مساعدة في مردودات المشتريات
بسم الله الرحمن الرحيم
أولا أنا طالب في الفرقة الثالثة كلية تجارة 
بس أنا قولت كدا عشان تعرفوا بس إني لسة في الأول مش عندي خبرتكوا العظيمة دي في مجال المحاسبة ككل 
بدون إطالة عليكم
أنا عندي إستفسار
أنا في حالة عايز أفهمها منكم أرجوكم
أنا لو بستخدم طريقة الأول في الأول
أنا عملت فاتورة مشتريات لـ 10 وحدات من منتج س تكلفة الوحدة بعد الخصم و تكلفة النقل 11.5 جنيه
بعت منهم وحدتين بس بسعر الوحدة 15 جنيه
كدا بقى عندي 8 وحدات من منتج س تكلفة الوحدة 11.5 جنيه صح كدا
بعد كدا إشتريت كمان 10 وحدات من نفس المنتج بس بتكلفة 12 جنيه
جيت عايز أعمل مردودات مشتريات لــ 10 وحدات من المنتج دا عن طريق الفاتورة إلى أنا إشتريت بيها أول مرة ( إلي فيها المنتج دا تكلفته 11.5 جنيه )
هل يتم رد 8 وحدات تكلفتهم 11.5 جنيه و 2 وحده تكلفتهم 12 جنيه
بس على ما أعتقد إن هايبقى في فروق هنا وممكن تجيب خسارة
أنا كدا شرحت مثال
بس ممكن ألخص المثال دا بالآتي
أنا لو عايز أعمل فاتورة مردودات مشتريات لفاتورة مشتريات بس مش عندي وحدات من المنتج دا بنفس التكلفة إلي أنا شاري بيها في فاتورة المشتريات
هايتم عمل المردودات إزاي
و إزاي هايتم معالجة المردودات في المخازن و الحسابات
ياريت أكون قدرت أوصل المشكلة إلي أنا واقع فيها و مش عارف أعملها إيه
ياريت الإفادة أرجوكم
وشكرا على سعة صدركم و متابعتكم
وشكرا
وفق الله الخير لنا و لوطننا الغالي مصر
04-28-2011, 07:28 PM
تعليمات المشاركة
العرض العادي
