nabil_raie

السلام عليكم ورحمةالله وبركاته
انا محاسب في مصنع زيت وصابون
1-وفي خلال شهر رمضان صاحب المصنع جاب طباخ عشان يعمل الفطار للعمال اللي شغالين
المطلوب ازاي اعالج تكاليف الفطار دي واحطها تحت اي بند؟؟؟؟
2- ازاي اعالج فؤائد البنوك هل احطها ضمن المصروفات العمومية تحت بند فؤائد وعمولات ام اعملها بند خاص بيها في اليومية الامريكية،،، مع التفسير بعد اذنكم؟؟؟
3- بالنسبة للشكاير اللي تيجي فيها البذرة ،،،، بنقوم بعمل خياطة فيها لوجود قطع في الشكارة هل التكلفة دي بتبقي في بند التعبئة والتغليف مع العلم انه بيتم بيع منتجاب المصنع في الشكاير دي ؟؟؟
4- المعالجة المحاسبية لخصم المرتبات ورد خصم المرتبات؟؟

الرجاء الرد السريع
وشكرا

اشرف محمود ابراهيم

وعليكم السلام ورحمة الله وبركاته
1- تعتبر مصروفات افطار عاملين تدرج تحت بند مصروفات التشغيل بالنسبة للعاملين ومصروفات ادارية وعمومية بالنسبة للاداريين
2- فوائد البنوك تدرج تحت بند مستقل وهو ح / المصروفات التمويلية وتوضع فى قائمة الدخل بعد الوصول للربح من عمليات التشغيل
3- تدرج تحت بند المصروفات التسويقية - تعبئة وتغليف
4- بالنسبة لخصم المرتبات هل تقصد الجزاءات ارجوا التوضيح

nabil_raie

شكرا لرد حضرتك عليا
1- بس لو سمحت احط افطار العاميلن او الاداريين تحت اي بند في المصروفات سواء كانت عمومية او تشغيل
2- بالنسبة لخصم المرتبات .... انا بقصد الجزاءات الرجاء المعالجة المحاسبية سواء عمل قيد الجزاءات من المرتب او رد الجزاء للعامل او الموظف
وشكرا

اشرف محمود ابراهيم

1- اذا كانت متكررة يوميا فى رمضان توضع تحت بند افطار العاملين او تحت بند مصروفات ضيافة واذاكانت معتادة فى الايام العادية توضع تحت بند مصروفات تغذية العاملين
2- يتم خصم الجزاءات من المرتب كالتالى فى هذا القيد المبسط:
من ح المصروفات
اجور ومرتبات
تامينات اجتماعية (حصة المصنع )
الى مذكورين
ح/ سلف العاملين
ح/ صندوق الجزاءات
ح/ هيئة التامينات الاجتماعية ( حصة المصنع+ حصة العامل)
ح / المصروفات المستحقة ( صافى المرتبات)

وبالطبع عند صرف المرتب يتم عمل القيد التالى :
من ح /المصروفات المستحقة
الى ح / الصندوق

بالنسبة لرد الجزاءات للعامل عند صرف الجزاء نقدا للعامل يتم عمل القيد التالى :
من ح ص . الجزاءات
الى ح الصندوق

اشرف محمود ابراهيم

هذا السؤال وجدته فى احد المنتديات يرجى الاجابة عليه :
هل اعتبر التكاليف الخاصة بمخازن المنتج التام من التكاليف الصناعية الغير مباشرة شأنها شأن المخازن الخاصة بالمواد الخام (مستلزمات الانتاج )