مشاركة: محتاج مساعدة فى Cma
اخي العزيز أحمد وجية السلام عليكم ورحمة الله وبركاتة
أولا:
أود ان اشجعك علي دراسة السي أم اية التي تفكر فيها واللي هتنقلك نقلة خطيرة جدا
ثانيا :
بالنسبة لموضوع اللغة الإنجليزيةانا زيك بالضبط لما بدات في دراسة السي أم اية اول مشكلة واجهتني هي مشكلة اللغة بس عايز أطمنك اني بعد فترة ومع الجهد المستمر في المذاكرة وتحسين المستوي اللغوي لقيت أن العملية مش مستهلة انك تكون محترف لغة إنجليزية ولكن تكون علي الأقل مستواك جيد فيها( جيد وكفاية )بس طبعا لو انتا محتاج تقوي اللغة فيجب ان انتا تقويها شوية في اي مركز متخصص
خاصة لو كان كورس محاسبة وبزنس مع بعض عشان تكون عندك الخلفية الكويسة للمصطلحات اللي هتقابلك في المنهجية بتاعت السي إم اية ماشي .
ثالثا :
بص بقي يا سيدي احنا علي فكرة كلمنا كتير قوي وما بنعملش حاجة وفي الآخر بنصطدم بالواقع اننا اللي عايزين نقنع نفسنا بية اننا مش قد الشهادة دي والناس دول بتوع الآي أم اية جامدين عينا و بيحطو منهج صعب علينا واحنا مش أده عشان اللغة وعشان هما بيكلمو واحد درس في امريكا وعايش في امريكا و عشان ....... وعشان ..... و عشان ......
بس صدقني احنا بختلق لنفسنا الأعزار اللي بتخلينا نسيب اي حاجة احنا مش عايزين نكملها عشان نبرأ نفسنا ونرميها علي اي حدواي حاجة تانية
معلش أنا لكاك شوية بس أسمع مني عشان انا لما بدأت في الدراسة سمعت الكلام اللي أتقلك دة كتير
وطبعا اللي خلاني مشوش شوية
انا بقي بقولك الكلام دة لية عشان حكاية انك تبدأ ببارت 2 دي
علي فكرة دة كلام غلط غلط غلط
وانا بقولك عن تجربة لأني لما بدات درست بارت 3 الأول واللي كان بداية سهلة وبعدين لقيت العملية مش قد كدة المهم
اني قررت اني ابدأ بارت 1 زي ما ال Ima سماه بارت 1 يعني هو أول بارت المفروض انك تدرسة
يعني العملية واضحة قدمنا عشان مش محتاجة فلسفة مصريين صح .( بس احنا بنحب نتفزلك حتي في نصايحنا)
وعلي فكرة الكلام دة قلهولي المحاضر بتاعي في بارت 1 وانا اقتنعت بي جدا .
وبناءا علية انا حبيت اوصلهولك . أتفقنا
وعلي فكرة المنهج دة ملهوش علاقة بخبرتك المحاسبية عشان حضرتك اصلا هتدرس منهج محاسبي أمريكي ملهوش دعوة بالمحاسبة المصرية من قريب او من بعيد اللهم إلا المبادئ المحاسبية اللي هتلاقي فيها شوية تشابهه وطبعا بعض الاسس المتشابه اللي احنا أصلا أخدناها منهم .
رابعا:
(معلش طولت عليك انا قولتلك اني لكاك شوية )
بالنسبة لموضوع انك خريج ازهر وفي الآي أم اية مش معترفين بكدة طيب هل انتا أتأكدت من صحة الكلام دة من مصدر موثوق منة ؟
انا عن نفسي أشك في كدة وأشك أصلا أن الناس دي تقول كدة........ ليه بقي ؟
عشان احنا لما كنا بندرس كان معانا دكتور ومهندس بيدرسو نفس الشهادة معانا في قاعة واحدة تخييل!!!!!!!!!!!
وعلي فكرة رئيس معهد ال Imaفي وقت من الأوقات كان مهندس مش محاسب تخيل !!!!1
(طبعا انا بقول كدة علي حد معلوماتي بس ان شاء الله هتأكدلك وهرد عليك تاني إن شاء الله)
أخيرا :
احب اعتزرك عن إطالتي في الحديث ( اللي هو ممكن انك تقول علية انة اطول من منهج Cma )
بس انا حبيت اني اوصلك المعلومة كاملة )
وانا علي فكرة معرفش اماكن معينة عندك في القاهرة بدرس الشهادة دي (أصلي من اسكندرية )
بس بردة ان شاء الله هسألك وهرد عليك قريب إن شاء الله وخاصة اني أنصحك بالمحاضراللي انا شغال معاه دلوقتي وهتأكدلك منه إن شاء الله .
وأسألك الدعاء عشان انا داخل أول الإمتحان قريب إن شاء الله فإدعيلي بالتوفيق
و يا رب أكون قدرت اوصلك نصيحة تستفاد بيها
(ومعلش تقبل مني النصيحة أنا أصغر من حضرك سنا صحيح بس يعني أعرف شوية الحاجات اللي قلتهالك دي ويارب تكون مفيدة وربنا يوفقك وانا تحت أمرك في أي شئ )
(سلام بقي عشان انا بقي تعب من الكلام )
اة صحيح نسيت أققولك كل سنة وأنت طيب ( معلش دي أخر كلمة)
السلام عليكم ورحمة الله