المحاسب هيكاز

بص يا أخي الكريم علشان تأسس نفسك بعد التخرج وتحس إن أنت فاهم محاسبة كويس إن شاء الله لازم تاخد مجموعة من الكورسات وهي كالاتي : رقم 1 - لازم تاخد كورس محاسبة دفترية وإمساك حسابات ختامية .
2 - لازم تاخد كورس أكسيل محاسبي وكويك بوكس .
3- حاول علي أد ما تقدر تاخد كورس موارد بشرية و مش شرط تاخد كورس موارد بشرية كبير ممكن تاخد كورس بسيط بس عشان هيساعدك في تخطيط أسلوب عملك ومستقبلك إن شاء الله . وبعد كده حاول تدور علي شغل في مجالك وأبتدي وحدة وحدة وربنا معاك باذن الله .
وأنا شايف أن في البداية كده كويس وربنا يوفقنا ويوفقك إن شاء الله وكورس الاوراكل مش مستحب تاخده دلوقتي ولكن بعد ما تكتسب خبرة كبيرة علشان لما تاخده تستوعبه كويس وميكنش صعب عليك وبالتوفيق...

vantagepoint13

شكراً بجد على ردك و إهتمامك المحاسب هيكاز

wknight

ايه الرد الجميل ده يا جماعة المنتدى الكريم السيد هيكاز نصح بحق كيف يضع الاجرين الجدد علي الطريق وفقك الله وانار طريقك
وايت نايت

malty

بارك الله فيك على ردك
كانت احب اسال حضرتك انا خريج 2009 وللاسف اهملتى نفسى المهم
دلوقتى انا نويت ا نى ابدا كورسات ومش عارف ابداء ايه بس ياريت بعيد عن الكورسات الكبيره مثلcma وغيرها الدورات الكبيره دى فياريت حضرتك تفيدنى وانا محتار فى الاختيار مابين دورتين دلوقتى انى ابدا دوراه تطبيقات محاسبيه بالاكسيل ولا اخد دوره البتش ترى ياريت حد يجاوبنى وفى اسرع وقت وشكرا لحضراتكم واسف على الاطاله

mahmoud_karam

السلام عليكم .... انا خريج 2012 والحمد لله ربنا كرمنى واخدت اعفاء من الجيش ودلوقتى باخد كورس اعداد محاسبين وبدرس فيه التطبيقات المحاسبية على الاكسيل وازاى استخدم الدوال والصيغ وكدة ..... عايز اعرف اخد كورسات تانى ايه ؟ مع العلم ان معظم اصحابى نصحونى انى ما اخدش لا icdl ولا تنمية بشرية وقالولى ان (دا كله كلام فشنك ومش عملى) وقالولى ان المهم الاكسيل والانجلش فقط ....مع العلم انى جايلى فرصة سفر وانت عارف ان كورس الانجلش بياخد وقت طويل وبالتالى مش هاقدر اخده... اعمل ايه فى الحالة دى مع العلم ان الى باعتلى الفيزا قالى انا عايزك تاخد الاكسيل وبسسس .... وياريت لو اى نصايح عن السفر لان دى اول مرة اسافر وكمان اول مرة اشتغل فى شغل محاسبى ... كان معظم شغلى خارج مجال المحاسبة تماما ....

malty

بارك الله فيك وشكرا لمجهودك لو سمحت انا عاوز اخد كورسات محاسبه بس انا لسه مبتداء يعنى مش هينفع معايا cma واللى زيها انا عاوز كورسات تكون كويسه ومتوسطه
وانا امامى الان دورتان دوره تطبيقات المحاسبه على الاكسيل ودوره تعليم برنامج الباتش ترى ومش عارف ابدا باى دوره فيهم والاهم ايه ارجو من حضرتك الرد وشكرا