mahmoud-rabie

فعلا انا على وشك الانهيار من كتر التفكير .للاختصار انا عندى 30 سنة المفروض انى محاسب من 5 سنوات ولاكن فجاءة اتضحلى انى مجرد مدخل بيانات وحمار محاسبة ودة لانى بقالى 5 سنين بشتغل على برامج وبس ومليش اى علاقة بالمحاسبة فقررت ابتدى اخد دورات وبما انى فاضى اليومين دول عقبال املتكم قعدت من الشغل فمش عارف اعمل اية ولا اسيب مجال المحاسبة كلة واروح اشتغل امن واريح دماغى واخدلى 1000 واهو نفس اللى كنت بخدة المهم فية مركز اسمة ica فى الدقى لو حد يعرف هل كويس ولا لا يدلنى لانى عاوز ابتدى معاهم من الاول ولو مش كويس دلونى اخد فين محاسبة بمعنى الكلمة مش مجرد مركز يدربنى على برنامج تانى
استحلفكم بالله تدلونى لانى فعلا خلاص اعصابى تعبت ودة ايميلى (تم حذف الإيميل لأن عرضه مخالف لشروط المنتدى)

حبيبتى دائما

لو يسمحو لى عمالقة المحاسبة ارد على هذة المشاركة كرأى ليس الا اولا ادعى ربنا سبحانة وتعالى انك فوقت لنفسك دلوقتى لاننى كنت ساتجة نفس الاتجاه ده ولكنى فوقت بعد 6 شهور كنت شغال فى محل حدايد وبويات بس فالمقابل اخت شهادات كتيرة جدا ومنهم دولية بص يا اخويا هاقولك على فكرتى ببساطة واتمنى ان الكل يقول انا كدة ماشى صح ولا غلط انا اخت دورات طتيرة فى مكتب محاسب قانونى كلفونى 7000 12 شهادة محاسببة و3 دولية تختص بالترقية المحاسبية ودى مطلوبة فالخارج وبعدين اديلى سنتين شغال فى محلات تجارية بسيطة لا يتعدى راس مالها ال2000000 بحيث انى كنت المحاسسب الوحيد ودا خولى انى امسك جميع الدفاتر من القيود حتى قائمة الدخل وبعدين انا دلوقتى شغال فى محل قطع غيار ب راس مال مثل ماقلت يعنى على الاقل ذات كيان مالى عملت لنفسى نظام كويس جدا ولكن بسيط نوعا ما مقارنة بالشركات الكبيرة طبعا والحمد لله ربنا انعم عليا وطبعت كتب كتيرة جدا من الموقع ده الى تهمنى فى المرحلة الجاية واهمها المعايير المحاسبية وطبعا لان حلم حياتى انى اكون محاسب قانونى فاتفقت مع مكتب محاسب قانونى انه يامن عليا فقط ووجدت انه خلاخ الثلاث سنوات انى ادفع 10000 بصراحة مش خسارة خالص بس لعبت لعبة تانية جميلة برضو اتفقت مع صاحب الشركة الى شغال فيها انه يامن عليا كرئيس حسابات وانى هاعملة الميزانيات طبقا للمعايير طبعا واسجلها باسمى وطبقا للقوانين انى لو سجلت 3 ميزانيات باسمى يحق لى انى لفظ محاسب قانونى بس بجد يا اخوانى والله اول شركة روحتها اخت شلوط كبير لكن دلوقتى ربنا انعم عليا بعزة نفس كبيرة جدا جدا بمعنى حاطط رجل على رجل والخطوة الجاية باذن الله الماجستير وشهادة السى ام اية بس لما اخلص كرسى الانجلش ملاحظة هامة جدا ياجماعه انا ضحيت بحاجتين مهمين بجد المرتب طبعا لانى دلوقتى باخد 1000ودا مرتب زبالة الا لمن اراد ان يقحم نفسة فى ظلمات الفشل والحاجة التانية الجواز اجلتة 3 سنين بسبب الماجستير ومصاريفة بص ياخى العزيز والله انا بجد اسف انى طولت عليك بس حبيت ارد واحسسك ان الامل كبير جدا جدا وعلى فكرة انا معايا واحد معرفة عنده 40 سنة مايعرفش اى حاجة عن المحاسبة خالص غير انه مدير مخازن فقط يعنى زى السمك ودلوقتى هوا مشى من الشركة وشغال امين مخزن فى شركة تانية لعدم المامة باى امور محاسبية والله بكلمكم جد

حبيبتى دائما

على فكرة يا خى العزيز انا الى شدنى لموضوعك حكاية انك تشتغل امن انا كمان شغال امن بالليل بس ربنا يكرمه اللواء بيخلينى انام من الساعه واحدة وشغال برضو من الساعه 9 صباحا الى 12 الضهر محلل فنى الفترة الاوربية فقط انا عايز اوصلك انك لازم تتعب وتتبهدل جدا جدا وتصبر اوى وربنا صدقنى مش ها يخيب ظنك

بيبوبيبو1985

جزاكم الله خيرا اخواني الفضلاء
انا الحمد لله قصتي غيركم خالص
انا متخرج من اربع سنوات
اول علاقه ليا بالمحاسبه كانت من 3 شهور بس
سافرت السعوديه بعقد محاسب عام
وانا ولله الحمد حمار محاسبه لا افقه منها شيئ
ولكن وبفضل الله ربنا وقف لي ابن الحلال اللي علمني
وبفضل الله دلوقتي بقيت اعرف حاجات كتير
بس مشكلتي اني لسه حاسس اني حمار ف المحاسبه
بمعني اصح عايز اقوي نفسي جدا ف المحاسبه
لو سمحتم يا جماعه عايز اقوي نفسي
ياريت حد يقول لي ع الخطوات اللي المفروض اعملها
وحده وحده شبر شبر بيت بيت زنقه زنقه
ههههههههههههههه
منتظر ردكم

__________________
انا ان قدر الاله مماتي,,,,,,,,,,,,,,, لا تري الشرق يرفع الرأس بعدي

المحاسب الصقر

الاخ بيبو المنتدى ده منتدى علمى محترم ارجو منك الالتزام