عمل مشروع شخصي - في مجال تكنلوجيا المعلومات - منشأة فردية

08-18-2011, 09:11 PM

NOORALEX

مشارك مبتدئ

تاريخ التسجيل: Aug 2011

المشاركات: 13

عمل مشروع شخصي - في مجال تكنلوجيا المعلومات - منشأة فردية

بسم الله الرحمن الرحيم

في البداية أود إبداء اعجابي الشديد بمنتداكم المميز والمعلومات الكثيرة التي اتطلعت عليها.

أنا في حيرة من أمري، ولذلك فضلت كتابة موضوعي بشكل مفصل لأخذ رأي اهل الخبرة، وهو كالتالي:

انا لدي خبرة جيدة جدا في مجال عملي ولمدة تقارب ال 15 عاما في تكنلوجيا المعلومات حيث عملت كمدير لادارة نظم المعلومات في جريدة من اشهر الجرائد المصرية اليومية وايضا في العديد من الشركات المتعددة الجنسيات،

لن اطيل عليكم، حاليا انا استخرت الله وتوكلت عليه ونويت ان اقوم بعمل مشروع خاص بي وتركت عملي واخر ما املكة هو استمارة 6 تامينات.

اريد ان اعمل شركة "منشأة فردية كما تعلمت من بعض مقالات منتداكم" ، وسيكون عملي الفعلي ان شاء الله هو كالتالي:

- تقديم خدمات في مجال تكنولوجيا المعلومات للشركات والمؤسسات IT Service and Staff Outsourcing.
- تقديم استشارات فنيه في مجال تكنولوجيا المعلومات للشركات والمؤسسات IT Consultations.
- تقديم "بيع، تدريب، متابعة وصيانة" حلول متكاملة للشركات والمؤسسات عبارة عن برامج معدة خصيصا Integrated Solutions and ERP Systems.
- بيع او توريد مكونات مستخدمة في تكنولوجيا المعلومات ك اجهزة الكمبيوتر والسيرفرات والشبكات والشاشات وووو Hardware.
- عمل عقود صيانة للشركات والمؤسسات لاجهزة الحاسب الالي وللشبكة الداخلية والات الطباعة Maintenance Contracts.
- تقديم تدريب على الاساليب الحديثة لنظم المعلومات واستغلالها في الاعمال بشكل احترافي وذلك في مكان عملهم بشركاتهم ومؤسساتهم.

وانا انتوي البدء من تحت الصفر فعليا، ولن اكون في حاجة لمقر يزورني فيه العملاء ولكن سوف اركز في البداية ان يكون اغلب عملي في مكان العميل وهذا كمرحلة اولى نظرا للظروف المادية، ولكن اريد ان اكون بشكل قانوني وسليم 100%.

انا في حيرة من امري فيما يلي وهذه هي استفساراتي:
- انا سوف اكون صاحب الشركة بمفردي فهل اجعلها منشأة فردية ام يفضل ان تكون شركة اعتبارية ولو ان ادخل زوجتي بشكل ورقي وصوري فقط ؟ ما هو الافضل والاصلح لي ولماذا؟
- ماهو النشاط الصحيح الذي يجب ان اكتبه في البطاقة الضريبية والسجل التجاري ؟ وما السبب ؟ فالبعض نصحني بالتقليل بسبب الضرائب ووو والاضافة في المستقبل، والبعض الاخر نصحني باضافة الكل من البداية، والاخر نصحني باضافة مسمى عام وشامل كخدمات حلول متكاملة لنظم المعلومات مثلا ؟
- ما هو الرقم المناسب ليكون راس المال المكتوب ؟ البعض قال لي 5000 والبعض قال 25000 وكل له اسبابه اما لتقليل المصروفات والرسوم او لان البعض من العملاء والشركات لا يحترم الرقم القليل لراس المال؟ الرجوا الافادة.

اعرف اني اطلت كثيرا لكن بصراحة انا في حيرة من امري، والمفترض ان يكون معي عقد الايجار خلال الاسبوع القادم لاقوم باجرائاتي بدءا من الشهر العقاري واثبات التاريخ ثم البطاقة الضريبية ثم السجل التجاري

لكم تحياتي وشكري
محمد مصطفى السيد

08-23-2011, 03:22 PM

waelhasaan

تاريخ التسجيل: Aug 2008

العمر: 43

المشاركات: 1,303

مشاركة: عمل مشروع شخصي - في مجال تكنلوجيا المعلومات - منشأة فردية

استاذ محمد مصطفى

اهلا وسهلا بيك فى المنتدى

انصح حضرتك طبعا اولا ان تاسس منشاه فرديه

بلنسبه للنشاط طبعا انت نشاطك محتاج موافقه امنيه ( ده بالنسبه للسجل التجارى ) اما بالنسبه للضرائب فنصيحه اكتب النشاط اللى حضرتك هتشتغل فيه حاليا فقط حتى تستقر امورك ثم ضيف زى مانت عاوز ومجالك محتاجه

اما بالنسبه لراس المال ليس مشكله مش هيفرق 5000 من 25000 الا فى الرسوم اللى هتدفع فى الغرفه التجاريه

فالمهم فى الموضوع هو الخبره وليس راس المال

واى استفسار اطرحه على المنتدى واحنا فى خدمه حضرتك

__________________

[marq="3;right;3;scroll"]ليس من الانجاز ان تعمل 1000 صديق فى سنه واحده بل الانجاز ان تعمل صديق ل 1000 سنه[/marq]

08-23-2011, 03:58 PM

ahmed mohie

مشارك نشط

تاريخ التسجيل: Feb 2011

المشاركات: 90

مشاركة: عمل مشروع شخصي - في مجال تكنلوجيا المعلومات - منشأة فردية

اود ان اشكر الاستاذ/وائل علي اهتمامه البالغ بالرد علي اسئله الاعضاء ولكن اود ان يفيدني في كيفيه المشاركه حيث لدي بعض الاسئله والمشاركات ولكن لا اعرف كيفيه اضافتها في المنتدي .... وشكرا

08-23-2011, 04:36 PM

NOORALEX

مشارك مبتدئ

تاريخ التسجيل: Aug 2011

المشاركات: 13

مشاركة: عمل مشروع شخصي - في مجال تكنلوجيا المعلومات - منشأة فردية

الف شكر على ردك واهتمامك يا سيد وائل،

اخر شيء توصلت اليه هو نصح صديق بالاتي :
ان يكون النشاط : توريد وصيانة اجهزة كمبيوتر وتقديم الدعم والاستشارات الفنية الخاصة بنظم المعلومات
ان يكون راس المال : 50،000 جنيه مصري

وانا حاليا باقوم باثبات التاريخ لعقد الايجار
بس للاسف لان لسه مصر ومصالحها الحكومية محتاجة لثورات عديدة ومحتاجة تنظف كثيييير ف الشيء اللي يخلص في دقيقة يقعد يوم واثنين طالما انت نظيف ومابتدفعش لا رشاوي ولا اكراميات اللي هي رشاوي برده.

تحياتي وشكري ويسعدني معرفة تعليقك ورايك قبل ان اتوكل على الله وانفذ ما سبق

08-23-2011, 09:31 PM

waelhasaan

تاريخ التسجيل: Aug 2008

العمر: 43

المشاركات: 1,303

مشاركة: عمل مشروع شخصي - في مجال تكنلوجيا المعلومات - منشأة فردية

اقتباس:

المشاركة الأصلية كتبت بواسطة ahmed mohie

اود ان اشكر الاستاذ/وائل علي اهتمامه البالغ بالرد علي اسئله الاعضاء ولكن اود ان يفيدني في كيفيه المشاركه حيث لدي بعض الاسئله والمشاركات ولكن لا اعرف كيفيه اضافتها في المنتدي .... وشكرا

لا شكر على واجب استاذ احمد

وحضرتك ممكن تضع اى اسئله ولكن فى قسمها الصحيح يعنى لو حضرتك عاوز تسال فى ضرائب المبيعات اذهب فى قسم ضرائب المبيعات وهتلاقى فى اعلى القسم مشاركه وممكن تسال اللى حضرتك عاوزه ولو الموضوع صعب قولى وانا اشرحهولك بالصور

والمنتدى تحت امرك فى اى سؤال فالمنتدى ملئ بالاساتذه الكبار غيرى وافضل منى بكثير

والله الموفق

__________________

[marq="3;right;3;scroll"]ليس من الانجاز ان تعمل 1000 صديق فى سنه واحده بل الانجاز ان تعمل صديق ل 1000 سنه[/marq]

08-23-2011, 10:01 PM

waelhasaan

تاريخ التسجيل: Aug 2008

العمر: 43

المشاركات: 1,303

مشاركة: عمل مشروع شخصي - في مجال تكنلوجيا المعلومات - منشأة فردية

اقتباس:

المشاركة الأصلية كتبت بواسطة nooralex

الشكر لله استاذ محمد مصطفى

زى ماقلت لحضرتك نشاطك خاضع للموافقه الامنيه لان اى نشاط يدخل فيه الكمبيوتر يخضع للموافقه الامنيه

وبقولك تانى لو هتشتغل فى توريد وصيانه الكمبيوتر ضفها فى البطاقه لو مش هتشتغل فيها ماتضيفهاش حاليا

نصيحه

حضرتك تقدر تتوجه الى السجل التجارى وتسالهم على النشاط الخاص بنظم المعلومات ممكن ولا لا علشان مش بعد ماتعمل ضرائب وغرفه يرجعوك من السجل

معلومه

حضرتك لو هتعمل راس المال 50000 مهناه انك كل سنه هتتدفع فى الغرفه التجاريه مبلغ 100 جنيه سنويا

خطوات فتح الملف الضريبى والسجل التجارى

1 - اثبات تاريخ على عقد الايجار ( الشهر العقارى )

2 - فتح ملف ضريبى ( ماموريه الضرائب المختصه )

المستندات المطلوبه ( عقد الايجار - بطاقه الرقم القومى - ايصال كهرباء - توكيل فى حاله وجود وكيل - طلب من الماموريه لفتح ملف ضريبى )

3 - شهاده مزاوله ( الغرفه التجاريه )

المستندات المطلوبه ( الشهاده المؤقته من الضرائب - بطاقه الرقم القومى - عقد الايجار - ايصال كهرباء - طلب من الغرفه للحصول على الشهاده )

4 - السجل التجارى

حضرتك هتتوجه الى السجل التجارى ومعاك اربع ملفات بلاستيك واربع صور من البطاقه الشخصيه واربع صور من شهاده المزاوله وتقدمهم فى السجل وهتاخد رقم تسال علي الموافقه الامنيه على الاقل بعد اربع شهور ولما تيجى هيعملولك السجل التجارى ومن ثم تقدر تستخرج اى عدد من المستخرجات

ولو فى اى استفسار انا فى الخدمه

__________________

[marq="3;right;3;scroll"]ليس من الانجاز ان تعمل 1000 صديق فى سنه واحده بل الانجاز ان تعمل صديق ل 1000 سنه[/marq]

08-23-2011, 10:09 PM

NOORALEX

مشارك مبتدئ

تاريخ التسجيل: Aug 2011

المشاركات: 13

مشاركة: عمل مشروع شخصي - في مجال تكنلوجيا المعلومات - منشأة فردية

اقتباس:

المشاركة الأصلية كتبت بواسطة waelhasaan

نصيحه

حضرتك تقدر تتوجه الى السجل التجارى وتسالهم على النشاط الخاص بنظم المعلومات ممكن ولا لا علشان مش بعد ماتعمل ضرائب وغرفه يرجعوك من السجل

معليش ياريت لو توضح لي تقصد ايه بالنصيحة دي لاني مش فاهمها
وبالنسبة لعقد الايجار مكتوب فيه : مكتب حلول متكاملة

08-24-2011, 10:40 AM

waelhasaan

تاريخ التسجيل: Aug 2008

العمر: 43

المشاركات: 1,303

مشاركة: عمل مشروع شخصي - في مجال تكنلوجيا المعلومات - منشأة فردية

استاذ محمد مصطفى

حضرتك هتروح للسجل التجارى اللى حضرتك تابع ليه وتسال الموظف هو النشاط اللى انت عاوز تعمله مصرح به ولا لا ولو مش مصرح به شوف اقرب حاجه مناسبه ليه ايه

__________________

[marq="3;right;3;scroll"]ليس من الانجاز ان تعمل 1000 صديق فى سنه واحده بل الانجاز ان تعمل صديق ل 1000 سنه[/marq]

08-24-2011, 01:05 PM

NOORALEX

مشارك مبتدئ

تاريخ التسجيل: Aug 2011

المشاركات: 13

مشاركة: عمل مشروع شخصي - في مجال تكنلوجيا المعلومات - منشأة فردية

عاجز عن الشكر يا سيد وائل

حاليا انا خلصت مرحلة الشهر العقاري واثبات التاريخ
وبدات في مرحلة الضرائب والبطاقة الضريبية
بس الباشا بتاع الحصر مالوش مزاج اليومين دول
ويمكن يكون احسن بعد العيد
وحسبي الله ونعم الوكيل في كل واحد مابيراعيش ربنا في عملة ايا كان

08-24-2011, 01:38 PM

#10

waelhasaan

تاريخ التسجيل: Aug 2008

العمر: 43

المشاركات: 1,303

مشاركة: عمل مشروع شخصي - في مجال تكنلوجيا المعلومات - منشأة فردية

بص استاذ محمد كل تاخيره وفيها خيره

الله اعلم الخير فين

بس اللى عاوز اقولهولك ربنا يوفقك وانا تحت امرك فى اى شئ

__________________

[marq="3;right;3;scroll"]ليس من الانجاز ان تعمل 1000 صديق فى سنه واحده بل الانجاز ان تعمل صديق ل 1000 سنه[/marq]

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى