realman

ربنا معاك للاسف دا العادى

بس متسبش حقك حتى لو هتلجأ للقضاء

__________________

moshera

ربنا يعينك
وان شاء الله خير

__________________

جمال200885

اخي كيمو الحياة لازالت امامك وانت في مقتبل العمر بل لم تدخل معترك الحياة الحقيقي حتى الان لذا فكلام قطع الارازاق وتدمير المستقبل كلام كبيييير وغير منطقي فالحياة لاتنتهي بسبب عقبة واحدة وماهذا الا بداية الغيث لان الحياة ليست مفروشة بالورود و احرص عليك من عدة اشياء في مستقبلك اولا مهما بلغت صداقتك بزملاء العمل اترك القيل والقال والتباهي بقدراتك والانتقاص من مدرائك او الزملاء الاخرين لان هذه الامور تودي الى الشحناء والبغض وبيئة العمل مليئة بالقيل والقال.حكاية ان الشاب يدخل منظمة وامامه اشخاص لديهم خبرة سنوات طويلة ولمجرد ان الشاب كفؤ في جانب واحد ويعتقد انه اصبح خلال فترة وجيزة ند للمدير او الزملاء كلام فارغ واسمح لي لانني تعمدت قوله بالشعبي كده عشان اوصلها للجميع لذا اكرر الفرص كثيرة امامك بس خذ وقفة مع النفس وحاكم نفسك ستجد ان لك هفوات اوغرت الصدور عليك قد يكون ابسطها بنظرك التباهي والقيل والقال مع الزملاء وهي اخطر حاجة لتدمير وضع اي شخص في اي مكان.ايضا اذا لاحظت قصور من زميل فلا تسرع بالتبرع امام المدير بتحمل العمل او حل المشكلة لانك لاتدري ماذا يدور في الكواليس والخلاصة احفظ عليك لسانك.
وتوكل على الله ولاتدع اي عقبة تصيبك بالاحباط لاننا الى اليوم ومهما بلغنا من المراتب الادارية والخبرة لازلنا نتعلم من الحياة ونكتشف انفسنا واخطائنا ونغوص في اعماق نفسيات البشر المحيطين بنا .تحياتي وسامحني على كلامي الحاد لانه كلام اخ اكبر لاخيه الاصغر وهذا حقنا عليك طالما فضفضت لينا
وكدستور للصبر في الحياة انصحك بقراءة بقراءة مذكرات الاستاذ طه حسين الايام.وساحاول ارفاقها اليوم في المنتدى

kimoo_2010xp

اخى العزيز جمال مشكور جدا على كلامك بل اتفق مع اكثرة وعليا تقبل راءيك مهما كان وكفايه انه نصيحه من اخى اكبر لاصغر ولكن هناك بعض النقاط اخالفك فيها وهى :
اولا : الخبرة عمرها ما تكون بالسنوات او الاقدميه زى ما انت بتقول بل على كفاءتك وفعاليتك فى انجاز الاهداف المحددة وبالفعل تمكنت خلال 6 شهور فى البنك انا اتعلم ما لااستطيع ان الم بيه خلال السنوات السابقه فى البنوك الاخرى وخاصه الحكوميه مما اهلنى ان اكتسب الثقه اللازمه اللتى توهلنى وتجعلنى مش اقل من زملائى
ثانيا : يستطيع اى شخص خلال فترة وجيزة ان يكون ند للمدير وذلك بما يتصف بيه من اخلاق حميدة وقدرته الكف على انجاز العمل وعلى اكمل وجه وليس من المفترض ان اقعد وامارس عملى لمدة طويله لكى اكسب ند مديرى

محمد محمود عبدالله

اخى كريم ربنا ان شاء الله هيوفقك و يداك فرصه احسن من البنك دا و عليك ان تجتهد و تعمل الى عليك و هتشوف النتيجه ربنا معاك

MAGEDCAROTS

شد حيلك بقي هتعمل اية يعني

حماده شيكو

معلش بس مش هقول غير ان هيا دي مصر وحسبي الله ونعم الوكيل علي السبب الي خلانا نروح بلاد الخليج ونشتغل هنا ويكونو متحكمين فينا زي العبيد بالضبط تفضل مكانك وقت ما هوا عايز ويمشيك وقت ما هوا عايز وياريت يمشيك من الشغل بس لاء من البلد كمان بس هقول ايه 0

mhd_salah

اولا: انا مش مقتنع بالكلام اللي انت قولت مع احترامي ليك ليه بأه

1- انت بتقول لسه متخرجتش واتعينت في بنك من افضل البنوك في مصر زي مانت بتقول طب ازاي ممكن توضح لي
2- حضرتك بأه بالعبقريه الجامده دي انك تتفوق علي زماليك اللي في الشغل لمده سته شهور ياعني انت هاتبقي احسن من اللي مطحون بقاله سنين ....
3- اي بنك في مصر مابيوفقش دخول فيه اي حد الا بعد التخرج او اذا يوافق دا علي سبيل التدريب ولمده لا تتجاوز تلاته شهور وشرط تكون حاصل علي تقدير جيد ع الأقل

متزعلش من الكلام دا الواقع ياصاحبي

kimoo_2010xp

اولا شكرا ليك يا اخ صلاح وكمان انا مش زعلان من كلامك ولا حاجه بالعكس انا عذرك لانى لو فى مكانك بردة هقول نفس الكلام اللى انت قولته ده بس فى بعض النقاط اللى لازم اوضحها ليك:
اولا ) انا ما قولتش انى متعين فى بنك بل قولت انا محاسب فى بنك بعقد وكمان مش هتثبت الا لما اجيب شهادتى وهختبر فى hr وبناء عليه لو نجحت هتثبت.

ثانيا) المحاسبين اللى انا بتكلم عليهم دولت بردة اختبار زى كده بس الفرق ما بينى وبينهم ان هما متخرجين ومعاهم شهادتهم ومجرد ما يخلصوا تدريب هيتثبتوا
تانى فرق ما بينى وبينهم السن لان كلهم اكبر منى فى السن 3 او 4 سنين وليس بقالهم فى البنك الا بعض شهور زى بالظبط
يعنى اللى اقصدة مش دولت المحاسبين العتوله زى ما بنقول اللى هما بتوع البنك او اللى هما اساس البنك فى الاصل

ثالثا) حكايه بقا ان البنك مش بيقبل حد فيه الا بعد التخرج ويشترط ان يكون تقدير جيد على الاقل ده انا معاكى 100 فى 100 لانه كلام صح بس تقدر تعتبرنى استثناء لانها بصراحه جاتلى بوسطه رجل اعمال
وكمان بردة مش شرط ان يكون متخرج لان كان معانا محاسب كبير فى البنك وكان جايب معانا بنت قريبته فى تجارة وبتتعلم معانا وهى من اوله كليه لحد دلوقتى وكانت خبرة عننا
اما بلنسبه لفترة تدريب انها تكون 3 شهور فقط ده كلام مش منطقى لان قعدت والله 6 شهور والعقد كان كمان هيتجدد بس ظروف

وعشان اطمن قلبك انا عندى استعداد اوريك صورى وانا فى البنك ومكتبى كمان
ومستنى ردك يا صاحبى

see you soon