وليـد صلاح اللقاني

اعتقد ان الناس ال ماتت يوم 25 يناير الى 28 يناير كانت بتقول لا للواسطة والمحسوبية ... اتمنى انهتلغى من بلدنا ومش كل واحد والدة ولا والدتة بيشتغل فى بنك ولا مؤسسة تتبع الدولى يبقى لازم يعين ابنه ولا قريبة .... بامتحان صورى ..اطمنى انت ناجحة بالامتحان الصوري .... ولكن الرئيس المخلوع كان حيورث ابنه والموظف فى بنك ولا فاى قطاع حكومى بيورث ابنه ... ايه الفرق ..... دة رايي . الثورة م شباب فى التحرير .... الثورة ثورة فكر ... ان الله لا يغير بقوم حتى يغيروا ما بانفسهم

__________________

kotofoto

اعتقد انها لو كانت واسطة فعلا مكنوش عملولنا امتحانات ومكنتش جيت هنا اصلا عشان اطلب منكم مساعدة
لو كانت واسطة مكنتش جيت هنا وسالتكم عن الامتحان وشكله وهو عبارة عن ايه
لو كان واسطة كنت زمانى عارفة الامتحان وانا قعدة فى بيتى معززة ومكرمة مش محتاسة زى دلوقتى
لو كان واسطة كنت زمانى متعينة من غير امتحان ولا انتر فيو ولا ولا ولا ......
بلاش بقه نتكلم وخلاص عشان اصلا حضرتك اصلا متعرفش حاجة ومش فاهم حاجة

وعمتا شكرا اوى ع الاهتمام م المنتدى وانا كنت متوقعة حاجة غير كدا اصلا
انا كنت اول مرة اخش المنتدى وكنت ناوية اشارك فيه م الحاجات الحلوة اللى فيه بس شكلى مش هخشه تانى
وانا عندى الامتحان بكرة ان شاء الله وكفاية دعواتكم بس

wa7id

على فكرة
كل واحد بيستفيد من وضع ما بيبقاش شايف نفسه إنة مستفيد
على العكس بيحلله لنفسة لأخر حاجة و لأخر مدى
المخلوع كان شايف نفسه صح و خدم البلد كتير
فمش كتير على البلد إنها يعنى تستحمل إبنة بعدة
و ابنة كان شايف إن حقة انة يمسك البلد بعد والدة و كان شايف نفسة صح
و الحزن الاوطنى المنحل كان شايف إنة بيعمل الصح يوم مازور الانتخابات و كانت مهزلة فى تاريخ الانتخابات
مش بس على مستوى مصر و لكن على مستوى العالم.

و على فكرة هوا مش ذنبك أبداً انك تروحى الامتحان و انك تعملى ما تستطيعى عشان تنجحى و تفوزى بالوظيفة
فى زمانا دا اللى مافيش حد لاقى فية وظايف
و صدقينى مش بلومك و لكن بلوم زمانا اللى صورلنا الدنيا بالطريقة دى
و اننا بجد صدقنا الطريقة اللى غرسها جوانا المخلوع و شلتة الحرامية
عشان كنا نصدق كدبة التوريث

لو ربنا كاتبلك الوظيفة هتاخديها و لو مش كاتبهالك مش هتاخديها حتى لو كنتى بنت رئيس البنك

و عموما الله الموفق

بس نسيت أقول حاجة مهمة جداً

أن التغيير لما بيحصل بيحصل من جوا الافراد و بعدين بينتشر و بيبقا سمة المجتمع

و ان التغيير ما ينفعش نطلب بيه فى شيئ و نغض الطرف عنه فى شيئ

و كلنا أكيد حلمنا هو اننا نلاقى بلدنا نظيفة من حاجات كتييييييييييييرة

و أولها مبدأ غبى:

ابن الضابط لازم يبقى ضابط
ابن القاضى لازم يبقى قاضى
ابن الدكتور لازم يبقى دكتور
ابن استاذ الجامعة لازم يبقى معيد
ابن الفنان لازم يبقى فنان
ابن الفلاح لازم يفضل زى ما هو
الخ

__________________
برامج تصميم"]

wa7id

و عموما يمكنك بالمراجعة السريعة لـ :-

مبادئ المحاسبة المالية

مبادئ محاسبة البنوك

و مش هنوصيكى على الثقة بالنفس و الاعتزاز بها

و الله الموفق

__________________
برامج تصميم"]

وليـد صلاح اللقاني

الامتحان شكرو فقط وزمان انا روحت البنك البريطانى اول ما تخرجت .... وكانت واسطتى ربنا ... وكنا خمسه بنمتحن اربعة ولا اعضاء منتديين ورؤساء مجلس ادارة وانا والله انا غششتهم ... ولمه دخلت للراجل ال مفروض يخترنا .... بصلى وقلى انت مين قلتله ربنا واسطتى قالى يابنى هنا التعيين بالواسطة ومشيت يعنى الامتحان شكل وخلاص والامثلى كثير مع زملاء غيري . تعرضوا لنفس الموقف

ومسالة اشتراكك بالمنتدى ...يرجعلك ... ان كان اشاركك اول مره مساعجة طالبها ... المنتدى لا بيقف على على ولا على غيري ... المنتدى له اسم ومع تعديلات بسيطة مثل مشاركات الشكر بدون داعى يكون افضل من المنتديات المهنيه .

على العموم انا قلتلك الصراحة ومغلطش فيكى وموضوع انى فاهم او مش فاهم ... الحمد لله اننى لا اقول سوى المقتنع به ....

ومبروك على النجاح مقدما ..... بس يا تري انت تستاهلى الوظيفة ولا حيكون مكانك مكان واحد يستاهلها ..ما هى واسطة باه

__________________