بركاوي التاني

ممكن توضيح اكتر عنا الشهادات

hamada846284

(إسألني لو عايز معلومات اكتر عنها )
acca مدتها كام سنة وبتتدرس فين ولية ليها الافضلية
cpa تكاليفها
واية الفرق بين الاتنين على كافة المستويات(الشغل/المنهج /مدى اضافتهم ليك كمحاسب)
وانسى موضوع الاسهل

elkhouly

أنا بكلمك من واقع خبرتي واحتكاكي بزملاء مهنة من جميع دول العالم اللي ممكن تتخيلها .. أمريكا .. بريطانيا .. الهند .. الفلبين .. باكستان .. معظمم دول أفريقيا! .. تركيا ..أوروبا وغيرهم الكثير ( على فكره كل دول موجودين في دبي )

لازم الشباب في مصر تفكيره يتغير .. عشان يعرف يواكب متطلبات سوق العمل ... الناس اللي بتوصل بسرعة بتخلص كليه أو ثانوية عامةوتعمل شهادة المحاسب القانوني وتشتغل.. وبعدين تكمل دراسة وتتوسع في شهادات اخرى ومجالات اخرى زي ال cma mba cia cfa وغيرهم الكثير

الشباب في مصر ماشي بالعكس .. يخلص بكالوريوس وبعدين دبلومة وبعدين ماجستير ويا عيني قاعد يصرف دم قلبه ولسه مشتغلش..

وفي نفس الوقت في الناحية الاخرى من العالم .. في باكستان مثلا .. الواحد بيخلص ثانوية عامة ويعمل شهادة مهنية وينزل سوق العمل في دول الخليج وياخد الفرص المحدودة للمتميزين ويشتغل بأعلى راتب .. وبعدين يكمل دراسته

انا مش ضد الدراسة والدبلومة بالعكس ... بس في اولويات

أنا بنصحك وبنصح غيرك من واقع احتكاكي واطلاعي على بيئة المهنة في اكتر من مكان بشكل عام .. ممكن انت لسه مشتغلتش ولا لفيت .. وانا عارف ان في ملايين الخريجين ماشيين بنفس الطريقة دي (الكلاسيكية )..

تحـــــــــــياتي !

elkhouly

لكل الناس اللي بتسأل عن الشهادات:


CPA شهادة أمريكية .. في الغالب خاصة بممارسين مهنة التدقيق .. الشهادة معترف بها عالميا .. ومطلوبةجدا في اي مجال .. مشكلتها الوحيدة لازم تسافر أمريكا تمتحن


تكاليف ال CPA بيعتمد علىأي معهد هتسجل معاه وأي منهج هتدرسه .. في أماكن غالية جدا وفي اماكن رخيصة .. أو ممكن تدرسها دراسة ذاتية وتتكلف فقط الكتب والسفر (بس لازم يكون عندك خلفية قوية جدا بشكل عام عشان تختار اخر اختيار)

في الوقت الحالي أعتقد ال CPA ممكن تكاليفها تبتدي من 4000 دولار الى فوق

CPA الدراسة بالمعايير الامريكية فقط


أنظر مشاركتي السابقة لمعرفة تكاليف ال ACCA


أو ممكن تدرسها دراسة ذاتية وتتكلف فقط الكتب و مصاريف الامتحان بس لازم يكون عندك خلفية قوية جدا


ACCA شهادة بريطانية معادلة لشهادة ال CPA و تؤهلك الشهادة لممارسة مهنة التدقيق في الممكلة المتحدة ..ودول اخرى عالميا .. بجانب انها معترف بها في معظم دول العالم ما عدا أمريكا وكم دولة .

.(عيبها الوحيد ان اي حد ممكن يقدم عليها حتى لو مفيش معاه شهادة كلية ) بعكس ال CPA وده نوعا ما بيخليها ضعيفة لكن على العموم هيه معترف بيها عالميا ما عدا كم دولة زي امريكا وكندا ( ده لو انت مش بتفكر تشتغل هناك )


ACCA تستخدم معايير بريطانية او دولية (اختياري)


مدة الشهادة في الغالب 3 سنين


أماكن التدريس على الرابط التالي


https://portal.accaglobal.com/accawe...hVO1Table.jspx



الشهادة نوعا ما أسهل من ال CPA لان امتحاناتها في اي دولة من العالم .. والنجاح فيها من 50 أما ال CPA النجاح فيها من 75 .. بس تتطلب الشهادة لغة انجليزية نوعا ما ممتازة .. لانها امتحانات يدوية ( ورقة وقلم ) اما ال CPA فكل الامتحانات على الكمبيوتر


الشهادتين مهمين لاي محاسب لانها تعطيك صفة (محاسب قانوني ) ودي تعتبر أهم صفة مطلوبة ومتوقعة من أي محاسب حابب يشتغل في شركات ومكاتب عالمية في الوقت الحالي .. يعني اي محاسب في الوقت الحالي لازم يكون Certified .. من اي جمعية محاسبية معترف بيها .. سواء مصرية .. أمريكية .. بريطانية

الشهادتين بيؤهلوك لممارسة مهنة التدقيق بشكل خاص لكنها ليست حكرا على المدققين..


