقسيم المرتب الى شرائح حسب قانون كسب العمل
ويتم تقسيمه الى شرائح
الشريحه الاولى اول 15000 الضريبة عليها صفر
الشريحه الثانية 15000 ( 15000: 30000) الضريبة عليها 2.5% الضريبة تساوى 375.5
الشريحه الثالثه 15000 (30000: 45000) الضريبة 10% الضريبة تساوى 1500
الشريحة الرابعة 15000( 45000: 60000) الضريبة 15% الضريبة تساوى 2250
الشريحة الخامسة 140000 ( 60000: 200000) الضريبة 20% الضريبة تساوى 28000
الشريحة السادسة 200000 (200000: 400000) الضريبة 22.5% الضريبة تساوى 45000
الشريحه السابعة 62000(400000: 600000) الضريبة 25% تساوى 15500 (62000×25%)
وبهذه تكون اجمالى الضريبة المستحقه
=375.5+1500+2250+28000+45000+15500 = 92625.5
والضريبة الشهرية المستحقة تساوى 92625.5 = 7718
اذن الفكرة الاساسية هى تقسيم مرتب الموظف الى الشرائح الموجوده فى القانون وحساب الضريبة المستحقة فى كل شريحه واذا كان اخر جزء من مرتب الموظف يقع فى الشريحه السابعة مثلا كما هو الحال فى هذا المثال فانه الشرائح السابقة لهذه الشريحه السابعه سيتحمل الموظف اقصى حد للضريبة فى خذه الشرائح السابقة لاخر شريحه يقع اخر دخل له فيها
فروق فحص ضريبة كسب العمل
والاصل انها فى حاله وجود فروق فحص فالموظف هو من يسددها لانها تخصه وذلك فى اذا كانت جهه العمل تنوى تحصيلها من العاملين طبقا للماده 14 من قانون 91 لسنه 2005 اما اذا تحملت الشركه للفروق الضريبية وقامت بسدادها دون الرجوع للعاملين فهى مصروف ولكن لاتعتد من التكاليف واجبة الخصم وفقا للبند 3 ماده 24 وماده 23 من قانون 91 لسنه 2005 وبالتالى يتم ردها عند اعداد الاقرار الضريبى
المساهمة التكافلية المخصومة من الموظفين
اعتباراً من صافي الدخل المستحق عن شهر يوليو، ولمدة 12 شهراً شهريا نسبة 1% من صافي دخل العاملين المستحق من جهة عملهم أو بسبب العمل تحت أي مسمى ونسبة 0.5% من صافي المستحق من المعاش، المقرر وفقا لقوانين التأمينات والمعاشات لأصحاب المعاشات والمستحقين، للمساهمة التكافلية في مواجهة بعض التداعيات الاقتصادية الناتجة عن انتشار الأوبئة أو حدوث الكوارث الطبيعية.
أكد القانون عدم سريان حكم الفقرة الأولى من هذه المادة على العاملين الذين لا يزيد صافي دخولهم الشهرية على 2000 جنيه، وكذا أصحاب المعاشات والمستحقين الذين لا تزيد صافي معاشاتهم الشهرية على 2000 جنيه.
