محمدالطحان

أخى العزيز
لو عندك معلومات عن شهادة ال cpa أرجو ارسال التفاصيل واكون شاكر لك

mahmoud_adel_2008

بسم الله الرحمن الرحيم شهادة السى بى ايه CPA هى اختصار لcertfied public accountant و هذه الشهاده تختلف عن شهادة الcertified managerial accountant cma فى انك لازم تسافر امريكا و تعدى الاختبار بتعها (لازم تخدها من هناك ) و بتختلف ايضا عن الcma فى انها بتشترط خبره سنتين للمتقدم للشهاده الا فى ولاية كاليفورنيا مش بتطلب الخبره يعنى ممكن لحديثى التخرج .شهادة ال cpa هى حلم اى محاسب (لو هى معاك حتخطفك الشركات على طول و بمرتب عالى جدا كمان) شهادة ال cma هى اللى فى متناولنا لاننا مش مضطرين نسافر امريكا فبيكون اختبارها (عباره عن اسئله اختيارى choose) على الكومبيوتر يعنى مثلا مكان الاختبار فى مصر فى شارع مصدق فى الدقى. فى مراكز كتير بتساعدك فى دراسة منهجها لكن للاسف مش بيفيدوك اوى بيسعدوك على مرور الامتحان بس ,يعنى يقولولك لو جه السؤال كدا اعمل كدا (مش مهم بقى تفهم ولا لا) ولو حظك وحش و جه السؤال بطريقه مختلفه يبقى انت ظعت(يبقى انت فى الباى باى). فى ناس كتيره ذكرت مع نفسها و عديتها الموضوع مش مستحيل (وفر وقتك و فلوسك)بس هما كانوا تجاره انجليزى مش عارف الوضع حيبقى صعب على تجاره عربى ولا ايه . انت لو حتذاكر مع نفسك يبقى حتخلص المنهج انت و شطرتك لكن لو ختها فى مركز (سنتر) يبقى لازم تلتزم بالجدول الزمنى اللى هما محددينه (غالبا 6 شهور)حتى لو كان الكلام اللى هما بيقولوه سهل و انت عارفه .شهادة الcmaبتتميز بانها اكثر شمولا حيث انها تغطى عدة جوانب منها الاقتصاد و المحاسبه الاداريه و محاسبة التكاليف و المحاسبة المتوسطه و المراجعه و غيرها . و هى طبعا من اعظم الشهادات المحاسبيه فى العالم
تتكون شهادة الcma من اربع اجزاء كل جزء يتكون من عدة اقسام غالبا خمس اقسام . تكلفتها
IMA Registration : 195$
Certification Fess : 125$
Subscription Fess : 15$
Test : 165$
كل اللى فوق هتدفعة مرة واحدة طبعا بالدولار بس معادا طبعا الامتحان هتدفعه 4 مرات
دى تكلفت الامتحانات بس (يعنى لو انت ذكرت لوحدك ) لو انت بقى روحت سنتر حتدفع فى حدود اربعة الاف (كل مركز بيختلف عن التانى) . طب لو انا حذاكر لوحدى حذاكر منين ؟ اسهل و اشهر كتاب و كل الناس بتستخدمه هو كتاب هوك و احسن كتاب للحل هو كتاب جليم لانه فيه مسائل كتيره و حلوه . انت ممكن تشترى كتاب الهوك (طبعا نسخه متصوره مش الكتاب الاصلى ) من اى مركز بحوالى 140 جنيه مصرى يارب اكون اضفتلك اى معلومه مفيده.

mahmoud_adel_2008

اللخص اللى انا قلته فى كلمتين الcpa كبيره عليك شويه كمان لانها بتتطلب الخبره (فكر فيها قدام)اما الcma فى المتناول بس عايزه اصرار خلى بالك من الكلمه دى اصرار

abdelrazak bm

السلام عليكم
استأذنك يا اخى لو ممكن تقولى اسماء بعض المراكز اللى بتعمل الدزره دى وايه رأيك لو انا بشتغل محاسب فى بنك تفتكر انها ممكن تفيدنى وبرضه تفتكر انى ممكن اعدى فيها ولا لا ؟
ارجو الرد وشكرا