m.fayed85

السلام عليكم :
استاذ الخولي شكرا جدا علي نصائحك ارجو من حضرتك تقولي اعمل ايه
انا إن شاء الله مسافر الكويت اختي هتبعتلي زيارة كمان 5 شهور انا محاسب في مكتب محاسبة باقوم باعداد الدفاتر للشركات وعمل الميزانيات لهذة الشركات بس كلها بتشتغل في الاستيراد والتصدير (تجارية) (مساهمة)
وكمان اخدت دورة معايير المحاسبة المصرية في جمعية المحاسبين والمراجعين المصرية (المستوي المتوسط) ومعايا الرخصة الدولية للكمبيوتر ومعايا شهادة خبرة بسنتين من مكتب المحاسبة والمراجعة اللي اشتغلت فيه وممكن اعتمدها من الخارجية المهم انا عاوز اعرف ازاي لما اسافر الكويت ممكن الاقي شغل هناك ولا اخلي اختي تتصل بيهم في الكويت وتبعتلهم الورق بتاعي فهل انا مؤهل للعمل بهذة المكاتب هناك انا بحب المحاسبة ومش ناوي اشتغل حاجة تانية غير محاسب ومراجع

القبيصي

اين يتم تدريس شهادتة acca
وكم تكاليفها....
ومعلومات عنها من الالف الي الياء

yoyo assar

انا خريجة تجارة انجليزي جامعة الأسكندريه - فرع دمنهور دفعة 2009

انا للأسف تقديري مقبول و دور تاني
أخدت ال icdl و أخدت دوره أعمال بنوك في المعهد المصرفي بالأسكندريه
و انا بحب مجال البنوك جدا و تدربت 3 مرات في بنك ، نفسي اشتغل في بنوك و أوصل لمناصب عاليه في المجال دا

كنت عايزه اعرف اعمل ايه كمان عشان اكون مؤهله للشغل في بنك تجاري اجنبي داخل مصر
دا يعني لو حضرتك عندك فكره عن مجال البنوك عشان انا لاحظت ان كل الأسئله كانت تخص الشغل بالشركات و مكاتب المحاسبه


سؤال أخير هل الجامعه اللي تخرجت منها تعتبر من الجامعات المعتمده التي تم ذكرها في مؤهلات شهاده ال ACCA ، و هل لازم أخد كورسات لغه مع اني خريجة تجارة انجليزي ؟؟؟

و جزاك الله خيرا على تعبك الواضح معانا

صقر الجزيره 1

السلام عليكم ورحمه الله وبركاته

الاخ العزيز الغالي الخولي

جعل الله عملك في ميزان حسناتك

جيد جدا ان تجد من يساعدك وانت في مهدك

نعم في مهدك بل بالعكس الشاب في مهده يجد من يرعاه

بينما بعد التخرج وخاصه الشباب لا يجد بالمره من يرعاه

فهو مطالب لفظا ان يثبت انه رجلا

اي قادر علي العمل وتحمل المشاق

وللاسف الغالب مازال يحتاج لمساعده علي الاقل نصيحه

والحمد لله الذي هدانا واياك الي الصواب والصالح


اخي في الله الخولي

انا بكالريوس تجاره جامعه عين شمس
قسم محاسبه تقدير جيد 2009
بشتغل في مكتب محاسبه من 5 شهور
لكن للاسف المكتب صغير الي حد كبير
او بمعني ادق (( مبتدأ )))
وللاسف هو افضل من الجلوس بدون عمل

معظم اعمالي خي ضريبيه وادخال بيانات وبعض الاعمال المحاسبيه والمراجعه

اخذت كورس في المحاسبه الالكترونيه والدفتريه
اخذت كورس بيتش تري
مستمر في كورسات الانجليزي
وذلك رغم ضعف المقابل المادي ولكن الله موجود وهو العون في كل ضيق وكرب

بصراحه شديده جدا جدا

انا اجتهدت بشده في الجامعه علي اسا س اني كان نفسي اعمل بالجامعه او علي الاقل تقديري يساعدني في ايجاد فرصه عمل مميزه

لكن للاسف الواقع مرير جدا جدا جدا
وخاصه عندما تجد زميل لك خريج كايرو اكاديمي وسيعمل في بنك العربي الافريقي
العمل نصيب من الله ورزق منه

ولكن انا بشر وكل هذه عوامل تضيق بصدري وتشعرني بأن مجهودي بالجامعه وكانه لم يكن
كما انني لم اجد من يمد لي يد العون
وانا وحدي في وجه الامواج الحياتيه والصعاب

تعبت تعبت تعبت
بصراحه سئمت العمل بمكتب لن استفيد منه الا علي مدي 3ا4 سنوات علي الاقل في مقابل اجر ضعيف للغايه

لا اعلم ماذا اعمل وانا قمت بمراسله مكاتب كبيره ولم اجد رد

ماذا افعل ؟؟

يا رب كن عونا لعبادك الضعفاء
يا رب انت الرحيم الحليم الكبير الواسع الغفور
ارحم عبدك الضعيف وانر طريقه واهديه

ghada abo elkheir

ممكن حد يقولى اقدر اخد كورس غسيل الاموال فين انا من اسكندرية

بشراوى الاسكندرية

الله يكرمكو على الافادة بجد

M_MAHER_1212

اولا : احب لك ان تكون في مكانة مرموقة وهذا ما اتوقعة لك ان شاء اللة .
ثانيا : اعلم جيدا ما قمت به من جهد للوصول الي ذلك الحد ولا اعلم ما قابلته في ذلك من صعوبات لتحقيق ذلك ولكن اعلم تماما ان من يتعب كثيرا يحصد اكثر .
هذا ما اود ان اقوله لك في البداية .
اريد منك افاده في حياتي المهنية لاني في تردد كبير جدا من هذا الشان
الحمد لله اولا علي ما وصلت الية الان .
اعمل محاسب بشركة توريدات عمومية حتي الساعة الخامسة ثم اذهب لمكتب محاسبة بعد ذلك حتي الساعة العاشرة مساءا .
للتوضيح وحتي لا اطيل عليك انا خريج تجارة جامعة اسكندرية دفعة مايو2009 ولكني عملت بشركة من بداية دخولي الكلية لمدة سنتين ثم انتقلت لمكتب المحاسبة لمدة 3 سنوات واعمل به حتي الان ثم بعد امتحاناتي في السنة الاخيرة وقبل ظهور النتيجة كنت قد قابلت صاحب الشركة التي اعمل بها الان وقد رحب بي كثيرا .
فالحمد لله امتلك خبرة ولكن الان لايوجد وقت يتيح لي دراسة لغة ولكني جيد في الاكسيل ولكن البرامج اريد بشدة ان اعمل بها .
ايها الزميل العزيز : ما هي نصيحتك لي .
اخيرا . لا احد يساعد هذا اليوم . فالكل مهموم في مشاكلة الخاصة . ولكني عندما قرات كلماتك وجدت شئ غريب وهذا الذي جعلني ان اخذ برايك .
فاني اتصفح المنتدي ولكني لم اشارك في الحديث .
اود ان اقول لك معك الله ولك دوام الاجادة ..
محاسب / محمد ماهر

elkhouly

يا عزيزي انا اسف على التاخير في الرد .. لظروف العمل لم اجد الوقت الكافي للرد عليه

اولا احب اشكرك على كلمانك الطيبة ... وشعورك ...

حبيت اذكر ان طريق النجاح دايما مش سهل ... بتواجه تحديات وفي الغالب مستحيلات .. لكن لو عندك عزيمة ... انسى حاجة اسمها مستحيل ...توكل على الله وحدد هدف في حياتك .. وبناء عليه ابذل مجهود ووقت وفلوس ... يعني خد بالاسباب وخلى الباقي على الله

بالنسبة لموضوع اللغة .. حاول تسجل مع اي معهد كويس .. مش مهم غالي .. المهم جودة المدرسين ... ومش مهم شهادة اللغة قد ما المهم هو تمكنك من اللغة نفسها .. يوجد موضوع رائع مثبت في نفس المنتدي لشخص اسمه اشرف منصور .. انا شايف ان نصايحه في اللغة جدا مهمة ...

بالنسبة لضيق الوقت .. هي تعتبر معضلة كل واحد بيتشغل .. بس على العموم .. بإمكانك ايجاد وقت لتخصيصه في الدراسة .. سواء في عطلة نهاية الاسبوع ,, او ساعة او ساعتين كل يوم

الخبرات اللي معاك ممتازة جداا ونادرا نشوف طالب كان بيدرس ومعاه خبرة

اما في حياتك المهنية .. حاول تطور من نفسك بشكل مستمر .. اللي ممكن يعمل معاك نقلة نوعية شهادة زي ال cma مثلا او غيرها من الشهادات الاجنبية ... هتنقلك نقلة نوعية في كل شئ .. في اللغة والدارسة والعمل ... اللغة مهمة جداا .. وبتفتحلك فرص كتير جداا في اماكن مرموقة ... لو ليك طموح وبتحب المغامرات او التحديات ... حاول توصل او تشتغل في شركة عالمية .. كمان هتعمل معاك نقلة نوعية ....

بالتوفيق في حياتك المهنية

elkhouly

بشكل عام حاولى تتميزي عشان يكون ليكي فرصة اكبر في العمل لدى البنوك ... التميز ممكن يكون عن طريق اللغة او اي شهادات دراسية اخرى غير شهادة الكلية .. جامعتك اعتقد معتمدة .. كورسات اللغة مهمة عشان تتمكني من اللغة ,, لكن لو مستواكي فيها كويس .. ركزي وقتك في اشياء اخر مفيدة