ولاحتساب المساهمه التكافليه فهى تكون كالاتى
(اجمالى الاستحقاقات –تامينات حصه العامل – ضريبة كسب العمل ) * 1%
التامينات الاجتماعية
الحد التامينى الجديد طبقا لقانون العمل الجديد لسنه 2021 هو 1200 كحد ادنى للتامينات و8100 الحد الاقصى
بمعنى انه لو اجمالى الدخل قبل التامينات والضرايب 10000 فان اجمالى الدخل الذى سوف يتم العمل عليه هو 8100 الحد الاقصى التامينى
اجر الاشتراك التامينى = اجمالى الدخل ÷ 1.25
قيمه البدلات المعفيه= اجمالى الدخل - اجر الاشتراك التامينى
وبذلك تكون قيمه البدلات تساوى 25%من قيمه اجر الاشتراك التامينى
مثال موظف يتقاضى اجمالى دخل 5000
اجر الاشتراك التامينى = 5000÷1.25 = 4000
البديل المعفى = 25% من اجر الاشتراك التامينى
= 25% × 4000 = 1000
انواع الاجور
الاجر الاساسى
يتم تحديده بحيث ان يكون الحد الادنى 267.5 جنيه والاقصى 1670
والهدف منه حساب نسبه 1% الخاص بصندوق اعانه الطوارى وتتحملها الشركه وتقوم بعمل شيك باسم صندوق الطوارى ويسلم لمكتب القوى العامله التابع له الشركه وايضا الهدف منه ان تحسب نسبه الزياده الدوريه السنويه ال 7% من الاجر الاساسى كما حددها قانون العمل ولايحسب على اساسه حصه العامل او صاحب العمل فى التامينات
اجر الاشتراك
هو الراتب التامينى والقيمه التى ستحسب على اساسه حصه العامل وصاحب العمل فى التامينات والحد الادنى له 1000جنيه والحد الاقصى 7000 ويزيد سنويا بمقدار 15%
واجر الاشتراك من الممكن ان يقل عن الاجر الشامل فى حاله وجود بدلات معفاه ولكن يجب الاتتجاوز البدلات المعفاه 25%من اجر الاشتراك وذلك طبقا للكتاب الدورى رقم 4 لسنه 2019 ولم يتم تحديد نسبه البدلات المعفاه بشكل رسمى حتى الان
الاجر الشامل
هو اجمالى مايتقاضاه الموظف من اجر اساسى وحوافز ومزايا وبدلات سواء كانت معفاه او غير معفاه ولا يحسب على اساسه اى اشتر اكات عن حصه العامل او صاحب العمل الخاصه بالتامينات الاجتماعيه والهدف منه خصم نسبه الاشتراك عن نظام التامين الصحى الشامل فى المحافظات والتى سيتم تطبيق هذا النزام فيها وهى محافظه بورسعيد حتى الان
والهدف الاخر هو معرفه مدى التزام صاحب العمل فى تحديد اجر الاشتراك وعدم تخفيض اجر الاشتراك باكثر من نسبه البدلات المعفاه بما لايجاوز 25% من اجر الاشتراك الا فى حاله وصول اجر الاشتراك الى الحد الاقصى
ضريبة الدمغة النسبية
القانون 111 لسنه 1980 افاد بانه لاضريبة دمغة نسبيه على مرتبات القطاع الخاص وتستحق ضريبة الدمغة النسبية على ماتصرفه الجهات الحكوميه وشركات القطاع العام والجمعيات التعاونيه من المرتبات والاجور والمكافات ومافى حكمها وهذه الضريبة تكون ايضا على الاعلانات
الشيكات الخاصه بالموظفين
1- شيك التامينات يتم دفعه قبل يوم 15 من الشهر التالى لشهر المرتبات
2- شيك اعانه الطوارى بيكون بنسبه 1% من اجمالى الاجور الاساسيه للعمال
3- شيك صندوق التدريب والتاهيل لمكتب العمل عباره عن 1% من صافى الربح
4- شيك ضريبه كسب العمل قبل يوم 15 من الشهر التالى لشهر المرتبات
5- شيك الجزاءات بيتورد نسبه كل سته شهور
قيد الرواتب والاجور
قيد الرواتب
هنتكلم على قيد الرواتب وهو من القيود المهمه الى موجوده فى كل الشركات ولكن ممكن يكون فيه اختلاف فى طريقه عرض القيد من شركه للتانيه هنتكلم عن دورك كحاسب فى موضوع الرواتب
اولا اعداد الرواتب بيتم عن طريق الموارد البشريه hr بيجيب ليك كشف المرتبات متقسم ادارات
اداره المصنع واداره المبيعات والاداره الماليه وخلافه وطبعا كل موظف والدرجه الوظيفيه ومكان العمل يعنى لو فى فرع يبقى مكتوب فرع كذا وايضا جوه ال
وتبدا تراجع المرتبات
طبعا وانت بتراجع يفضل تكون فاتح الشيت القديم بتاع الشهر السابق علشان تراجع بنود المرتبات الثابته زى المرتب الاساسى مثلا ولو فيه اى تعديل يكون عندك مرفق من hr بتعديل مرتب فلان او زيتده بدل او حافز لموظف تانى
دى الفكره الاساسيه بحيث تكون عامل كنترول من كل الجوانب
بتشوف المرتب الاساسى وتبدا تراجع الموثرات زى
1- الحافز الشهرى - فيه شركات بيكون عندها الحافز ده ثابت بس الفكره انها مبتحبش تزود المرتب الاساسى للموظف ممكن علشان التامينات علشان متدفعش فلوس اكتر وبرضه علشان لما الموظف ياخد مكافاه سنويه اونهايه خدمه يكون على الاساسى وبالتلاقى تدفع مبلغ اقل
فانت برضه بتراجع الحافز هل هو ثابت كل شهر وبالتالى تراجعه مع شيت الشهر السابق ولا الحافز متغير
بيتعمل كتقييم للموظف بنسبه وده ممكن يكون فى شركات كبيره
فى الحاله دى بيكون جاى عندك تققيم للموظف ومحسوب ليه المبلغ من قسم الموارد البشريه وانت بتراجع على نسبه الحافز الشهرى
على اى حال انت بتشوف النظام الموجود فى الشركه ايه وبتشتغل عليه
تبدا تشوف الاستقطاعات الى عل كل موظف
اول حاجه بتكون فى الاستقطاعات هى الغياب وتشوف هل عليه غياب وقيمه المبلغ المخصوم عليه كام لو معندوش رصيد اجازات
وساعات ودقائق التاخير المحسوبه على الموظف وتحسب قيمته وهل هى مظبوطه زى ماهى موجوده فى كشف الرواتب
الجزاءات عليه هل عليه جزاء وتشوف الموثرات بتاعه الجزاء
فكره انك بتراجع الجزاءات او الغياب معناها مثلا موظف عليه ربع يوم جزاء لاى سبب ونازل عليه فى كشف الرواتب مبلغ وليكن 25 جنيه
تقوم حضرتك تشوف هل الجزاء محسوب صح ولاغلط
اولا حسب سياسه الشركه ان الجزاء بيكون على المرتب الاساسى ولا اجمالى المرتب الاساسى فرضا فى حالتنا دى الجزاء بيكون على اجمالى المرتب واجمالى راتب الموظف 4000 (3000 اساسى والف بدلات مثلا )
يبقى كده يوم الجزاء = 4000/30 = 133.33
يبقى ربع اليوم = 133.33/4 = 33.33
وهكذا نفس الكلام لو فيه جزاء تاخير على الموظف
اشوف برضه مثلا الموظف عندى تاخير 150 دقيق يعنى ساعتين ونصف
وابدا اشوف ساعه الموظف بكام
مثلا فى الحاله دى
اليوم بتاعه = 133.33 وساعات العمل 8 ساعات فى اليوم
يعنى الساعه = = 16.66
يبقى الساعتين ونصف = 16.66 *2.5 =
طبعا الموضوع بيكون على شيت اكسيل بالمعادلات يتاعته بس لازم تراجع المعادلات دى وتتاكد انها مظبوطه علشان منعا للاخطاء احنا بس بنوضح ازاى تحسب قيمه الجزاء
السلف
من اهم بنود الاستقطاعات الى على الموظفين وهى بند السلف
لازم يتم مراجعه ارصده السلف طبقا لاخر وضع قبل الموظف ويتم خصمها من على الموظفين حسب مبلغ الخصم المعتمد وده طبقا لمده الخصم الى موجوده فى طلب السلفه وموافقه الاداره عليها
يتم اعداد الرواتب فى قسم الموارد البشرية بالشركة ويكون لكل موظف كود خاص به ضمن برنامج الرواتب والاجور وكشف الرواتب عباره عن اجمالى الاستحقاقات لكل موظف ويخصم منها اجمالى الاستقطاعات سواء تامينات مخصومه من الموظف او ضريبة كسب عمل اوسلف وجزاءات وخلافه ثم تاتى الى قسم الحسابات لمراجعاتها قبل الصرف واعتمادها
ح / مصروف المرتبات الادارية
ح / مصروف مرتبات التشغيل
ح / مصروف المرتبات البيعية والتسويقة
ح / مصروف التأمينات الاجتماعية .. حصة الشركة ( بتفصله برضه يكون افضل ادارى وتشغيلى وبيعى
الى مذكورين
ح / السلف ( كل موظف بقيمة السلفه المخصومه عليه
ح / الهيئة القومية للتأمينات الاجتماعية.. حصة الشركة والعامل
ح / مصلحة الضرائب على المرتبات او ضريبة كسب العمل ( ارصده دائنه اخرى)
ح / النقدية او المصروفات المستحقة
ح/ صناديق زماله ان وجدت او اى صناديق
__________________
Ali Ahmed Ali
التعديل الأخير تم بواسطة على أحمد على ; 07-08-2022 الساعة 04:05 PM
07-08-2022, 03:49 PM
تعليمات المشاركة
العرض العادي
