كثير منا يسأل يعنى أيه غسيل الاموال كلمة بنسمعها كثير لكن للاسف مش عرفين معناها ايه

يمكن انا كمان كنت باسمع الكلمه دى و مش عارف معناها النهارده باذن الله نحاول نوضح يعنى ايه غسيل الاموال

غسيل الاموال

هى العمليات التى تتم بغرض اخفاء مصدر غير مشروع للحصول على الاموال و محاولة اظهاره فى مصدر مشروع

مراحل غسيـــل الاموال :

1- الايداع : حيث يقوم المجرم بايداع امواله الحاصل عليها من الجريمه فى احد البنوك
2- التمويه : فصل النقود عن المصدر الاجرامى لتضليل العداله المتمثله فى الامن و الرقابه
3- الدمج : دمج النقود فى عمليات مشروعه بعيده عن العمليات الاجراميه عن طريق مجموعه من الادوات المصرفيه

بمعنى مبسط يقوم المجرم باخذ الاموال الحاصل عليها من الجريمه و يودعها كشهادات او ودائع لدى البنوك طبعاً هنا فى نقطه الشهادات و الودائع لوحدها لايعاقب عليها القانون لانها نظم مرصفيه متعارف عليها يعنى ايداع عادى انما الجريمه زى مثلا الاموال التى حصل عليها المجرم من نشاط او مزاوله نشاط تجارة المخدرات مثلا يعاقب عليها القانون

هنا المجرم فصل النقود الحاصل عليها من نشاط اجرامى عن مصدرها و اودعها فى نشاط مصرفى متعارف عليه اذن هنا يوجد غسيل لهذه الاموال

هنا شرح لموجز ما يقوم به البنك فى مجال مكافحه غسيل الاموال :

يقوم البنك بتحديد فرد مسئول فى كل فرع و لكل منطقه فروع مسئول عن مكافحه غسيل الاموال و تكون مهمته ابلاغ وحده مكافحه غسيل الاموال بالبنك المركزى اذا ما اقتضى الامر

يتم تحديد قيمه العميلات غير العاديه خلال اليوم الواحد مثال سحب مبلغ 100000 ج مصرى او ما يعادلها بالعمله الاجنبيه و يرفع به تقرير لمسئول الفرع لمكافحه غسيل الاموال و يقوم ببحث اذا كان بداخل هذه المعامله غسيل للاموال من عدمه


التحقق من قاعدة اعرف عميلك عند فتح الحسابات و عدم فتح حسابات لافراد مجهولى الهوية

بمعنى مبسط لو انت بتفتح حساب لشركة مثلا لازم تاخد السجل التجارى و يكون حديث ( لم يمر عليه 3 شهور ) و صور بطاقات الرقم القومى للشركاء المتضامنين المتواجدين فى السجل

ولو كان فرد طبيعى تاخد صوره بطاقه الرقم القومى و تخلى العميل يملى الابلكشين بحيث انت يبقى عندك قدر من المعلومات تقدر ترجع لها فى حاله اى شىء لاقدر الله

دى اسمها قاعده اعرف عميلك يعنى ما تفتحش اى حساب لمجهول الهويه

لذا يعطى مسئول غسيل الاموال اهميه للايداعات المتكرره على احدى الحسابات للافراد مجهولى الهويه او الذين لايربط بينهم صله

نبسط دى كمان يعنى مسئول غسيل الاموال لما يلاقى ان فى كذا شخص بيودع على حساب فرد معين و مافيش اى صله بينهم بالاخص لو كان اسمه اجنبى مثلا يبدأ يشك ان فى حاجه مش مضبوطه و يبحث ال Case اما يطلع ان فى غسيل اموال او ان الايداع ده عادى نتيجه مثلا تنفيذ اعمال فى الخارج اداها عميل البنك للاجنبى او ما الى ذلك


طبعا ده جزء مبسط عن غسيل الاموال لا الحديث فيها يطول و اتمنى ان يكون الموضوع ده فادكم و لو بالقليل و لى عوده باذن الله فى مواضيع اخرى