عماد عبد اللطيف

بسم الله الرحمن الرحيم
أود أن أشكر كل القائمين علي هذا المنتدي العظيم ,, ,اتمني من الله تعالي أن يجازيهم كل الخير ..
الساده المحترمين أعضاء منتدي المحاسبين المصريين ..
مما لا شك فيه أن محاسبه الليموزين والنقل السياحي وتأجير السيارات تمثل أهميه كبيره جدا ً خاصة في هذا العصر وللأسف الشديد لا توجد كتب محاسبه متخصصة في هذا المجال إلا القليل جدا ً .. لذا فأنا مستعد لأي استفسار أو سؤال خاص بهذا المجال .. فقط أترك سؤالك وسوف أقوم بإذن الله تعالي بالإجابة بالتفصيل عليه ..
أخوكم في الله
محاسب / عماد عبد اللطيف

hoss sasa

سؤالى فى قسم النقل السياحى وهو هل فى شركات السياحة ينفصل قسم النقل عن لشركة و تقوم الشركة بمحاسبة قسم النقل على التشغيلات التى قامت بها السيارات

hoss sasa

بانتظار ردك

عماد عبد اللطيف

أه طبعا ً قسم السياحي بيكون ليه حساباته الخاصه والمنفصله نهائيا ً عن حسابات الليموزين والتأجير ..
فيه حالتين خد بالك منهم :-
الأولي : كمثال تمتلك الشركه مجموعه من الفنادق او تقوم باستئجارها وتقوم الشركه بوضع عدد من الأوتوبيسات والسيارات الخاصه بالنقل السياحي بها في هذه الحاله أي إيراد هيدخل هيكون تابع للشركه نفسها .. وطبعا ً لازم أي تحرك يتم للسيارات دي يكون علي أمر شغل ومدون عليه تاريخ وساعه الدخول والخروج وخط السير وكذلك السعر
دور المحاسب في الحاله الأولي :-
بيجمع أوامر الشغل الخاصه بالسيارات التابعه للنقل وبيكون ليهم حسابات خاصه بعيده كل البعد ومنفصله عن الليموزين والتأجير وبناء ً علي هذه الحسابات نقدر نحدد بقا الايرادات والمصروفات .. تمام كده
الثانيه : ان فيه شركات تانيه ممكن تطلب ان الشركه بتاعتنا هيا اللي تنفذ وخد بالك من كلمه تنفذ دي ( تنفذ الشغل بتاعها ) وفي هذه الحاله برده لازم يكون فيه اوامر شغل وبيتكتب برده السعر فيه
دور المحاسب في الحاله التانيه :-
بيجمع اوامر الشغل دي وبيعمل مطالبه او فاتوره وبيقدمها للشركه اللي تعاملت معاه وبيحتفظ بالصوره علشان يعمل القيد بتاعه
أتمني ان أكون قد وفقت في توضيح ما تريد ..
منتظر رد سيادتك
أخوك
محاسب / عماد عبد اللطيف

hoss sasa

يا باشا جزاك الله خيرا بس انا قصدى قسم النقل السياحى داخل شركة السياحى يعنى سيارات تمتلكها شركة السياحة تقوم بمل تشغيلاتها هو هنا دو محاسب النقل بالشركة هو عمل فاتورة لمطالبة قسم السياحة بها ولا نقوم بعمل قيد ثبات ايراد فقط فى نهاية الشهر.

عماد عبد اللطيف

بيعمل فاتوره وبيرفق فيها كافه أوامر الشغل وبيقدمها لقسم السياحه للمطالبه وبيحتفظ بالصوره عنده لعمل القيد المحاسبي ويكون بالشكل التالي :-

من حـ / مدينو شركات شقيقه ( قسم السياحه ) أو حـ / العملاء
الي مذكورين
حـ/ الإيـــــراد
حـ / دائنون متنوعون ( ض.م )

وبعد السداد يكون القيد كالتالي

من حـ / الصندوق
الي حـ / دائنو شركات شقيقه ( قسم السياحه ) أو حـ / العملاء

Mo2mEn

مع احترامي في بس مشكلة في القيد ده وهو ان القيد بيكون

من حـ / المدينين ( العملاء)
الى مذكورين
حـ/ الايراد
حـ/ دائنون ( جاري ضرائب المبيعات)


وضرائب المبيعات دي بتكون 10% من الايراد والعملاء بيكون مجموع الاتنين


بالنسبة للسداد

بيكون من

من حـ/ الصندوق

الى حـ/ العملاء

وسداد ضرائب المبيعات

من حـ/ جاري ضرائب المبيعات

الى حـ / الصندوق

ده لو كان السداد نقدي لان في اكتر من طريقة للسداد ممكن يكون نقدي وممكن يكون بشيك

وتقبل احترامي





سؤال عن تخصيم ال2% بالنسبة لنشاط النقل السياحي كيفية اثباتها في الدفاتر واصلا ليه بخصمها على شركات وشركات تانية مش بخصم عليها المبلغ ده؟؟




سؤال تاني بالنسبة لسداد ضرائب المبيعات

ازاي يكون للمنشأة رصيد عند ضرائب المبيعات؟؟

__________________
اللهم انت ربي لا اله الا انت خلقتني وانا عبدك وانا على وعدك وعهدك ما استطعت اعوذ بك من شر ماصنعت وابوء لكن بنعمتك علي وابوء بذنبي فاغفرلي فانه لايغفر الذنوب الا انت



ربي زدني علما يارب العالمين

hoss sasa

جزاك الله خيرا يعنى يتم السداد من قسم السياحة الى خزينة النقل .

hoss sasa

عاوز اسال حضرتك انت شغال محاسب فين

عماد عبد اللطيف

ليه يا باشا خير السؤال دا وراه مغزي كبير !!! هههههههه
ممكن تضيفني وأقولك
[email protected]