المحاسب العربى وخاصة المصرى - منتدى المحاسبين المصريين

03-17-2008, 05:14 PM

ca_mraafat

مشارك مبتدئ

تاريخ التسجيل: Mar 2008

العمر: 46

المشاركات: 18

المحاسب العربى وخاصة المصرى

أود فى البداية أشير أننى عضو السجل العام للمحاسبين والمراجعين المصرى وأعمل حاليا مراجع حسابات( مدقق) بالإمارات العربية المتحدة - دار النظم محاسبون قانونيون
ومن خلال عملى فى أكثر من دوله عربية وخبرتى المتواضعة لاحظت أن المحاسب العربى من أفضل المحاسبين على الإطلاق ويتصدر ذلك المحاسب المصرى إلا أن هناك مشكة تواجهم تتلخص فى التالى
. عدم القدرة على إقتحام الأنظمة الإلكترونية حيث :
أنه فى حالة إمتلاك المحاسب للفكر المحاسبى والمرونه المحاسبية لا يستطيع تطويع البرامج المحاسبية لتلائم طبيعة النشاط .
. عدم وجود الإستعداد لتطوير نفسه بحيث يستطيع إمساك الحسابات باللغة الإنجليزيه .

أرجو من جميع المشاركين وغيرهم محاولة إيجاد الحل حيث أن المنافسه أصبحت شديدة وهى فى غير صالح المحاسب العربى .
رجاء خاص من الأستاذ على أحمد تطوير المنتدى بحيث يكون هناك منتدى مباشر بين المتواجدين on line .

مع تحياتى محمد رأفت

04-14-2008, 01:09 AM

alshosho

مشارك مبتدئ

تاريخ التسجيل: Mar 2008

العمر: 36

المشاركات: 6

مشاركة: المحاسب العربى وخاصة المصرى

ياريت والله زى ما الاخ الفاضل بيؤل يكون فى محاورات اون لاين بين الاعضاء لانه هيعمل شكل تانى خالص للمنتدى
يعنى انا طال لسه فى البكالوريوس وبستفاد جدا من الموقع جدا فمبالك لو نقاش اون لاين بين الاعضاء
وشكرا جزيلا

04-21-2008, 12:03 PM

Ahmed Elsayed

مشارك مبتدئ

تاريخ التسجيل: Apr 2008

العمر: 41

المشاركات: 9

مشاركة: المحاسب العربى وخاصة المصرى

السلام عليكم
انا احمد السيد محاسب بسيط
واريد ان اكون محاسب جيد جداً

04-28-2008, 01:43 PM

mahmoud_adel_2008

مشارك مبتدئ

تاريخ التسجيل: Feb 2008

العمر: 36

المشاركات: 8

مشاركة: المحاسب العربى وخاصة المصرى

فى ناس كتير بتفتكر الحل ان الواحد يروح ياخد كورسات فى الانجليزى و حيبقى كدا اتساوى باللى اتخرج من تجاره انجليزى او انه حياخد كورس فى الكومبيوتر فحيبقى اتساوى باللى بيمارس الكومبيوتر من زمان الموضوع محتاج نبصله بنظره مختلفه لو انت خت كورسات انت حتطور نفسك فى الانجليزى العام اللى ملهوش ارتباط بالمحاسبه (انت لازم تعرف المصطلحات و ايه معناها ) لازم تطور نفسك بنفسك اقراء فى الكتب بالانجليزى علشان تطور نفسك اه حتلاقى الموضوع صعب عليك فى الاول بس بعد كدا العمليه حتسهل . صدقنى انا فى كلية تجاره انجليزى كنت كدا فى الاول الصعوبه فى اللغه بس مفيش بعد شهر اختفت المشكله دى و بقت الصعوبه فى المحاسبه بس (و دى مقدور عليها) انا بحب اسمع افلام اجنبى مش المهم انى افهم كل كلمه المهم انى اسمع مع مرور الوقت حتلاقيك لوحدك بقيت بتفهم معظم الكلام اتفرج على مسلسل او تابع برنامج على الراديو زى مثلا انا متابع برنامج bbce من على موقع ال bbc ده برنامج مفيد جدا و بيزود حصيلة كلماتك باسلوب فكاهى ظريف و اتفرجت على مسلسلات كتيره زى lost و زى prison break مقدرش انكر ان كمان الاسطوانات بتاعت كورس الجامعة الامريكيه و اسطوانات شركه tell me more لتعليم الانجليزى و غيرها فدتنى جامد اسئل صحابك عن الحاجات دى اكيد حتلاقى عندهم لو ملقتش اسطوانه حتلاقى فيلم لو ملقتش فيلم حتلاقى مسلسل او اى حاجه مفيده خلى نفسك تتعلم و فى نفس الوقت مرح (English is fun) متستعجلش بالذات فى تعلم لغه اخرى يعنى تسمع كل يوم ربع ساعه انجليزى و تحفظ كل يوم خمس كلمات احسن من انك تفضل تذاكر و تحفظ خمس ساعات فى يوم واحد فى الاسبوع لو انت مش مستمتع و مش بتحب اللى انت بتعمله اعرف انك مش حتستمر و بالتالى مش حتكمل انا عن نفسى وصلت الان لمرحلة انى عندى القدره انى اتكلم مع الاجانب فى الشات بالميك لانى اؤمن بان الممارسه اهميتها كاهميته التعلم بس متحاولش تعمل كدا الا اما تتاكد انك بقيت ميه ميه فى الانجليزى علشان متحبطش و ربنا يوفقنا جميعا

06-14-2008, 04:25 AM

seaman_12427

مشارك مبتدئ

تاريخ التسجيل: Jun 2008

الدولة: egypt

العمر: 37

المشاركات: 10

مشاركة: المحاسب العربى وخاصة المصرى

اول رد ليا ياجماعة (لازم الكل يشوفة)
ازيكم الاول انا بكاليروس تجارة المنصورة 2007 ونفسى اسافر بره
واخت دورات كتير بس المشكلة مش فى اللغة لانها هاتيجى واحدة واحدة المهم نلاقى الشغل الاول
ب اللى معانا من الدورات وبعدين نطور نفسنا
(ممكن اعرف مكاتب السفر المحترمة علشان اجيب عقد)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى