عندي استفسارات - منتدى المحاسبين المصريين

11-01-2010, 02:29 PM

خريجه جديده 2010

مشارك

تاريخ التسجيل: Oct 2010

الدولة: مصر

المشاركات: 30

عندي استفسارات

السلام عليكم ورحمة الله وبركاته
لو سمحتم عندي كذااستفسار
اولا ايه الفرق بين المحاسب المالي اوالقانوني او.... بالتفصيل وايه اماكن عمل كل واحد فيهم لاني لسه متخرجه جديد ومش فاهمه حاجه
ثانيا هل مطلوب مني الاشتراك في نقابه التجاريين دلوقتي وانا لسه مش بشتغل وهو فيه هيئات تانيه المفروض اشترك فيها دلوقتي غير نقابه التجاريين
ثالثا هل شهاده acca مهمه ومطلوبه في مصر زي بره وعلي مااقدر اخد الشهاده دي هل توجد شهادات تانيه تنفعني في الشغل في مصر وايه الاماكن اللي اقدر اخد فيها الشهادات دي لاني من محافظه كفر الشيخ فعاوزه اعرف ايه اقرب الاماكن بالنسبه لي

11-03-2010, 10:21 PM

توفيق السيد

تاريخ التسجيل: Jun 2010

المشاركات: 534

مشاركة: عندي استفسارات

اقتباس:

المشاركة الأصلية كتبت بواسطة خريجه جديده 2010

بصراحه مش كل المواضيع اقدر افيدك فيها
لكن ان شاء الله احاول افيدك قدر المستطاع
اولا كل خريج من كليه التجاره شعبه المحاسبه فهو محاسب مالى لكنه ليس محاسب قانونى
وكى يصبح كذلك لابد له من القيد فى سجل المحاسبن والمراجعين تحت التمرين
ودا طبعا علشان يعمله لازم يروح لمحاسب قانونى فاتح مكتب علشان يسجل اسمه معاه
وبعد مرور 3 سنوات يصبح محاسب قانونى دون اجراء ايه اختبارات
وللمحاسب القانونى العديد من الامتيازات فهو معتمد شهادته واعتماده للقوائم والتقارير الماليه واقرارات الضرائب لدى الجهات الرسميه
وبعد فتره من الزمن يصبح له الحق فى مراجعه شركات المساهمه
طبعا المحاسب المالى فى منأى عن الكلام ده
وعلى فكره التعريفات والاختلافات دى ينطبق عليها قاعده اذا اجتمعا اختلفا واذا تفرقا اتفقا
بمعنى انه ممكن يعبر عن المحاسب القانونى بانه محاسب مالى
ولكن لما يذكروا مع بعض بيكون الفرق كبير زى ما قولنا

ثانيا بخصوص اشتراك النقابه
اساسا هو مش فرض عليكى فى اى وقت من الاوقات سواء اشتغلتى او لأ
وكذلك هو متاح ليكى فى وقت من الاوقات سواء اشتغتلتى او لأ

ثالثا بخصوص شهاده acca
هى ضمن مجموعه الشهادات بالغه الاهميه ولا شك حصولك عليها يعطيكى فرصه كبيره جدا لشغل ارقى المناصب سواء كان فى مصر او غيرها

وبخصوص الأماكن مش هاقدر افيدك لانى من دمياط
ولكن الاخوه من كفر الشيخ فى المنتدى كتير جدا ان شاء الله يدلوكى على افضل الاماكن

مع انى اول سنه ليا قضيتها فى تجاره كفر الشيخ ايامها كنا تبع جامعه طنطا فى2001

__________________

مواضيعي بالمنتدى

11-13-2010, 01:46 AM

1accountant

تاريخ التسجيل: Jan 2008

الدولة: مصر

العمر: 40

المشاركات: 2,094

مشاركة: عندي استفسارات

بالاضافة ال يكلام العضو المميز استاذ توفيق السيد

اود ان ارسل له تحياتي

ان موضوع الخريج الجديد يجب ان يعرف اين هو الان من موضوع التوظيف الفرص ممكن ان تكون موجوده ولكن هو ليس مؤهل لكي يحصل عليها

كمان قولت سابقا فالمحاسبة اولا هي السلاح الاول في مواجة سوق العمل والخبر العملية هي ان تكون متمكن من المهنة ذاتيها باتقانك من المحاسبة والمحاسبة لها فرروع يجب ان تكون ملم بها مثلا محاسبة التكاليف والضرائب يجب علي كل خريج ان يعرف اين هو من هذه النواحي

ثانيا اللغة وده شي مهم جدا وضروري جدا في سوق العمل

ثالثا الكمبيوتر وحين نقول الكمبيوتر تعتي مجموعة الافس علي الاقل

ويمكن بعدها الخريج ان يلتحق باي وظيفة مرموقة ومتاحة ولكن اغلب الخريجين يتعثرو في بداية فهم واقع سوق العمل

اما الاجابة علي الاسائلة فهي المحاسب المالي هو جميع من يعمل في مهنة المحاسبة فيالشركات فيالادارة ات المالية فهو محاسب مالي دون قيد عليه فهو تعبير عام مفتوح

اما المحاسب القانوني فهو مهنة ينظمها القانون من هنا جاء اسم المحاسب القانوني ولها شروطها وضوابطها كما افاد سابقا

اما الشهادات المهمنية ومنها acca فهي بالطبع تعطي المحاسب ثقل لا شك فيه ولكن يجب ان يبدا السلم من البداية ويبدا البداية الصحيحة

__________________

لا الـــــــــــه إلا الله

if you fail to plan you plan to fail

كلنا نملك القدرة علي إنجاز ما نريد و تحقيق ما نستحق

محمد عبد الحكيم

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى