مشاركة: سؤال لطالب بعد اذنكو
ماتستعجلش و في حاجات ممكن يتهيألك إنها هاتفيدك بس مش هاتفيدك دلوقتي يعني مثلا icdl إنت محتاجه عشان تعرف إستخدام الباور بوينت و الأكسل كبدايه إنما مش محتاج إستخدام تتعمق فيه جدا إلا إذا كنت بتدرسه لزيادة المعرفه مش للعم لإنك مش هاتحتاج كل ده ............. إنت كل اللي يلزمك على حد وصفك إنك طالب في الفرقه الرابعه :
1 - المحاسبه الدفتريه ( لأنها هي الأساس عند أي محاسب و هي مهمه جدا بالرغم من التعامل الإلكتروني في معظم الشركات )
2 - الإكسيل المحاسبي لمعرفة إعداد الجداول و المعادلات
3 - ممكن بعض البرامج زي الكويك بوكس و البيتش تري و كلها نفس الفكره يعني لو إستخدمت أحدها هاتعرف تستخدم الباقي
4 - اللغه و تحاول تتعمق فيها بمرور الأيام لإنها هاتفيدك على المدى البعيد مش لازم إنها تفيدك أول ما تشتغل بس مع كتر المعرفه باللغه هاتدعمك جداً
ده اللي إنته محتاجه عشان تشتغل محاسب في السعوديه أو تبقى محاسب مبتدئ قوي في مصر مش محتاج أكتر من كده ...... إنما بالنسبه للشهادات مثل : Cma , cpa ...... و غيرها لو أخدتها دلوقتي إنت ممكن تعمل لنفسك عقده كبيره جدا قدام لإنك لسه مش عندك الخبره العمليه الكافيه لازم تشتغل على الأقل سنتين عشان تقدر تاخد cma عشان يبقى عندك خلفيه عمليه تقدر تطور نفسك عن طريق دراسة الكورس ......... و من مدة 2 - 5 سنوات الأولى في حياة المحاسب ماتحاولش تنظر للمقابل المادي لحد ما تبقى متمكن و تقدر تبني إسم قوي و بعد كده كل شيء بييجي مع الخبره
بالتوفيق إن شاء الله
05-06-2013, 06:19 PM
سؤال لطالب بعد اذنكو
تعليمات المشاركة
العرض العادي
