Muhammad.Ahmed

السلام عليكم ورحمة الله وبركاته

لو سمحتوا يا جماعة ياريت تفيدوني أعمل ايه؟
انا بشتغل حاليا محاسب في شركة من حوالي اسبوعين، والشغل كويس الحمد لله وقدرت افهم واستفيد منه (طبعا مرتبات المحاسبين المبتدئين في مصر مش بتعدي الـ 900 جنيه) بس قولت مش مهم، المهم حاجة استفاد منها علشان افهم المحاسبة كويس ..,
دلوقتي واحد قريبي في السعودية كلمني وقالي على عقد شغل عند الكفيل بتاعه بمرتب (1700 ريال شهري) وعقد فيه ميزات عادية زي السكن والسيارة وكدا، والمرتب ممكن يوصل لـ(2000 ريال) غير مكاسب العمولة اللي من الشغل ..,
سؤالي لحضراتكم؛ الأحسن اشتغل هنا لحد ما اخد شهادة خبرة واستفاد كويس، ولا أبص لفرق المرتب وأسافر احسن؟ وهل المرتب دا (1700-2000 ريال) يستاهل اني اسيب شغلي هنا وأسافر؟
.. وهل برا ممكن أخد شهادة خبرة ولا لاء؟

آسف للاطالة .. وشكراً

magdoctor7

هوه فى حاجتين الاولى ان التعليم هنه فى مصر كويس وفى شهاده خبره بس مفيش فلوس
والتانية بره انا معرفش النظام ايه بس لو قريبك ده انته متاكد منه وواثق منه وانته بتحب السفر علشان فى بعض ناس بتقول انا مش بتاعه غربه والعرض المادى بره كويس واكيد افضل من هنا فسافر
فدول رايين الاختيار ياسيدى الفاضل ليك اما ان تستمر هنا واما ان تسافر ونصيحتى ليك هى ان تستخير الله سبحانه وتعالى وان شاء الله ربنا هيرشدك الى ماهو خير