الخلاصة في cma - منتدى المحاسبين المصريين

10-31-2011, 06:53 PM

mso_2006

مشارك ماسى

تاريخ التسجيل: Nov 2006

العمر: 45

المشاركات: 377

الخلاصة في cma

انا دخلت الامتحان اليوم 31/10/2011 وكان كتعليق معظم اللي دخل طويل وغير مباشر
من الاخر الناس دي عاوزة واحد شغال وعنده خبرة كتييرة كذا سنة واتعامل مع كذا موقف طيب احنا مش عندنا الخبرة الكافية دي نعمل ايه نعوض دا بالقراءة التحليلية الكتير
يعني مثلا اول سؤال كله بيساله هو انا ينفع اذاكر لوحدي
الاجابة الافضل انك تذاكر لوحدك اي مركز عبارة عن سنتر تجاري يهدف للربح بيوصل لك المعلومة الاساسية بس والناس دي مش بتسال في الاساس دي بتسال ف تاثير دا ع الشركة ايه المميزات وايه العيوب
ناس تانية بتسال اذاكر منين
ذاكر من اي حتة المهم انك تغطي قائمة المعهد IMA في نقط انا فهمتها كويس من جليم وفي نقط فهمتها من كتاب هوك وفي نقط تانية فهمتها من كتاب هورنجرين زي تكاليف المراحل
وفي كتاب كنت جبته من سور الازبكية اسمه
Managerial Accounting: Creating Value in a Dynamic Business Environment
Ronald Hilton
الكتاب دا ممتاز جداااااااا وفرق معايا في موضوعات كتير وفي نهاية كل فصل في اسئلة من امتحانات قديمة للـ CMA
مش هتففهم الموضوع الا من حالة شاملة Comprehensive CASE
للاسف انا مش عندي منه نسخة سوفت كوبي والا كنت رفعتها فورا

وحاول وانت بتذاكر تتخيل الموضوع انه بيطبق ف ادارتك
مثلا ف الامتحان اليوم جالي كذا نقطة علي موضوع PERFORMANCE زي ROIو RI واغلب الاسئلة عليهم نظري مش عملي يعني مش مجرد تطبيق قانون بيسالني لما حجم الاقسام اللي بتقيمها كبير ولما تقلل او تخفض معدل العائد المطلوب ويكون عندك ادارة حجم الاصول فيها كبير وادارة تانية حجم الاصول اقل مين اللي هيتاثر اكتر
يعني عاوزك فاهم كل حاجة جوة المقياس مش مجرد قانون وتعوض

في ناس بتقعد تقول انا حليت الاسطوانة 10 مرات حلها 70 مرة حتي دي مجرد افكار بتاكد فهمك بس انما ولا حاجة منها بتيجي زي ما هي قليل اوي

مثلا موضوع زي سلوك تكلفة لما بتبقي ثابتة ومتغيرة بيقعد يعمل عليه حوار وحالة عملية ومرة يقولك زاد حجم الانتاج ومرة زاد الطلب وتشوف تاثير دا علي كل نوع

في بعض موضوعات احب اني اوضح كيفية مذاكرتها
مثلا انواع الموزانات زي zero based budgeting وزي CONTINUOUS BUDGET والانواع الاخري يفضل وانت بتذاكرها تعرف كل نوع مناسب ف اي موقف
مثلا PARTICIPATIVE BUDGET و authoritative budgET لازم تعرف متي يفضل ان نطبق كل نوع منهم وايه مميزاته وعيوبه ع الشركة يعني تاثيره
في اسئلة لو داخل الامتحان ومعاك الكتاب ومش فاهم مش هتعرف تحل لازم تفهم كل حاجة وتاثيرها ع الشركة
حاجة زي BUDGETRY SLACK لازم تيجي ف كل امتحان وكل مرة بشكل مختلف لازم تكون فاهم التقطة دي وتاثيرها السء والجيد
موضوع زي انواع الموزنات لازم تعرف مكونات كل الموزنات سواء مبيعات سؤال مصاريف ادارية وتعرف مكونات كل موزنة مثلا جالي سؤال عن حالة مقايضة اصل بديون او اصل بنقد + اسهم من شركة هتظهر في اي موزانة ومش هتظهر فين لو طبق البديل الاول وما طبق البديل التاني = يعني اي الموزانة اللي هتظهر فيها لو بدلنا الاصل بدين طويل الاجل ومش يظهر فيها لو اخدنا بديل تاني دا لازم تبقي فاهم كل نوع وايه اللي جواه

مثلا نقطة زي اسعار التحويل تفهم كل نوع وايه المفيد للقسم وايه المفيد للشركة ككل
مثلا طلب مني ان الشركة فيها طاقة فائضة والادارة عاوزة تشجع الادارات علي الطلب الداخلي بصفتك مراقب تنصح باي طريقة يعني لازم تكون فاهم كلام وتاثيره كويس

واقرء الموضوع الواحد من اكتر من مكان وحاول تعمل لك ملخص تبلور فيه المفهوم
اعمل زي ورقة بحث لكل موضوع وخد وقتك وافهم كل جزئية لان اغلب الاسئلة دلوقتي بيحطك في مواقف للتقييم judgment تبقي لازم فاهم التاثير ع الشركة وايه الاحسن وايه سبب رايك.

