sisasisa

مشكلتي تتلخص في الاتي انا في شركة جديدة في كاشير علي الخزينة (النشاط سفروسياحة) المحاسبين القدام فاتحين حسابين علي برنامج الحسابات حساب خزينة الكاش وخزينة المبيعات الكاشير محاسب بيعمل حاجة غريبة طول اليوم بيعمل سندات قبض للعملاء وبيدخل بيها قيد وهو من ح/ خزينة المبيعات الي ح / العميل واللي بيجي عشان يدفع بيكون معاه امر دفع من خدمة العملاء اللي بيحجزوا التذاكر عشان يدفعوا وياخدوا سند القبض ويروحوا لخدمة العملاء عشان يعملوا تأكيد للحجز المهم الكاشير طول الوقت بيقول من ح / خزينة المبيعات الي ح/ العميل واما يصرف بيعمل سند صرف بالمبلغ ويعمل قيد بيقول من ح/ المصاريف اي كانت الي ح/ خزينة الكاش والقيد ده علي البرنامج بس والخزنتين واحد في الحقيقة يعني بيصرف من الايراد اما علي البرنامج خزينة الكاش مفيها ولا مليم فطبعا بتبقي مكشوفة ويجي اخر اليوم يعمل قيد يقول فيه من ح/ خزينة الكاش بالرصيد المكشوف الي ح / خزينة المبيعات وانا سمعت ان غلط الواحد يصرف من الايراد فهل ده غلط رقابيا بس ملحوظة ان في سريال لسندات القبض وسندات الصرف عاوز اعرف كده غلط حاسس اني في محل بقالة وكمان اما بيودع في البنك بيعمل سند صرف عشان يخرج المتبقي في اخر اليوم من الايراد عشان يودعه في البنك وبيعمل قيد من ح / البنك الي ح/ خزينة المبيعات عاوز اعمل نظام رقابي صارم ازاي؟؟؟؟؟؟؟ وهل ينفع اصرف من الايراد عاوز دورة مستندية جامدة يااساتذة

sisasisa

مفيش حد هيرد

هشام حلمي شلبي

احيانا ولاحكام الرقابة يقوم المحاسب باجراء قيد محاسبي يحسبة البعض خطأ ولكن لا يجب ان نتسرع بالحكم ونقول غلط
ولكن يجب ان ندرس التاثير النهائي للعملية باكملها ونرى نأثيرها علي الحسابات
وانا شخصيا لما بتقف معي حاجة ذي كدا وباقوم بالاتي
-1- اتخيل ان الشركة لم تقوم باي اعمال الا هذه العملية سبب الحاله
-2- افتح حسابات حرف تي لجميع الحسابات المتأثرة بالعملية
-3- اعد القيود المحاسبية بالطريقة المتبعة
-4- اقوم بترحيل الارقام الي الحسابات التي تخصها
-5- انظر التأثير علي الحسابات وعلي القوائم المالية ( ميزانية وقائمة الدخل )
-6- اذا كان التأثير النهائي للعملية علي الحسابات والقوائم المالية سليمة يكون الطريقة برغم اختلافها عن المألوف سليمة
جرب كدا وابلغني بالنتيجة هنا او علي الهوتميل heshamhilmi
هشام حلمي

__________________

<أحب الناس إلى الله أنفعهم للناس ، وأحب الأعمال إلى الله عز وجل سرور يدخله على مسلم ، أو يكشف عنه كربه أو يقضي عنه ديناً أو يطرد عنه جوعاً ، ولأن أمشي مع أخ في حاجه أحب إليَّ من أن أعتكف في هذا المسجد - مسجد المدينة - شهراً ومن كف غضبه ستر الله عورته ، ومن كتم غيظه ولو شاء أن يمضيه أمضاه ، ملأ الله قلبه رجاءً يوم القيامة ومن مشى مع أخيه في حاجة حتى تهيأ له أثبت الله قدمه يوم تزول الأقدام >

صححه الألباني الأحاديث الصحيحة رقم (906)