ما هي شهادة cma - منتدى المحاسبين المصريين

02-20-2009, 12:30 AM

tito_Nkh_tito

مشارك نشط

تاريخ التسجيل: Feb 2009

المشاركات: 61

ما هي شهادة cma

بسم الله الرحمن الرحيم

CMA
الشهادة عبارة عن 4 PARTS كل PART عبارة عن 10 UNITS ماعدا الجزء التاني 20 UNIT و ده يعتبر اطولهم و اصعبهم عشان كده فيه ناس بتاخد 1و 3 و 4 و بعدين تاخد 2

ميزة شهادة الCMA انها كبداية فيها كل حاجة سواء كانت INTERNAL
CONTROL,ECONOMIC,FINANCING AND
MANGEMENT
و كمان ممكن تمتحنها هنا غير الCPA اللي لازم تسافر عشان تمتحنها في امريكا وطبعا دي كبداية صعبة عشان الفيزا و المصاريف الخ....
و فيها ميزة جامدة جدا عشان بتعتبر شهادتين في شهادة ازاي؟ اقولك:
الCMA هي هي الCFM مع اختلاف PART واحد يعني ان شاء الله لما تاخد الCMA باجزائها الاربعة وتنجح فيهم و تاخد الشعادة هيبقي قدامك PART واحد بس تمتحنه و تاخد
الCFM ويبقي معاك شهادتين مش شهادة واحدة بس و كل ده بيعلي من اسهمك و فرصك في العمل في مكان افضل و بمرتب خيالي لا تحلم به و عموما كل ده نصيب و رزق ماقدرش اقولك انك هتشتغل بنسبة 100% بس اقدر اطمنك بنسبة 95% هتشتغل في مكان حلو و بمرتب حلو لييه؟ اقولك
انت في الCMA بتدرس نظام عالمي للمحاسبة بتشتغل بيه الشركات الMULTINATIONAL يعني مش شركات عبيطة و لا تافهة انت ان شاء الله هتشتغل في شركة عالمية و بالتالي هتاخد مرتب جامد جدا (اللهم لا حسد) و كمان هتبقي في مركز مناسب لشهادتك و خبرتك و طبعا اللي عاوز يهاجر الشهادة دي هتساعده جدا في الهجرة و في ايجاد فرص عمل جيدة.
ولو هتشتغل في مصر و مش في شركة عالمية و معاك خبرة سنتين مثلا هتروح الشركة دي مدير مش اي حاجة تانية .

نيجي بقا للتكاليف هي مكلفة شوية هي ممكن تقفل 10000 جنيه او اكتر دي مصاريف الشرح اللي هتديها للمكان اللي هتدرس فيه و مصاريف الاشتراك اللي انا حاطه فوق في حدود 250 دولار و كل امتحان تخشه هتدفع في حدود 200 دولار وخلي بالك انت الاشتراك في الموقع ده سنوي عشان تفضل معتمد من المعهد يعني كل سنة هتدفع 250 دولار حتي لما تاخد الشهادة)[/color]

و بالنسبة للدراسة انا بدرس في مكان اسمه FINANCILA GROUP هتلاقوا اعلانه في الجرنان كل جمعة و زي ماقولتلكوا الاماكن دي كترت اوي فانتوا شوفوا الاحسن ليكوا و الارخص و اتوكلوا علي الله
انا دفعت 1250 ج في PART1 وكل الاجزاء بنفس التمن ماعدا التاني بس مش فاكر بكام ممكن في حدود 1500 ج

يا جماعة اللي عاوز يخش حاجة زي كده لازم يعرف انه هيذاكر و يفهم و يتعب المسألة مش هتبقي سهلة بس اللي عاوز حاجة و بيسعي ليها هياخدها في الاخر و اللي عاوز يشتغل في مجال المحاسبة و اللي بيحبها ياخد الشهادة دي عشان خلاص بقت ال500 جنيه اللي بناخدها مالهاش لازمة دلوقتي
و اخر كلمة مني ان الامر كله متوقف عليك بس كده
وارجو اني اكون وفيت ولو جزء صغير ووضحتلكو المسألة شوية للي كان عاوز الCMA واللي عاوز مستقبل احسن عشان الحاجات دي هي المستقبل.
و معلش انا حبيت اكلمكم عامي عشان تبقي سهلة و واضحة و ماعدشي ارص كلام و نقط و انتم مش فاهمين حاجة عموما اقرو الكلام و بعدين شوفوا الملفات فيها حاجات كتير مفيدة

