|
المشاركة الأصلية كتبت بواسطة ip_spy
بسم اللة الرحمن الرجيم
السلام عليكم
أهلا بيكى وبية فى المنتدى علشان أنا بردوة عضو جديد
واهلا بحضرتك معانا وغن شاء الله تفيد وتستفيد
ومتشكره على الهتمام والرد وجزاك الله خيرا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
المهم : أنتى بتقولى أنك راحة تعملى أنتر فيو وخايفة ودة أول شئ خطأ
لازم يكون عندك ثبات .... وعلشان يكون عندك ثبات لازم تعرفى أولا الخوف دة جاى منين .
الخوف دة جاى من عدم الخبرة فى المقابلات الشخصية ... والتقليل من المهارات الشخصية.
ودة علشان أنتى مش واثقة فى مهاراتك ومعلوماتك ودة بيدى عدم ثقة فى النفس .
وتقدرى تتغلبى على الحاجة دية عن طريق أنك ... تأكدى على المهارات والمعلومات اللى أنتى تمتلكيها ..
حتى ولو كانت بسيطة .... ونصيحة من زميل عاطل ... لو أنتى عندك ثقة عليا فى نفسك فى الأنترفيو ...
هتجتازية بنجاح بأذن اللة ... لأن الثقة + المظهر الكويس فى المقابلات الشخصية = 60% تقريبا من المقابلة كلها.
كلام حلو وكويس ,, بالنسبه للمقابله انا فعلا مش واثقه فى مهاراتى لأنى منزلتش شغل قبل كده ,, بس إن شاء الله هحاول يكون فيه ثقه ,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
النقطة الثانية المهمة .... وإن شاء اللة هتديكى ثقة أكبر ... هى:
- أنتى بتقولى معاكى إكسيل ... ومتهيقلى أنك راحة تشتغلى فى الحسابات ... لأن أنتى مش موضحة هتشتغلى فى أية ..
أيوه إن شاء الله فى الحسابات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
المهم ===> لو طلب فية حاجة هيطلب أنك تعملية ميزانية بالإكسيل .. وأكيد أنتى تعرفى ... مدين / ودائن *** وبعدين تجمعى الطرفين وتساويهم ببعض *** .... وخدى بالك كويس من الأوبشنز الأساسية اللى فى إكسيل زى ( merge cells - right to left -Mass operation (Add/sub/div ) وهكذا ...
انا عرفاهم بس مش عرفه Mass operation وdivممكن تقولى عليهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
بالنسبة للورد لو طلب حاجة ====> هيطلب أنك تعملية جدول معقد شوية ... بس هوة سهل يتعمل .
عن طريق بردوة ==> insert table ====> وبعد كدة merge cells
وممكن تستخدمى معاهم split cell
متهيقلى مفيش بعد كدة غير الأنترنت ... وطلما أنتى واصلتى للمنتدى هنا أنتى كويس فى النت .
أيوه الحمد لله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
وعلى فكرة وبدون زعل *** التقدير بيفرق أوى .
الحمد لله تقدير جيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
وبالنسبة للأكسس هو قليل الاستخدام ومستبعد السؤال فية .
معرفش فيه حاجه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
بعد كدة فى مدى فهمك للمحاسبة ... ؟
يعنى لو سألك ممكن يسأل يقولك ...
أية الفرق بين المخصص والإحتياطى ؟ مهم
تعرفى أية عن الاهلاك ؟ مهم
إهلاك الأراضى .... ؟
ههههههه
:) وطبعا الأراضى ملهاش اهلاك .
انا نسيت هههههههههه
طيب هو فيه فرق بين الأهلاك والأستهلاك ؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
وهكذا ....
والحجات دية تقدرى تحصلى عليها بسهولة من النظام المحاسبى الموحد ===> الدليل المحاسبى ..
المعالجة المحاسبية ... مش المعاير.
مش عرفه المعالجه المحاسبيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
وخلى عندك فكرة عن سياسة الترميز للدليل المحاسبى. وهى سهلة جدا .
ولا الترميز المحاسبى ( ولا تقصد اللى كنا بناخده فى الكليه مثلا الأراضى 1 ,, المبانى 2 ,, وكده يعنى)
ولا تقصد ايه؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
ولو شطرة تخلى ذهنك حاضر فى الكلام عن طريق ... مراجعة السياسات المحاسبية المتعارف عليها (GAAP)
وعلى فكرة أنا عامل برنامج محاسبى شامل الكلام دة كلة وحجات تانية .. بس لسة مخلص أوى فاضل فية جزء بتاع التكاليف والمصروفات ... والايرادات ..
ودة لو أنتى ملقتيش مراجع سريعة ليكى .. ممكن أقفلة على حالتة و أبعتهولك لو محتجاة .
لأن للأسف مش هينفع أرفعة على المنتدى وهو مش كامل
بس هو ينفعك جامد جدا فى أنك تفتكرى المحاسبة بطريقة سريعة.
لأ عادى خلصه براحتك علشان يبقى مرجع كامل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
وربنا يوفقك إن شاء اللة ..
ويوفقك يارب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
وعلى فكرة أنا بردوة عندى أنتر فيو فى موبيكا لو تعرفيها .. خلال الأيام اللى جاية .
بس أن مش هشتغل محاسب ... ـ أنا هشتغل فى ال I T أو تكنولوجيا المعلومات ..
لأن أنا محاسب و مبرمج ..
إن شاء الله تقبل يارب ,,
بس لازم تقول مش خايف من الحسد هههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
ولية طلب عندك لما تقبلى فى الشغل إن شاء اللة .... أنا عايز الحلاوة ...
وانا كمان عايزه الحلاوه لما تقبل فى الشغل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
وطمنينا عليكى ... بالتوفيق
ياااااااااااااارب
ــــــــــــــــــــــــــــــــــــــــــــــــــ ـــــ نسيت أقولك ــــــــــــــــــــــــــــــــــــــــــــــــــ ــــــــــــــــــــــــــــ
لو راجعتى شوية إنجليزى يكون أفضل .... ودة على حسب المكان اللى أنتى مقدمة فية بردوة .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
بصراحه الأنجليزى عندى مش اوى ,, بس هحاول
باى
|