محمد طاهر

السلام عليكم :
انتى ياهبة عاملة زى اللى ماشى فى طريقين عكس بعض شغالة ادارية وبتدرسى محاسبة ودا محتاج مجهود شاق جدا. ياتركزى فى الشغل او الدراسة يكون افضل وانا شايف ركزى على الدراسة علشان هيكونلك فيها ان شاء الله مستقبل افضل .
واتمنالك التوفيق
محمد طاهر

أحمد مصطفي

أستاذة هبه صاحب السبع صنايع لا يتقن أي واحدة منهم فعليك وحدك تختاري ماذا تريدي أن تتقني و أبدئي الأن و أن كنت أرشحلك الدراسة لأنها سوف تضع لك مستقبل كبير في المستقبل و تكون المهنه أكتسبت محاسبة شاطرة أن شاء الله

ابواياد

والله انا عايز اقول حاجه بس انا شايف ان لو حضرتك مرتاحه فى شغل الاداره فيكون ده كويس جدا ومتتعبيش نفسك فى شغل المحاسبه اما لو كان العكس فان شاء الله ربنا هييسر لكى الحالى (( من المحن تاتى المنح)) بكل بساطه ممكن تدربى فى مكتب فتره مسائيه فقط بس متستنيش منه اى فلوس لانك عايزه تدربى بجد اما بقى لو دورتى على الفلوس فمش هتلاقى الى يشغلك نصيحه تانيه من اخ لكى ابحثى عن دورات فى المحاسبه هيه فعلا الى هتساعدك بدون دورات ملهاش لازمه بس اهم شىء ابحثى عن كتاب المحاسبه الماليه بتاعه سنه اولى كليه اهم كتاب اخذتيه فعلا **** والله الموفق***////المخلص //ابواياد ((مصطفى))

ibraboi

العزيزة هبة
السلام عليكم ورحمة الله

بصي بقي يا ستي انا هقولك كلمتين بس ياريت تركزي فيهم شوية ماشي

دراسة Cma مش صعبة ولا مشكلة خالص في منهجها
بس انتي عارفة
المشكلة الأساسية فينا احنا لية بقي ؟

عشان احنا شايفين ان الدراسة صعبة علينا ومش هنقدر عليها ودا بردة لية ؟

عشان احنا اساسا مش منظمين وقتنا مابين الشغل وبين الدراسة وغير كدة احنا بنسمع كلام كتير مثبط ومحبط
وفي نفس الوقت خدي بالك إن الأمر مش محتاج أكتر من تنظيم وقت وتحديد هدف وهو دة الأساس
طبعا بالإضافة الي جدية الأمر لأنك بتدرسي منهج محاسبة أمريكي بحت يعني مختلف 90% عن منهجنا اللي دراسنا في الأربع سنين بتوع الكلية (اللي لو حسبتي الإستفادة الحقيقية منهم تلاقيها لا تتجاوز السنة المهم ماعلينا)

فأنتي ياستي أولا تنظمي وقتك وتخدي الموضوع بجدية وتحولي تذاكري أول بأول وما تضيعيش وقتك المخصص للدراسة في أي حاجة تانية غير المذاكرة
يعني مذاكرة وشغل وبس

وتحولي تعملي لنفسك جدول زمني عشان تقدري تقيمي فيهم نفسك كويس وتقدري تعرفي اية نقاط الضعف عندك في المنهج وتحاولي تقويها بأي شكل من الأشكال اللي تناسب دراسة ال Cma زي حل جميع الأسئلة مرة وأتنين وتلاتة وتحاولي تناقشي المحاضر بتاعك في اللي تعرفية واللي متعرفيهوش
عشان تستفيدي بالمعلومات اللي عندة أو تثبتي معلومة عندك ماشي .
حاجة تانية دايما ما تحوليش تتحججي بأنك مش فاضية أو الشغل مأثر علي وقتك أو تعبانة أو أو أو .....
فأنا اساسا ما نصحكيش بأنك تسيبي الشغل إلا إذا حسيتي فعلا إن الشغل مأثر علي تحصيك ومذاكرتك في الcma ماشي يعني ما تخلقيش لنفسك الأعذار زي

انك شغالة إدارية مش محاسبة
لية بقي ؟؟؟؟؟؟؟

لأنك أصلا خدي بالك بتدرسي محاسبة إدارية يعني انتي اساسا المنهجية بتاعتك مش محاسبة وبس بل بالعكس انتي علي فكرة بتدرسي حاجات كتيرة غيرالمحاسبة وهي دي حلاوة الcma
يعني بتدرسي إدارة وإقتصاد ومعايير ومراجعة ومحاسبة ولعلك في البارت الاول دة حسيتي بكدة إن 45 % من منهج بارت 1 إقتصاد وجزء حوالي 15 % رقابة داخلية وحوالي 15 % ادارة وعلي كلامك إن المحاضر بدأ بشابتر 10 يعني مش محاسية
وأساسا علي فكرة بارت 1 كلة مفهوش محاسبة مالية بمعني محاسبة مالية ولكن فية تحليل مالي للقوائم المالية يعني أنتي محتاجة تعرفي أو بمعني أصح تراجعي شوية محاسبة مالية كدة عشان تعملي ري فريش لمعلوماتك وبس هه وبس

يعني بمعني أصح ما تبصيش لمكاتب المحاسبة أنها الحل الأمثل لمشكلتك
بل بالعكس دي هية ممكن تكون في حد زاتها مشكلة عشان أنتي بطبقي فيها معايير مصرية( اللي بيحولو دلوقتي يوفقوها مع المعايير الدولية والأمريكية )

يعني بردة هتلاقي معارضة في الدراسة مع التطبيق العملي (ودا طبعا عشان انتي مش في أمريكا)
المهم يا ستي
معلش انا طولت عليكي
(بس صدقني انا بنصحك باللي انا عملتو بنصايح الأساتذة والأصدقاء وشايف انة ناجح ان شاء الله)

أخيرا بقولك

حاولي تبدأي من جديد وماتفوتيش محاضرة إلا لما تكوني قرتيها مرة وأتنين علي الأقل
وما تفوتيش جزئ يخلص إلا لما تحلي علية السوفت ويير بتاع الأستاذ جليم قصدي الأسئلة يعني ( اللي المفروض علي كلامك أن المحاضر بيدرسلوكو علي كتابه)
ماشي ودي أهم حاجة ممكن تعملي بيها تقييم لنفسك

الحاجة التانية انك ممكن تستعيني بالله ثم بكتاب الاخ هووك عشان هو سهل شوية عن جليم

بس جليم أعم وأشمل بصراحة

و الحاجة التالتة المناقشة المناقشة مع المحاضر او مع الزملاء ودي اللي هتثبتلك المعلومة صدقيني

و بردة بعيدلك تاني ماتحوليش تصعبي علي نفسك الدراسة ولا المنهج بس تديلو حقه من التحصيل والمذاكرة.

وربنا يوفقك ويهديكي لأفضل الأمور
وأسف للإطالة مرة أخري

وانا تحت أمرك في أي حاجة .
وأخيرا

أسئلك الدعاء بالنجاح والتوفيق .

سوسو

نصيحة حاولى التنسيق بين الشغل والدورة وحاولى إختيارالدورة المناسبة التى تساعدك أكثر فى الالتحاق بشغل أعلي وفكري في نفسك أيضا ونقى ذهنك وما تديقيش نفسك الدنيا مش مستهله