مشاركة: مساعدة
بسم الله الرحمن الرحيم
دى اول مشاركة ليا انا تقريبا ظروفى كانت نفس ظروفك من حوالى سنتين وعارف الشعور الجميل (اوى) الى انت حاسس بيه لاكن الحمد لله ان مع العسر يسرا
المهم انا هجاوب حضرتك على قد علمى
اولا- يجب انك تجيب كتاب مبادىء المحاسبة بتاع سنه اولى كليه تجاره وتقرا كويس جدا (ده عشان تفتكر المحاسبة)
ثانيا - تجيب كتاب عن مبادء المحاسبة المالية وده برضه تقريبا فى اولى او تانيه تجاره (ده بقى عشان تعرف الفرق بين النواع المحاسبة المختلفة)
ثالثا- تدور على دورة مستنادية مناسبة للنشاط بتاع خدمات البترول وتقريبا انا شوفت دورات مستندية فى الموقع هنا (ودى بقى تبقى بداية انك تنظم الامور فى الشركة انشاء الله )
رابعا- تعرف طبيعة النشاط (ياعنى بلبدى كده تفهم هما يبيعو ايه وهيشترو ايه ) وعلى فكره هوا نشاط مش معقد لان غالبا هما يا هيعملو مؤتمارات او هيعملو مجله فيها اعلانات واخبار خاصة بشركات البترول
خامسا - لو حبيت بقى تبقى محترف شويه كمان تجيب كتاب معايير المحابة المصرية واثارها الضريبى بتاع الدكتور طارق حماد - جامعة عين شمس هو كتاب خاص مش من كتب الجامعة (اربع اجزاء ب350 من الدار الجامعية فى الاسكندرية ) وده بقى لو قريته وفهمته تبقى بدئت طريق النجاح كمحاسب خبره
سادسا - تدعيلى ربنا يوفقنى ويبارك لاستاذ احمد على انوه عمل منتدى زى ده عشان الناس الى بتخرج من الكلية تايهه زى انا وانت كده (حسبى الله ونعم الوكيل )
سابعا- هذا ما اعلم والله اعلى واعلم
06-06-2010, 12:21 AM
مساعدة
تعليمات المشاركة
العرض العادي
