Wael Tawfik

مجهود أكثر من رائع و ربنا يزيدك و يزيدنا علماً نافعاً ـ اللهم آمين
إسمحلي ببعض النقد الذي أتمنى أن يكون نقداً بناءاً حتى تكتمل إستفادة الجميع : ـ
1- لا أعرف هل سترى هذه المشاركة أم لا من كثرة عدد الردود ـ لذا أقترح وسيلة أخرى غير أترك رداً ليظهر الرابط ـ زي ما حضرتك شايف كله بيكتب كلمة واحدة " مشكور أو 1000 شكر " و بتتحسب مشاركة و يضيع في النص الناس اللي عندها رأي أو إضافة .
2- الشيت فعلاً جميل جداً و لكن فيه ملاحظة إنه علشان أطلب تقرير صنف لازم يجيب خانات تاريخ لم يتم فيها أي حركة على الصنف و أمامها فارغ يعني لو الصنف دخل المخزن أول السنة و خرج آخر السنة و عاوز اطبع التقرير ده ـ هطبع 363 خانة فاضية ممكن لو الورقة تاخد 25 خانة يعني حوالي 15 ورقة ما فيهمش غير سطرين اللي فيهم معلومات أول سطر و آخر سطر .
3- دي ملحوظة و رجاء في نفس الوقت ـ الملحوظة إن البرنامج بيشتغل على كميات بس و لا يأخذ السعر في الإعتبار ـ و الرجاء أولاً عاوز أعرف البرنامج الحالي إنت عملته إزاي ـ يعني لو تبعتلي نسخة مش مشفرة علشان أتعلم منها أو تقولي الطريقة اللي أقدر أتعلم بيها المهارة دي و الحاجة الثانية تعلمني أو تديني حاجة تعلمني إزاي أعمل كارت صنف ياخد السعر في الحسبان و يسعر بطريقة الوارد أولاً يصرف أولاً
أرجو أن تتقبل مشاركتي بسعة صدر ـ و الله ما أقصد أي حاجة ـ بالعكس البرنامج عاجبني جداً و إنت ربنا يباركلك وأنا كمان عاوز أعرف عملته إزاي ؟ بس زي ما قولتك يمكن الملحوظة تلفت نظرك لشئ يكون أجمل و اكمل ـ و بارك الله فيك .