خريج جديد وعندي اسئله يا ريت لو حد عايز يساعد

09-12-2012, 02:22 AM

abosifa

مشارك مبتدئ

تاريخ التسجيل: Sep 2012

المشاركات: 2

خريج جديد وعندي اسئله يا ريت لو حد عايز يساعد

انا خريج جديد 2012 تجارة عربي القاهرة ، وطبعا عمال بفكر في مليون حاجة وعندي اسئله كتير جدا لكن محدش عارف يساعدني لان معظم معارفي ناس معايا في الدفعة والناس الي فاهمة محاسبة مشغولة وبقينا في زمن يلا نفسي

اسئله زي :
1- هل افضل حاجة يعملها الخريج انه يتدرب في مكتب محاسبة عشان ياخد خبرة ؟؟ علي اساس انه كدا كدا مرتبات المحاسب ضايعة يبقي ياخد خبرة احسن ؟

2- ليه الانجليزي مهم للمحاسب ازا كان هوا دراسته عربي وهيشتغل بالعربي حسابات بالعربي ؟؟ ولا العبارة دي تعني لو هشتغل في مكان شغله انجليزي فقط ؟؟؟؟؟؟؟

3- هل الفرق بين تجارة عربي وانجلش ان احنا دارسين محاسبة بالعربي وهما بالانجلش فقط ، ولا هما مناهجهم غيرنا ومحاسبتهم غيرنا بغض النظر عن اللغة ؟؟ وهل ممكن ادرس المحاسبة بالانجلش واشتغل ولا هتألش لمجرد اننا شهادتي عربي ؟؟؟

4- هل الشغل هنا احسن في مصر ولا في الخليج والسعودية ؟؟ وهل العمل في الخارج اسهل ولا بردو بيطلبو مؤهلات زي اللغة و التقدير والكمبيوتر

5- انا اسمع ان في تجارة عربي بندرس المحاسبة بشكل اصعب وبالتفصيل اكتر من انجلش وده انا لاحظته لان اخويا في تجارة انجلش ومش بيفهمو حاجة وماشيين بالدروس الخصوصية ، طيب ليه بتوع تجارة انجلش بيشتغلو احسن مننا احنا تجارة عربي ، حتي لو هما بطيخ في الانجلش ، هل الموضوع عشان معايا شهادة معينة ولا بالفهم للمحاسبة ؟؟؟

09-12-2012, 02:30 AM

abosifa

مشارك مبتدئ

تاريخ التسجيل: Sep 2012

المشاركات: 2

مشاركة: خريج جديد وعندي اسئله يا ريت لو حد عايز يساعد

لو حد عنده اجابات علي سؤال معين او جزء معين يشارك بردو مش لازم يبقي عارف كل الاسئلة دي

« الموضوع السابق | الموضوع التالي »

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 05:44 AM