لازم تدرب نفسك علي اسطوانة جلايم او هوك للامتحان 100 سؤال اكتر من 5 مرات ع الاقل تدرب نفسك علي ادارة الوقت- يفضل تكونن الاسئلة ما عدت عليك قبل كده

الامتحان مهما كان مستواك طويل وبيحطو اسئلة تضيع وقت

في موضوعات بتتكرر مع كل اللي دخل وبيجي عليها اكتر من نقطة
زي cash budget
roi + ri
variable + absorption cost
joint cost

وفي موضوع زي ethics هي صفحة واحدة وعليها 5% من 500 يعني 25 درجة
بس تفهمها كويس مثلا مراقب اخد هدية دا انتهاك لاي معيار
ولو حصل خلاف ايه الخطوات هتلاقي مكتوب تروح للمستوي التالي
راح جاب لي حالة ان المتورط هو الرئيس التنفيذي يبقي المستوي التالي ليه البورد او لجنة المراجعة مش اروح لرئيسي المباشر وما اروح للسلطات الا لو كان انتهاك للقانون بيقعدو يلعبو ف الحتة الصغيرة دي كتير

في نقطة اخيرة كنت قرئتها ف المنتدي هنا بس مش متاكد منها ياريت حد ياكدها لنا وهي ان الدرجات مش متساوية يعني ال100 سؤال عليهم درجات نسبية ف اسئلة عليها درجات اعلي من التانية حسب تعقيد سؤال... ياريت حد ياكد المعلومة لانها هتفرق ف استراتيجية الحل

كل اللي بيدخل وانا منهم لازم يتخبط بسؤال انترنال كونترول في المقالي 90% من الناس تقريبا.

من الاخر دي شهادة مميزة وعاوزة مذاكرة مميزة

10-31-2011, 07:21 PM

حسام هداية

تاريخ التسجيل: Nov 2007

المشاركات: 5,163

مشاركة: الخلاصة في cma

على النصائح والإرشادات

__________________

11-01-2011, 11:28 PM

اشرف مشرف

مشارك ذهبى

تاريخ التسجيل: Oct 2010

المشاركات: 238

مشاركة: الخلاصة في cma

شكرا جزيلا علي المواعظ الجميلة .
وربنا يجعلها في ميزان حسناتك .

__________________

محاسب / اشرف عبد المعبود محمد

11-02-2011, 08:25 PM

mso_2006

مشارك ماسى

تاريخ التسجيل: Nov 2006

العمر: 45

المشاركات: 377

مشاركة: الخلاصة في cma

نصيحة مهمة جدااااااااااااا

انا دخلت امتحان بارت وان مرتين .... افضل حاجة تذاكر منها كتاب هوك هو بيرغي ويحكي حكايات بس الامتحان بيجي من الحكايات دي
جلايم نقط ورا بعض عشان اللي عاوز يراجع بس بافتراض انه مذاكر واهم القصص كويس

بعد مرتين ومواجهة النقط والحالات المختلفة اللي بيحطك فيها ف الامتحان افضل كتاب هوك

11-07-2011, 07:49 PM

mso_2006

مشارك ماسى

تاريخ التسجيل: Nov 2006

العمر: 45

المشاركات: 377

مشاركة: الخلاصة في cma

ازم توصل لمرحلة انك تحل كتييير وتتعود ع الموضوع كانك عايش جواه مش مجرد واحد شاف ملزمة ف كام شهر وداخل

هنا كام لينك لكذا كتاب تمسك موضوع معين وتحاول تحل عليه من كتر من كتاب لحد ما توصل تبقي خبير ف الموضوع

Cost Management: Accounting and Control, 6th Edition
http://ifile.it/yoiua3/ebooksclub.or...352tx80x7j.pdf

Introduction to Managerial Accounting, Fifth Edition
http://ifile.it/p1zmgf/ebooksclub.or...352tx80x7j.pdf

11-08-2011, 03:29 PM

مازن ابو العلا

مشارك

تاريخ التسجيل: Feb 2011

المشاركات: 30

مشاركة: الخلاصة في cma

شكرا وبارك الله فيك

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى