abokorany

السلام عليكم ورحمة الله وبركاته

كنت اود السؤال عن كيفية التعامل مع الايرادات المستحقة المحصلة فى العام الجديد والتى كانت مستحقة عن العام الماضى وكذلك اود معرفة هل يتم عمل قيد افتتاحى للدائنين والمدينين فى اول العام ام لا.

abokorany

اشكركم لحسن تعاونكم معنا وعدم الرد على اسئلتنا

جزاكم الله خيرا

محمد نجيب احمد محمد السبا

اخى الكريمabokorany

مين مزعلك بس عموما انا تحت أمرك 0

الايرادات المستحقة هى ايرادات لم يتم تسجيلها بالدفاتر ولكنها مستحقة للمنشأة 0 وطبقا لمبدأ الاستحقاق يتم تحميل السنة المالية بما يخصها من ايرادات ومصروفات حتى لو تحقق المصروف او الايراد فى العام التالى للميزانية 0 وهنا يحب ان يتم تحديد قيمة هذه الايرادات المستحقة واضافتها الى الايرادات الاخرى بقائمة الدخل 0

اما فى العام التالى الذى يتم فيه تحصيل هذا الايراد المستحق فيكون القيد :

×× منح/ البنك / الصندوق
×× الح / ارصدة مدينة ( ايرادات مستحقة )
-----------------------------------------------------

طبعا انت فاكر القيد معانا السنة اللى فاتت كان ايه :
×× منح/ ارصدة مدينة ( ايرادات مستحقة )
×× الح / الايرادات
----------------------------------------------------
ادى ياسيدى كل الحكاية 0

طيب هل يتم عمل قيد افتتاحى للدائنين والمدينين فى أول العام هوه حضرتك مش قيد افتتاحى هوه رصيد افتتاحى فقط لا غير رصيد الدائنين بالطبع ( دائن) ورصيد المدينين بالطبع ( مدين ) فى اول العام الجديد 0

وحضرتك بالطبع عامل قيد افتتاحى فى بداية العام فى اليومية العامة وده جضرتك جايبه من الميزانية وقلت فيه

من مذكورين ( كل الحسابات فى جانب الصول )

الى مذكورين ( كل الحسابات اللى فى جانب الخصوم )

وبماانه فى جانب الاصول فيه رصيد للمدينين وجانب الخصوم فيه رصيد للدائنين وحضرتك اساسا دخلوا معاك فى القيد الافتتاحى اللى سبق ذكره اعلاه ، يكون بالتالى تم ذكر كل من ح/ المدينين وح/ الدائنين فى القيد الافتتاحى 0

أرجو ان اكون اجبت على سؤالك ويارب ماتكون زعلان 0

اخوك محمد نجيب

abokorany

السيد الاستاذ محمد نجيب

انت رجل والرجال قليلون