moustafapepo2002

السلام عليكم ورحمه الله وبركاته

اولا احب اقترح على حضراتكم والمسئولين على مجال المحاسبه فى مصر والى انا من وجهه نظرى انه من اهم القطاعات المهمه فى حياتنا ويمكن بتتميز عن كثير من المجالات الاخرى

اقتراحى يتلخص فى الاتى
معظم طلبه وخريجى كليه التجاره غالبا لا يفقهون شىء عن المواد المحاسبيه وانهم بيذاكروا عشان ينججوا ويحصلوا على شهاده ومش مهم بعدها هيشتغل ايه ان شاء الله حتى يشتغل سرفيز فى اى مكان المهم يجيب فلوس يقدر ييعيش بها هو واهله وناسه
انا لى تعليق صغير
ان دائما العلم بيرتقى بصاحبه وبالتالى اذا كان هذا الشخص وصل الا ان يحصل على بكالوريوس تجاره او اى مؤهل عالى وفى الاخير يشتغل اى حاجه لانه ببساطه مش قادر يدخل ويحترف المجال الى هو درسه
واخذ شهاده عليه واتحسب محاسب او خريج تجاره على الدوله وكلف الدوله ملايين سواء ابنيه او عمل جامعات ومدرجات وغيرها وفى الاخير بيشتغل اى حاجه لكسب رزقه

فبقترح على حضراتكم
انه يتم عمل مكتب محاسبه فى كل محافظه ويكون معتمد ويعطى صاحبه شهاده خبره يؤهل لصاحبه انه يعمل فى مجاله الذى هو من اجله دخل هذه الكليه
او على الاقل عمل مكاتب محاسبه فى كل قطاع على مستوى الجمهوريه
يعنى فى الصعيد المهمل او الدلتا او حتى فى محافظات وجه بحرى وتكون باسعار رمزيه حتى يستطيع المتخرج او حتى الطالب الاقبال عليها وعدم تكلفته اكثر من الازم الذى يجعله ان يعزف عن تعلم المحاسبه بشكل صحيح واحترافى
ولابد من عمل اعلانات لهذه المراكز ونشرها على مستوى الجمهوريه

ارجوا من الاخوه الاعزاء من مكاتب المحاسبه الموجوده فى القاهره والاسكندريه بانهم يفكروا فى هذه الخطوه بعمل فروع لمكاتب المحاسبه فى باقى المحافظات لتسهيل الطلبه والمتخرجين على الاقبال عليها

وصدقونى هتنجح نجاح منقظع النظير

وياريت تهتموا بالصعيد

الصعيد لو اتفتح فيه المجال سواء فى المحاسبه وغيرها
بجد هتلاقوا ناس مكنتوش تتصوروا انهم موجودين بعكس ما بيشاع علينا باننا مخنا تخين

سامحونى فى اللفظ وان كانت حقيقه


وشكرا لحضراتكم

تحياتى مصطفى محمد