مشاركة: صدقنى/صدقينى .. أنت/ى اللى هتغير/ى الكون
تعرف/ى ايه هو تأثير الفراشة؟
بيقول لك/ى ياسيدى/تى إن رفرفة أجنحة فراشة 
فى أوروبا هيعمل إعصار فى الصين..
عارف/ة ليه؟
لأن أى حركة ولو بسيطة فى بدايتها وتأثيرها بتولد تفاعل متسلسل بيأدى فى النهاية لحدث كبير..
ولو ركزت/ى دلوقتى فى كل حاجة حواليك/ى, هتلاقى إنها كانت فى الأول مجرد فكرة بسيطة..
فضلت الفكرة دى تكبر وتندمج مع أفكار تانية ويكبروا وينفصلوا ويندمجوا مع أفكار تانية, لحد ما وصلت الفكرة البسيطة الأوليه دى لإختراع عظيم.. صاحب الفكرة الرئيسية عمره ما كان هيحلم بالنتيجة دى..
ركز/ى تانى بقى فى كل حاجة أنت بتعملها/يها, أو عايز/ة تعملها/يها علشان تغير/ى الكون من حوالينا..
للأحسن طبعا..
وأوعى فى مرة تحس/ى أنك قليل/ة أو أصغر من فكرتك..
أنت/ى لو ما رميتش/رمتيش الورقة اللى فى إيدك فى الشارع.. فأنت/ى بكده غيرت/ى فى مسار قصة حياة الشارع لأنك لو كنت/ى رميت/ى الورقة كان الشارع هيبقى (شارع + ورقة)
ويبدأ التفاعل المتسلسل (الشارع +ورقة) هيبقى (شارع +ورقة + كيس زبالة) 
وهيوصل فى الآخر أنه يبقى مقلب زبالة.. زى ما حكينا قبل كده..
وهو ده أثر الفراشة..
إكسر/ى الدايرة المفرغة.. ورفرف/ى, للحق, للخير, للجمال, وللنضافة..
هتغير/ى الكون..
__________________
leave an impact