مشاركة: كيف أقوم بتطبيق محاسبه التكاليف فى مصنع ملابس
أولا : انت هتقوم بشغلك عادي جدا وانا اقصد هنا شغل الحسابات العادي
ثانيا: لازم نفهم ليه بنعمل نظام تكاليف ؟؟ احنا بنعمل نظام تكاليف علشان نوزع التكاليف .... بمعني لو انت في شركة مقاولات وبتعملو 3 عمارات فلازم اعرف تكلفة كل عمارة او لو شركة طباعة فلازم تعرف كل طلبيةطباعة اتكلفت كام
ثالثا: ازاي اقدر اقوم بالكلام دة ... اولا لازم اعرف المصاريف الي هتتوزع يعني مثلا في شركة المقاولات المصاريف هي (أسمنت - زلط - طوب - رمل - اعمال دهان - اعمال سباكة - ........) وأجور العمال تتوزع وديه أقدر اعرفها من بطاقة الحضور والانصراف يعني اقدر اعرف عامل السباكة اشتغل في العمارة رقم 1 كام ساعة والعمارة رقم 2 كام ساعة وهكذا
تعالى نشرح الحالة بتاعتك .... انت في مصنع ملابس فلازم اعرف هل المصنع بنتج الملابس بناءاً على طلب العميل ولا المصنع بينتج كل يوم منتجات ثابتة
هفرض ان المصنع بينتج بناءاً على كلام العميل وديه الحالة الاسهل
اولا نفترض ان الزبون طلب من المصنع بتاعك طلبية معينة ولتكن 100 قميص هتفتح شيت إكسل للطلبية وتدخل فيها القماش والمواد المستخدة في الطلبية وتقدر تعرفها من إذن صرف الاقمشة بيكون مكتوب الاقمشة لانهى طلبية ولو مش واضحة لازم تطلب من المسؤل او المشرف انه يكتبها
وتدخل اجور العمال في الطلبية وتقدر تعرفها من بطاقة الحضور والانصراف ولازم تتطلب من المشرف انه يوضح العامل اشتغل في اي طلبية
تعالى نشوف القيود
نفترض ان المصنع عمل 2 طلبية هنسمي الطلبية رقم 1 والطلبية رقم 2
اولا هنعمل قيد عادي جدا لو صرفنا قماش
من ح/ المواد - قماش
ألى ح/ المخزن
طيب لو عاوز اوضح يبقة القيد بالشكل دة
من ح / المواد
طلبية 1
طلبية 2
الى ح/ المخزن
وفي الاجور
من / اجور العمال
طلبية 1
طلبية 2
إلى ح/ الخزينة
ممكن تحمل كهرباء المصنع ومل مصاريف المصنع الاخرى ولكن انصحك بان تحمل أجور العمال والمواد فقط وان يعرف صاحب المصنع بذلك
وانصحك بان تقرأ في التكاليف وأن تقرأ الكتب السهلة ويمكن ان تدخل في قسم التكاليف وستجد مواضيع كثيرة فقط حاول ان تختار الموضوع السهل والعملي وان تبتعد عن الكلام النظري وعن تعريف التكاليف والمقارنة بين المحاسبة المالية ومحاسبة التكالييف فهذا كله كلام نظري وتذكر ان محاسبة التكاليف هي توزيع للتكاليف فقط وبكل بساطة