المنهاج في الشهادتين بيركز على المحاسبة المالية والضرائب والتدقيق وقليل من المحاسبة الادراية ومحاسبة التكاليف وبعض المواد الادراية


شهادة ال ACCA فيها ميزة انك بعد ما تخلصها .. ممكن تواصل دراسة بسيطة وتحصل على التالي:


1-عضوية جمعية المحاسبية القانونيين لانجترا وويلز ICAEW

وتكتسب صفة ACA
Associate Chartered Accountant

أعتقد تتطلب دراسة لمدة سنة بعد ما تخلص ال ACCA او عدد سنين خبرة معينة


ICAEW هي أقوي وأقدم جمعية محاسبين قانونيين في بريطانيا

ملاحظة : ACCA ( اللي هيه مجال موضوعنا ) هي ثاني أقوى جمعية محاسبين في بريطانيا


2-بكالوريوس فخري في المحاسبة التطبيقية من جامعة اوكسفورد في بريطانيا.. كل اللي عليك وانت بتسجل معاهم تختار الاختيار ده .. تعدي امتحانات معينة في ال ACCA .. تعمل بحث بسيط .. ومبروك عليك البكالوريوس (فوق البيعة )

يارب أكون قدرت أوصلكم فكرة بسيطة عن الشهادتين


تحيــــــــــاتي

قاهرة المستحيل

الله يجزيك كل خير على كل الجهود اللي تبذلها عشان الشباب000سؤالي هو ايش نصصيحتك لحديثي التخرخ في الدول العربية اللي مش لاقي وظيفة لانه ما عندوش خبرة 00لكن عنده ارادة قوية ان يحقق المستحيل 00

__________________
حياتك من صنع افكارك 000(وهي مجموع قراراتك)

elkhouly

أهلا أختي العزيزة..

ممكن تشوفي رودوي السابقة هتلاقي أسئلة مشابهة لأسئلتك .... أهلي نفسك محاسبيا كما ذكرت في رودود سابقة .. وتمكني من الاساسيات ... طوري نفسك في اللغة ..

تحياتي

hamada846284

الاخ elkhouly
والله والله م عارف اشكرك ازاى مشاركتك نورت 90% من العتمة اللى ف دماغى عن الشغل ف مهنة المحاسبة
استاذى العزيز
الشغل بالنسبة لى كيانى وطموحى الحلم الذى لا ينتهى لازم يبقى فية جديد
انا فعلا بدور على شغل فى اى مكان مؤقتا لحد مايبقى معايا المؤهلات اللى تخلينى مطلوب
الدبلومة قدمت فيها عشان تقديرى للاسف مقبول والمكاتب الكبيرة بتشترط جيد
وبعدها ااقدم ف جمعية المحاسبين والمراجعين المصرية وتبقى هى دى البداية
وشكرا ليك بكل لغات العالم

basio555

اولا مجهود جبار الى انت بتعملوا ده بس انا تهت انت قولت حاجات كتير فحت وطبعا مشكور على ده بس انا عايز اعرف مثلا واحد خريج دلوقتى معهوش غير شهاده الكليه بالترتيب كده يعمل ايه ومنين وايه الحاجه ال مفيش غنى عنها انا عارف انك جاوبت على الحاجات دى بس بطريقه متفرقه انا عايز بس اعرف من حضرتك خطوات بالترتيب وشروط الشهادات دى ايه بالظبط وكده وشكرااااا

حسام عمر

__________________

elkhouly

لا أعتقد اذا كان في تغيير هيكون له تأثير عليك .. لانك بمجرد ما تمتحن وتنجح تثبت لك النتيجة حتى تكمل كل المواد .. ممكن خلال سنتين تخلص 70 % من الشهادة والباقي بعد ما تخلص... ولو كان في تغيير هيكون في المواد التي لم تمتحنها بعد .. المقصود ان التغيير لا يسري بأثر رجعي


ملاحظة .. من تاريخ النجاح في اول مادة .. تمنح فترة سماح قدرها 10 سنين للنجاح في كل المواد .. والا هتعيد كل المواد التي نجحت فيها
تحياتي,,,,,,,,,,,