نسيت اقولكوا ان دراسة الشهادات دي يعتبر كورس انجليزي و هيقوي اللغة عندكوا اوي
بس لاوم يكون الانجليزي بتاعك كويس جدا مش PERFECT و عموما للي مش من تجارة انجليزي الموضوع هيبقي في الاول معاه صعب شوية بس بعد شهر او شهر و نص هيلاقي العملية ابتدت تظبط معاه اوي.

اسف للاطالة و بالتوفيق لكل الاعضاء في منتدانا العزيز ان شاء الله ولكل المسلمين.

منقول

02-22-2009, 01:08 PM

هيثم الديب

مشارك مبتدئ

تاريخ التسجيل: Feb 2009

المشاركات: 3

مشاركة: ما هي شهادة cma

السلام عليكم ورحمة الله وبركاته
أشكرك على التوضيح
لكن فين ملفات الوورد اللى قلت عليها
لمحتوات كل part من الcma

02-22-2009, 10:09 PM

arnwb

مشارك

تاريخ التسجيل: Feb 2009

المشاركات: 29

مشاركة: ما هي شهادة cma

فين يا عم الملفات

02-23-2009, 10:42 AM

سالم محمد اسماعيل

مشارك مبتدئ

تاريخ التسجيل: Feb 2009

المشاركات: 2

مشاركة: ما هي شهادة cma

ياريت تبعت الملفات بجد

03-15-2009, 05:42 PM

خليفة جاويش

مشارك فعال

تاريخ التسجيل: Mar 2009

المشاركات: 134

مشاركة: ما هي شهادة cma

وين الملفات يا طويل العمر الله يجزاك خير

03-16-2009, 11:02 AM

ahmedabdelazizahmed

مشارك مبتدئ

تاريخ التسجيل: Mar 2009

المشاركات: 8

مشاركة: ما هي شهادة cma

هل يمكن ان ترسلها عبر النت ؟ واذا لم يكن هلى يمكن ارسالها بالبريد على ان اتحمل تكلفة ارسالها ؟

وارجو مساعدتى . حيث انى لا بديل لى فى عملى . الا انه يمكننى النزول للقاهرة على فترات . مع اخذ اجازة فى وقت الامتحان ؟
فهل من يستطيع افادتى ؟
وشكرا

03-16-2009, 11:12 AM

ahmedabdelazizahmed

مشارك مبتدئ

تاريخ التسجيل: Mar 2009

المشاركات: 8

مشاركة: ما هي شهادة cma

هل يمكن ان تكون الدراسة عبر النت ؟ ويبقى الامتحان فقط فى القاهرة ؟على ان يتم السداد على حساب معين بالبنك ؟

03-17-2009, 09:31 PM

fayza

مشارك مبتدئ

تاريخ التسجيل: Mar 2008

المشاركات: 3

مشاركة: ما هي شهادة cma

معلومات مفيد جدا ونرغب فى المزيد عن cpa و cfa وجزالك الله كل الخير
وما نظام هذه الشهادات فى الجامعة الامريكية , نتمنالك كل التوفيق

03-21-2009, 01:03 AM

tiger_456

مشارك مبتدئ

تاريخ التسجيل: Mar 2009

المشاركات: 4

مشاركة: ما هي شهادة cma

معلومات قيمة الف شكر وياريت الملفات

04-25-2009, 10:51 AM

#10

Leopard

مشارك فعال

تاريخ التسجيل: Jan 2007

العمر: 42

المشاركات: 118

مشاركة: ما هي شهادة cma

لكل الأعضاء اللي عاوزين ملفات عن الشهادة
منهج جليم ..
ومنهج هوك ..
وكتب متخصصة في المحاسبة الإدارية والمالية والتكاليف
وكمان مذكرات جامدة جدا
كل ده ببلاش
وفي مكان واحد

إضغط هنا وحمل اللي انت عاوزه ببلاش

بس ماتنساش تدعي لي

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى