فى الاول انا عاوز اقول ان بجد المنتدى ده جامد جدا وربنا يجازى كل خير لكل واحد بيقدم معلومه
انامصطفى و لسه متخرج السنه دى من كليه التجاره جامعه بنى سويف " قسم محاسبه " وروحت الجامعه الامريكيه وبدات كورسات انجليزى بحمد الله وسالت على كورسات محاسبه وادونى ورقه فيها كل كورسات المحاسبه الى عندهم وهى كالتالى:
1- شهاده foundation certificate in accounting and finance
وبتحتوى على المواد الاتيه:
preparation of financial statements
financial management and control
cost accounting I
financial report
banking operations
2- شهاده career certificate in accounting
وتحتوى على المواد الاتيه:
international accounting standards
cost accounting II
taxes
auditing and internal review
3-شهاده career certificate in finance
وتحتوى على المواد الاتيه:
international accounting standards
financial analysis
intermediate corporate finance
business valuation
دول ال3 شهادات الموجودين تبع كورسات المحاسبه وكل ماده ب 700 جنيه يعنى كلهم ب 9100 جنيه بالظبط وانا كنت عاوز اعرف هل الشهادات دى معترف بيها فى كل مكان ؟؟ ولا لو روحت بيها حته هيقولى ايه الشهادات دى جايبها منين ويطلب منى شرحها؟؟ وهل فعلا تستاهل انى اخدها ولا لا ؟؟
وهستفاد منها ولا لا ؟؟ والكورسات دى بتلزمنى بانى اشتغل بيها فى حته معينه ولا كورسات عامه تنفعنى فى كل الاماكن؟؟
وخايف اخدها لحسن تطلع هى هى المواد الى كنت باخدها فى الكليه بس بالانجليزى وطبعا كلنا عارفين ان مواد الكليه ملهاش دعوه بالحياه العمليه خالص وكده يبقى ضيعت وقت عالفاااااضى
يا أخى العزيز الكورسات ال فى الجامعة الأمريكية ده جميلة من حيث الشكل فقط لكنها تفتقر للجانب التطبيقى ال إحنا محتاجينه كخريجين محاسبة وعايزن أولا خبرات عملية نشتغل بيها وكمان علم ومعرفة ودراية محاسبية علشان كدة أنا أنصحك بكورسات أخرى وأنا أعرف مركز تدريب إسمه أى سي إيه متخصص فى تدريب المحاسبين فقط وعنده محاضرين رائعين وكمان الكورسات بتاعته بتفرق كتير مع أى خريج جديد عايز يكون محاسب كويس وال أكتر من كدة عنده برنامج تأهيلى لدراسة الـ cma البرنامج ده بتطلع منه جاهز إنك تدخل فى دراسة السي إم إيه أنا شخصيا ومجموعة من أصدقائى جربنا المركز دا ودخلنا كورس محاسبة مالية وإمساك دفاتر والحقيقة كان كورس رائع وإستفادنا منه كتير جدا جدا ودلوئتى المركز دا بيعمل حاجة جديدة لكن تحفة وهى عمل كورسات بتركز على موضوع معين والنوع ده بيخللى المحاسب يجيد إجادة تامة للموضوع ده زى مثلا المخازن وطرق تقييم المخزون ممكن تطلع منه فاهم مخازن وتقييم وتبقى مراقب مخازن فى أى مكان عنده علم ودراية وغيره من الموضوعات الهامة أنا شايف إن التركيز فى موضوع معين وياخد وقته المحصلة بيتبقى أحسن من إن الواحد ياخد كورس يحتوى على موضوعات كتيرة والمحصلة صفر كبيييييييييييييييييييييير أوى وللأسف دا منتشر كتير وبيقى وقت وفلوس ضايعين
المهم انا طولت عليك لو حابب المركز دا مكانه فى أخر فيصل - الجيزة ودا تليفونهم 33831976
انت عملت ايـــــــــــــه فى الاخر
انا بفكر ادرس حاجه برضوا ولسه مش مستقر على حاجه
عموما ده ايميلى على اليـــاهـــو
medo_night_2015
قولى عملت ايه او ايه المعلومات ال وصلتلها ضرورى