الاقتصاد

لازم بالاسترلينى يا kazem

الاقتصاد

ومعلش يا جماعه انى اتاخرت عليكوا بس بجد والله الشهاده دى عايزه م>اكره وانا مطحون فيها

kazem

استاذ اقتصاد
شكرا .........
اناكان عندى كام سؤال
انت بتقول نرسل شهادة البكالريوس مترجمة فين اماكن الترجمة المعتمدة وايه الجهة اللى يتم فيها الاعتماد.
كمان بتقول نرسل شيك مع الورق اناعايز ادفع بالفيزا اعمل اية.
عند التسجيل اونلاين ايه المدة المسموح بيه لارسال الورق يعنى الورق ممكن يتاخر .
اسف للاطالة ومرة تانية شكرا على الردود..........

الاقتصاد

بص يا استاذ kazem انا كان معايا والله العناوين بس ضاعت فلازم تغرم مشوار للسفاره البريطانيه هتلاقى فى مكتب بره بيبقى استعلامات هتقوله انا عايز مكاتب الترجمه اللى بتتاعمل مع السفاره هيديك ورقه فيها 5 مكاتب تقريبا او 6 روح الاقرب ليك وبعد مهترجمها هيه كده معتمده خلاص لان المكاتب دى ترجمتها معتمده فى السفاره تمام بالنسبه للدفع وانت بتسجل اونلاين انت بتختار انت عايز تتدفع اونلاين ولا ترسلهم شيك ده اثناء التسجيل وبالنسبه للمده لارسال الورق فى اى وقت فى السنه بس كده مترسلش السنه دى ليه ارسل من بدايه السنه الجايه لانك مش هتلحق دخول امتحانات شهر 12 وكده كده هتدفع اشتراك تانى اول السنه الجايه لو دفعت السنه دى فخليها مره واحده وادفع من بدايه السنه الجايه علشان ميرحش عليك 69 استرلينى اونطه فهمت الحوار ولو عايز اى استفسار انا فى الخدمه

abdel gawad

طيب انا كنت عايز اعرف بس بعد أذنكوا هيه الشهاده دى دراستها بتاخدلها اد ايه كده وقت فى الموتوسط وهل هيه مهمه اوى وفعلا اول ما اخدها ان شاء الله هتقدر تشتغل مراجع او مدير مالى فى واحد من البيج فور او الشركات الكبير ه فى الامارات مثلا ولا لازم برده انك تاخد خبره من مكتب محاسبه

kazem

استاذ اقتصاد
شكرا على المعلومات
بس كان عندى سؤال ايه فايدة الباسبور مش احنا بنبعت شهادة التخرج و بيان بالمواد كمان الباسبور بياناته بالعربى على حد علمى
شكرا على الرد........

الاقتصاد

استاذ kazem الباسبور فايدته انهم يتاكدوا من الاسم بالاجليزى وثانيا لان فيه صورتك وانت هتعبعت معاهم كمان صورتين مع الورق علشان الريجستراشن كارد

kazem

استاذ اقتصاد
شكرا على الرد
كنت عايز اعرف بالنسبة لشرح المواد ممكن اى دكتور او معيد فى كلية تجارة يشرح المواد ولا لازم معهد متخصص زى المعهد المصرفى
شكرا ..................

الاقتصاد

بص يا استاذ kazem المواد دى متختلفتش عن اللى احنا بناخدها بس بالعربى طبعا مع زياده بعض المواد عن اللى احنا نعرفهم وبرده فى زياده كتير فى المعلومات يعنى مثلا لو تفتكر الاقتصاد اللى خدناه فى اول سنه فى الكليه الاقتصاد الكلى الكتاب اللى احنا درسناه ده كله فى فصلين فى f1 المهم انك تعرف بيتكلم عن ايه وبعدين تخلى دكتور او معيد يفهمهولك هيفهمهولك بالعربى انت بقى عليك انك تفهم الانجليزى المكتوب والمعلومات الزياده وخلاص كده فهمت قصدى وعلى فكره فى مواد متقدمه فى الشهاده دى بطريقه رهيبه ولازم يكون فى حد فاهم علشان يفهمك بس ده قدام لسه يعنى من اول f8 تقريبا واى استفسار تانى انا فى الخدمه