اي مساعدة باذن الله - منتدى المحاسبين المصريين

12-31-2007, 01:08 PM

mso_2006

مشارك ماسى

تاريخ التسجيل: Nov 2006

العمر: 45

المشاركات: 377

اي مساعدة باذن الله

انا تقريبا قاربت علي الانتهاء من الجزء الاول

عندي كتب جلايم وهوك بس المشكلة انا مقيم بالكويت اي حد عاوز مساعدة انا تحت امره

وهتكلم عن بعض النقاط المساعدة للمذاكرة

1. اولا ابتعد عن المذاكرة من كتاب جلايم ( حل اسئلة فقط منه) انما شرح هتتعب وهتضيع.
2. ثانيا قبل ما تبدء ف مذاكرة سي ام ايه هقولكم نصيحة مهمة جدا هتسهل عليك كتير تعرفو تراجعو من كتب الكلية يعني مثلا قبل ما تبدء جزء الاقتصاد راجعو من منهج الجامعة وسيبك من حوار الانجليزي والعربي اهم حاجة ف الاول تكون فاهم الاساس وبعد كده لما تقراء بالانجليزية هتلاقي الكلام سلس بس يكون عندك اساس
3. ثالثا تكون فاهم مش حافظ لان نظام الاسئلة مش بيعتمد علي المنهج بس دا بيعتمد علي تطبيقك للمنهج يعني ايه اللي ورا المفاهيم والتعاريف .
4.رابعا تقسيمة الجزء الاول خمس اقسام بخمس مواد من مواد الكلية
أ . القسم الاول .... الاقتصاد الجزئي والكلي ( راجع المفاهيم قبل بداية المذاكرة )
ب. القسم الثاني .....التجارة الخارجية وميزان المدفوعات وسعر الصرف ( راجع المفاهيم
ج . القسم الثالث .... المراجعة الداخلية والمراقبة الداخلية ( لازم تفرق بينهم
ء . القسم الرابع ... اساليب الكمية ( هتلاقي موضوعات زي البرمجة الخطية . الاحتمالات . شجرة القرارت , الارتباط والانحدار ( حاول تشوف اي كتاب او شرح بالعربي للموضوعات دي قبل مذاكرتها بالانجليزي )
ه . القسم الخامس .... التحليل المالي باستخدام النسب والمؤشرات ( تراجع النسب وتعرف ليه البند دا ف البسط وليه البند دا ف المقام يعني مثلا نسبة التداول = الاصول المتداولة / الخصوم المتداولة تبقي عارف وفاهم ان الاصول المتداولة دي اصول ملك الشركة وقابلة للتحويل لنقدية خلال سنة انما الخصوم المتداولة دين علي شركة خلال سنة . لذا البسط يمثل ملكي مقسوم علي اللي عليا علشان اشوف بيغطيه كام مرة وهكذا تكون فاهم النسبة مش مجرد حفظ القانون

وانا معاكم ف قسم قسم ونشوف النقاط الفنية فيه . ان شاء الله وكان الله ف عون العبد مادام العبد ف عون اخيه

01-05-2008, 01:18 PM

nader.hassan

مشارك مبتدئ

تاريخ التسجيل: Jan 2008

العمر: 48

المشاركات: 1

مشاركة: اي مساعدة باذن الله

أخى الكريم السلام عليكم
أبدأ مشاركاتى فى هذا المنتدى المبارك بالكتابة اليك
مهنئا إياك على ما وصلت إليه
وأشكرك على عرضك المساعدة
وقد استفدت من رأيك وأؤيدك فيه تماما
وأرجو إفادتى بأي شىء متوفر لديكم بالنسبة للجزء الأول حيث أننى أسمى بسم الله للبدء فى مشروع دراسة شهادة Cma
وأخشى أن أكتب لك بريدى الالكترونى ويكون ذلك مخالفا لتعليمات إدارة الموقع
أنتظر ردك

06-17-2008, 09:12 AM

lord90

مشارك مبتدئ

تاريخ التسجيل: Jun 2008

العمر: 43

المشاركات: 2

مشاركة: اي مساعدة باذن الله

اخي العزيز

سلام الله عليك

اولا جزاك الله عنا خير الجزاء و جعله في ميزان حسناتك

رحم الله والديك و والدين كل المسلمين على هذا المجهوود الرائع

عزيزي لي طلب بسيط واامل الا تردني

اذا ممكن ايميلك ايرد مراسلتك

ولك منى كل الاحترام

في امان الله

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى