gogomog2008

السلام عليكم

مرفق ميزان المراجعة عن شهر يوليو 2009
حيث ان السنة المالية تبدأ في 1 يوليو وتنتهي في 30 يونيو

برجاء توضيح خطوات كيفية اعداد ميزانية شهر يوليو 2009

جزاكم الله خير

الملفات المرفقة

ميزان المراجعة عن شهر يوليو 2009.XLS‏ (18.5 كيلوبايت, المشاهدات 254)

hondk

تقصد اية بالحساب اللى اسمة موظفين رقم 005

gogomog2008

دي برضوا ذمم بس انا الحقيقة عاملها في حساب لوحدة بالشكل دا لانها سلفة شخصية من صاحب الشركة لصديق لة واراد ان يسجلها في الدفاتر لذلك وضعتها بهذا الشكل حتى لا يحدث اشتباه بينها وبين حسابات الشركة الرئيسية

شكراً للاهتمام

هانى احمد

زميلى العزيز ميزان المراجعه ظاهر ان حساب الصندوق دائن و هذا لا يجوز محاسبيا

hondk

و طبعا لازم نعرف اجابة السؤال دة

gogomog2008

هوا فعلا حساب الصندوق دائن حيث ان ماسك العهدة هو المدير نفسة ويتم الصرف وبعد ذلك نقوم بالتسوية

اوكي انا عند رأيك اني ادخل حساب الموظفين اللي ظاهر دا في حساب الذمم مفيش مشكلة
بس بالنسبة للصندوق هوا صحيح بالشكل دا فمش عارف اية حلها من وجهة نظرك

انا عامل حساب خصميات بيع لاني احيانا بعمل خصم على الفاتورة مع العلم انها فواتير اجلة
واحيانا اعمل خصم خاص بعيد عن الفترة بس افيدنا برضوا مع العلم اني لا اعتقد ان وجودها بالشكل دا خطأ

مظبوط انا بعمل اطفاء سنوي مصروفات التأسيس هل هذا صح ام خطأ؟

جزاك الله خير

hondk

يا عم دخله سلفيات و خلليك مميز الرقم دة و الحساب دة فى اجندتك انتة الخاصة بعيد عن مراقب الحسابات و عن عنية مش المبلغ خرج من فلوس الشركة خلاص اخلى مسئوليتك...

طبعا انتة معتبر م التاسيس من ضمن الاصول و بتعمل اهلاك سنوى ليها صح و لا انا فاهمك غلط

النقطة التانية انا قبل ما اسافر كان واحد صحبى قالى ان موضوع خصم المبيعات دة مبقاش يظهر فى الدفاتر لانة لا يعتد بية فى الضرائب الان انا معرفش صحة المعومة دى اية بس انا شايفك حاطط خصميات بيع و مش فاهمة بصراحة بردوا

mody mody

اخى العزيز انا شايف انك تعيد ترتيب حساباتك تانى لات فيه امور كثيرة خطأ
ثانيا العهد لا تسمع فى الدفاتر الا بعد تسوية العهدة
مفيش حاجة اسمها الصندوق دائن
ومفيش حاجة اسمها اصل صاحب الشغل اخذ فلوس وخلاص كده
له حساب جارى تعامل معه سحب وايداع بعيد ايضا عن السلف

gogomog2008

اخي العزيز طيب اية رأيك يعني هيا دي حساباتنا اللي بنشتغل عليها
اية رأيك هوا الشكل المثالي ليها

وبعدين بالنسبة لموضوع الصندوق اية هوا ايضا الحل المثالي لية
لانة هوا فعلا دائن
فماذا تقترح

جزاك الله خير

دكتور عصر

السلام عليكم ورحمة الله وبركاتة
ليس من المنطقى ان يكون حساب الصندوق دائن لأن ده معناه أن النقدية التى خرجت من الصندوق أكثر من النقدية المودعه به وهذا غير منطقى
وطبعا وجود رصيد دائن للصندوق فى أى تاريخ معناه أن الحسابات غير منتظمة وده أحد الأسباب الرئيسية لقيام مصلحة الضرائب بإهدار الدفاتر على سندمن القول أن هناك إيردات مخفاه ولم يتم إثباتها باالدفاتر

__________________
[blur]دكتور عصر[/blur]