مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
السلام عليكم
اشكرك بشدة علي هذا الموضوع الرائع
انا مصطفي خريج تجارة اسيوط 2009 شعبة محاسبة تقدير عام مقبول وكنت رحت اتدربت عندنا في سوهاج في مكتب محاسبة لكن ما استفدتش منه بحاجة خالص المهم انا قدمت علي شغل في ميناء بورت غالب البحري في البحر الاحمر وكنت في الاول معتقد اني هاجي اشتغل محاسب بس بعد ما عملت الانترفيو لقيت انهم مش عايزين محاسبين المهم انه انا اشتغلت حاجة اسمها تشغيل وفيها بشوف كل الخدمات اللي اخدها العميل من الميناء وبعملو بيها فاتورة وبكتبلة العقد وبسجل كل حاجة علي الجهاز بمعني ادق انه انا شايف انه شغلي دلوقتي فيه 3 حاجات انه انا بشتغل customer service وكمان بشتغل جزء حسابي لانه في حوالي 3 ملفات احنا واخدينهم من مكتب الحسابات بنسجل فيهم الشغل علشان نطابق معاهم في اخر كل شهر واخر السنة كمان انا بعمل التقري المالي الشهر لايرادات الميناء شهريا وسنويا بالاضضافة الي انه احنا بنخلص اوراق اليخوت الدوليه من كافة الجهات الحكومية زي الجوازات والجمارك .... الخ يعني بنشتغل في كل حاجة بس للاسف طبعا مش محاسب وانا وافقت بصراحة انه اشتغل هنا لاني كنت قدمت في كزا مكان ومنفعش وكمان المرتيب هنا كويس جدا بالنسبة للمرتبات في القاهرة او في اي مكان اخر المهم انا من اول ما جيت هنا وانا بفكر انه دي فترة انتقالية بس اتعلم فيا طبيعة العمل وازاي اتعامل مع الناس لحد ما الاقي شغل في تخصصي
انا بتكلم وبقري وبكتب انجليش بمستوي جيد جدا
الكمبيوتر عندي بقي دلوقتي اسهل حاجة لانه انا باخد دورة برمجة وبنعمل فيها برامج شبه محاسبية زي المبيعات والمشتريت والمخازن .. الخ زي بمعني اصح البرامج اللي بيشتغل عليها الكاشيرات في المطاعم والسوبر ماركت
وبعرف اتعامل مع جميع برامج الاوفيس خاصة الاكسيل وكمان البتش ثري شوية يعني
المهم انه انا اعمل ايه دلوقتي لانه الشغل 12 ساعة ومش بلاقي وقت اعمل فيه حاجة والاجازة الاسبوع اللي باخدها كل شهر مش بتكفيني نوم حتي
ارجو الرد
انا متاسف علي الاطالة لكن بجد محتاج حد ينصحني ويقولي اعمل ايه لانه انا فعلا تعبت وحاسس نفسي مش عارف انا رايح علي فين
ارجو الرد من اي حد
شكرا جزيلا ليكم
مصطفي /سوهاج/طما